fbpx
ತಿಂಡಿ ತೀರ್ಥ

ಪಂಜಾಬ್’ನ ಸ್ಪೆಷಲ್ ಆಲೂ ಕುಲ್ಚಾ ಮಾಡುವ ವಿಧಾನ

ಆಲೂ ಕುಲ್ಚಾ ಮಾಡಲು ಬೇಕಾಗುವ ಸಾಮಗ್ರಿ :

*ಮೈದಾ, * ಸಕ್ಕರೆ, * ಬೇಕಿಂಗ್ ಪೌಡರ್, * ಬೇಕಿಂಗ್ ಸೋಡಾ, * ಉಪ್ಪು, * ಮೊಸರು, * ಎಣ್ಣೆ, *ಉಗುರು ಬೆಚ್ಚಗಿನ ನೀರು. * ಎರಡು ಆಲೂಗಡ್ಡೆ, * ಮೆಣಸಿನಕಾಯಿ, *ಅರ್ಧ ಚಮಚ ಅಚ್ಚಖಾರದ ಪುಡಿ, *ಕಾಲು ಚಮಚ ಗರಂ ಮಸಾಲ, * ಶುಂಠಿ, ಕಾಲು ಚಮಚ ಮಾವಿನಕಾಯಿ ಪುಡಿ, * ಓಮಿನ ಕಾಳು, * ಕೊತ್ತಂಬರಿ ಸೊಪ್ಪು, * ಉಪ್ಪು. * ಕಪ್ಪು ಎಳ್ಳು,

 

ಆಲೂ ಕುಲ್ಚಾ ಮಾಡುವ ವಿಧಾನ :  2 ಕಪ್ ಮೈದಾ, ಒಂದು ಚಮಚ  ಸಕ್ಕರೆ, 1 ಚಮಚ ಬೇಕಿಂಗ್ ಪೌಡರ್, ಕಾಲು ಚಮಚದಷ್ಟ ಬೇಕಿಂಗ್ ಸೋಡಾ, ಕಾಲು ಕಪ್ ನಷ್ಟು ಮೊಸರು, 2 ಚಮಚ ಎಣ್ಣೆ, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ನೀರನ್ನು ಹಾಕಿ ಹಿಟ್ಟು ಕಲೆಸಿಕೊಳ್ಳಿ. ಅದರ ಮೇಲೆ ಒದ್ದೆ ಬಟ್ಟೆಯನ್ನು ಹಾಕಿ 2 ಗಂಟೆಗಳವರೆಗೆ ಹಾಗೇ ಇಡಿ. ಇನ್ನೊಂದು ಬೌಲ್ ನಲ್ಲಿ ಬೇಯಿಸಿ ಸಿಪ್ಪೆ ಸುಲಿದ ಎರಡು ಆಲೂಗಡ್ಡೆ, ಸಣ್ಣಗೆ ಹೆಚ್ಚಿದ ಒಂದು ಹಸಿ ಮೆಣಸಿನಕಾಯಿ, ಅರ್ಧ ಚಮಚ ಅಚ್ಚಖಾರದ ಪುಡಿ, ಕಾಲು ಚಮಚ ಗರಂ ಮಸಾಲ, ಒಂದು ಇಂಚಿನಷ್ಟು ಹೆಚ್ಚಿದ ಶುಂಠಿ, ಕಾಲು ಚಮಚ ಮಾವಿನಕಾಯಿ ಪುಡಿ, ಕಾಲು ಚಮಚ ಓಮಿನ ಕಾಳು ಎಲ್ಲವನ್ನೂ ಚೆನ್ನಾಗಿ ಮಿಕ್ಸ್ ಮಾಡಿ.

ರೆಡಿ ಮಾಡಿಟ್ಟಿರುವ ಹಿಟ್ಟಿನಲ್ಲಿ ಚೆಂಡಿನ ಗಾತ್ರದ ಉಂಡೆಗಳನ್ನು ಮಾಡಿ. ಕೈಗಳ ಮೇಲಿಟ್ಟುಕೊಂಡು ಉಂಡೆಗಳನ್ನು ತಟ್ಟಿ ಪೂರಿಯಾಕಾರಕ್ಕೆ ಮಾಡಿಕೊಂಡು ಅದರ ಮೇಲೆ ಆಲೂ ಸ್ಟಫ್ ತುಂಬಿಸಿ ಮುಚ್ಚಿ. ಮೇಲಿಂದ ಎಳ್ಳು ಮತ್ತು ಕೊತ್ತಂಬರಿ ಸೊಪ್ಪನ್ನು ಉದುರಿಸಿ ಲಟ್ಟಿಸಿ. ಕುಲ್ಚಾದ ಮೇಲೆ ಸ್ವಲ್ಪ ನೀರನ್ನು ಸವರಿ. ಬಿಸಿಯಾದ ತವಾ ಮೇಲೆ ಹಾಕಿ. ಎರಡೂ ಕಡೆ ಹೊಂಬಣ್ಣ ಬರುವವರೆಗೆ ಬೇಯಿಸಿ. ನಂತರ ಬಿಸಿ ಕುಲ್ಚಾದ ಮೇಲೆ ಬೆಣ್ಣೆ ಸವರಿ ಸರ್ವ್ ಮಾಡಿ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top