ಸಾಮಾಜಿಕ ಜಾಲತಾಣಗಳೆಂದರೆ ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ ? ಈಗಲಂತೂ ಮಕ್ಕಳಿಂದ ಹಿಡಿದು ಅಜ್ಜ ಅಜ್ಜಿ ತನಕವೂ ಎಲ್ಲರೂ ಈ ಫೇಸ್ ಬುಕ್ , ವಾಟ್ಸ್ ಆ್ಯಪ್ ಮತ್ತು ಇನ್ಸ್ಟಾಗ್ರಾಂ ಅನ್ನು ಬಳಸುತ್ತಾರೆ. ಹೀಗಿರುವಾಗ ಬಳಕೆದಾರರನ್ನು ಸೆಳೆಯಲು ಈ ಆ್ಯಪ್ ಗಳು ತಮ್ಮ ಬಳೆಕೆದಾರರಿಗಾಗಿ ಹೊಸ-ಹೊಸ ಫೀಚರ್ ಗಳನ್ನು ನೀಡುತ್ತಲೇ ಇರುತ್ತಾರೆ . ಇದೀಗ ಇನ್ಸ್ಟಾಗ್ರಾಂ ತನ್ನ ಬಳಕೆದಾರರಿಗೆ ಹೊಸದಾದ ಸಿಹಿ ಸುದ್ದಿಯೊಂದನ್ನು ನೀಡಿದ್ದು. ಇನ್ಮುಂದೆ ಇನ್ಸ್ಟಾಗ್ರಾಂ ಆ್ಯಪ್ ನಲ್ಲಿ ಅದ್ಭುತ ಫೀಚರ್ ಲಭ್ಯವಾಗಲಿದೆ .
ಯಾವ ಫೀಚರ್ ?
ಹೌದು, ಫೋಟೋ ಶೇರಿಂಗ್ ಫ್ಲಾಟ್ಫಾರ್ಮ್ ಇನ್ಸ್ಟಾಗ್ರಾಂನಲ್ಲಿ ಧ್ವನಿ ಸಂದೇಶದ ಹೊಸ ಆಯ್ಕೆಯನ್ನು ನೀಡಲಾಗಿದೆ. ಇದರಿಂದ ಇನ್ನು ಮುಂದೆ ವಾಟ್ಸ್ಆ್ಯಪ್ ರೀತಿಯಲ್ಲೇ ಇನ್ಸ್ಟಾಗ್ರಾಂನಲ್ಲೂ ವಾಯ್ಸ್ ಮೆಸೇಜ್ ಕಳುಹಿಸಬಹುದಾಗಿದೆ.
ಈ ಹೊಸ ಫೀಚರ್ ಅನ್ನು ಬಳಸೋದು ಹೇಗೆ ?
ಇನ್ಸ್ಟಾಗ್ರಾಂ ನಲ್ಲಿ ನೀಡಲಾಗಿರುವ ಹೊಸ ಆಯ್ಕೆಯನ್ನು ಚಾಟ್ ಬಾಕ್ಸ್ನಲ್ಲಿ ಬಳಸಿಕೊಳ್ಳಬಹುದು. ಮೆಸೇಜ್ ಮಾಡುವ ಜಾಗದಲ್ಲಿ ಮೈಕ್ರೋಫೋನ್ ರೀತಿಯ ಬಟನ್ ಆಯ್ಕೆಯನ್ನು ನೀಡಲಾಗಿದ್ದು, ಇದನ್ನು ಒತ್ತಿ ಹಿಡಿದುಕೊಳ್ಳುವ ಮೂಲಕ ವಾಯ್ಸ್ ರೆಕಾರ್ಡಿಂಗ್ ಮಾಡಿಕೊಳ್ಳಬಹುದು. ರೆಕಾರ್ಡಿಂಗ್ ಮುಗಿದ ಬಳಿಕ ಬಳಕೆದಾರರು ಸಂದೇಶಗಳನ್ನು ಕಳುಹಿಸಲು ಸಾಧ್ಯವಾಗುತ್ತದೆ. ತಪ್ಪಾಗಿ ರೆಕಾರ್ಡಿಂಗ್ ಮಾಡಿಕೊಂಡಿದ್ದರೆ, ಎಡಕ್ಕೆ ಸ್ವೈಪ್ ಮಾಡುವ ಮೂಲಕ ಸಂದೇಶವನ್ನು ರದ್ದುಗೊಳಿಸಬಹುದು. ಹಾಗೂ ವಿಶೇಷವೆಂದರೆ, ಇನ್ಸ್ಟಾಗ್ರಾಂ ಪ್ರಸ್ತುತ ಪಡಿಸಿರುವ ವಾಯ್ಸ್ ಮೆಸೇಜ್ ಆಯ್ಕೆಯ ಕಳುಹಿಸಿದ ಸಂದೇಶವನ್ನು ಅನ್ಸೆಂಡ್ ಆಯ್ಕೆಯ ಮೂಲಕ ರದ್ದು ಪಡಿಸಬಹುದು. .
ಇನ್ಸ್ಟಾಗ್ರಾಂ ಆ್ಯಪ್ನ ಈ ಹೊಸ ಆಯ್ಕೆಯು ಐಒಎಸ್ ಮತ್ತು ಅಂಡ್ರಾಯ್ಡ್ ಸ್ಮಾರ್ಟ್ಫೋನ್ ಬಳಕೆದಾರರಿಗೆ ಲಭ್ಯವಿದೆ
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
