fbpx
ಸಮಾಚಾರ

”ಪುಷ್ಪ ಸಿನಿಮಾ ನೋಡಬೇಡಿ” ಎಂದು ಅಭಿಯಾನ: ತೆಲುಗು ಚಿತ್ರದ ವಿರುದ್ಧ ಸಿಡಿದೆದ್ದ ಕನ್ನಡಿಗರು

ಇನ್ನೇನು ದಿನದೊಪ್ಪತ್ತಿನಲ್ಲಿ ಬಿಡುಗಡೆಯಾಗಲಿರುವ ತೆಲುಗು ನಟ ಅಲ್ಲು ಅರ್ಜುನ್ ನಟನೆಯ ಪುಷ್ಪಾ ಚಿತ್ರದ ವಿರುದ್ಧ ಕನ್ನಡಿಗರು ಸಿಡಿದೆದ್ದಿದ್ದಾರೆ. ‘ಪುಷ್ಪ’ ಸಿನಿಮಾವನ್ನು ಕರ್ನಾಟಕದಲ್ಲಿ ಬಹಿಷ್ಕರಿಸಿ ಎಂಬ ಅಭಿಯಾನ ಟ್ವಿಟರ್‌ನಲ್ಲಿ ಟ್ರೆಂಡಿಂಗ್‌ ಆಗಿದೆ. #BoycottPushpaInKarnataka ಎಂಬ ಹ್ಯಾಷ್‌ಟ್ಯಾಗ್‌ನಡಿ ಕರ್ನಾಟಕದಲ್ಲಿ ತೆಲುಗಿನ ‘ಪುಷ್ಪ’ ಸಿನಿಮಾವನ್ನು ಬಹಿಷ್ಕರಿಸಿ ಎನ್ನುವ ಅಭಿಯಾನ ಆರಂಭವಾಗಿದೆ.

ತೆಲುಗು ಭಾಷೆಯಲ್ಲಿ ಸಿದ್ಧಗೊಂಡಿರುವ ಪುಷ್ಪ ಚಿತ್ರ ಕನ್ನಡದಲ್ಲಿಯೂ ಡಬ್ ಮಾಡಲಾಗಿದೆ. ಏಕಕಾಲದಲ್ಲಿ ಕನ್ನಡದಲ್ಲಿ ಕೂಡ ರಿಲೀಸ್ ಮಾಡುತ್ತೇವೆ ಎಂದು ಆರಂಭದಲ್ಲಿ ಹೇಳಿಕೊಂಡಿದ್ದ ಚಿತ್ರತಂಡ ಈಗ ತನ್ನ ನರಿ ಬುದ್ದಿಯನ್ನು ತೋರಿಸಿದೆ. ಚಿತ್ರವು ಡಬ್‌ ಆದರೂ, ಬೆಂಗಳೂರು, ಮೈಸೂರು ಸೇರಿದಂತೆ ರಾಜ್ಯದೆಲ್ಲೆಡೆ ತೆಲುಗು ಭಾಷೆಯಲ್ಲೇ ಚಿತ್ರವನ್ನು ಬಿಡುಗಡೆ ಮಾಡುತ್ತಿದೆ. ಈ ಕಾರಣಕ್ಕೆ ಪುಷ್ಪ ಚಿತ್ರವನ್ನೇ ಬಹಿಷ್ಕರಿಸಿ ಎಂದು ಸ್ವಾಭಿಮಾನಿ ಕನ್ನಡಿಗರು ಅಭಿಯಾನ ಆರಂಭವಾಗಿದೆ.

ಬೆಂಗಳೂರಿನಲ್ಲಿ ಒಂದೆರೆಡು ಶೋಗಳಷ್ಟೇ ಕನ್ನಡದಲ್ಲಿ ಡಬ್‌ ಆಗಿರುವ ‘ಪುಷ್ಪ’ ಸಿನಿಮಾಗೆ ನೀಡಲಾಗಿದ್ದು, ತಮಿಳು ಹಾಗೂ ಮಲಯಾಳಂಗೇ ಕನ್ನಡಕ್ಕಿಂತ ಹೆಚ್ಚಿನ ಶೋ ನೀಡಲಾಗಿದೆ. ಇನ್ನು ತೆಲುಗು ಅವತರಣಿಕೆಯ ಚಿತ್ರಕ್ಕೆ 750ಕ್ಕೂ ಹೆಚ್ಚು ಶೋಗಳನ್ನ ನೀಡಿದ್ದಾರೆ.

 

 

 

 

 

 

 

 

 

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment

Leave a Reply

Your email address will not be published.

To Top