fbpx
ಸಮಾಚಾರ

“ಶಿವಣ್ಣ, ಸುದೀಪ್, ಯಶ್, ದರ್ಶನ್ ಗೆ ಕೈಮುಗಿದು ಕೇಳಿಕೊಳ್ಳುತ್ತೇನೆ” ಹೀಗ್ಯಾಕಂದ್ರು ಡಿಕೆ ಶಿವಕುಮಾರ್

ಮೇಕೆದಾಟು ಯೋಜನೆ ಜಾರಿಗೆ ಆಗ್ರಹಿಸಿ ಕಾಂಗ್ರೆಸ್ ಪಕ್ಷವು ಜನವರಿ 9 ರಿಂದ ಮೇಕೆದಾಟಿನಿಂದ ಬೆಂಗಳೂರಿಗೆ ಪಾದಯಾತ್ರೆ ಹಮ್ಮಿಕೊಂಡಿದೆ. ಇನ್ನು, ಮೇಕೆದಾಟು ಪಾದಯಾತ್ರೆಗಾಗಿ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್ ಚಲನಚಿತ್ರ ವಾಣಿಜ್ಯ ಮಂಡಳಿಗೆ ಭೇಟಿ ನೀಡಿದ್ದು, ಚಿತ್ರರಂಗದ ಬೆಂಬಲ ಕೋರಿದ್ದಾರೆ.

ಈ ವೇಳೆ ಮನವಿ ಪತ್ರದ ಮೂಲಕ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷರಿಗೆ ಡಿ.ಕೆ.ಶಿವಕುಮಾರ್‌ ಆಹ್ವಾನಿಸಿ ಹೋರಾಟದಲ್ಲಿ ಭಾಗವಹಿಸುವಂತೆ ಮನವಿ ಮಾಡಿದ್ದರು. ಬಳಿಕ ಮಾತನಾಡಿದ ಡಿಕೆಎಸ್​, ಈ ಹೋರಾಟ ಯಾವುದೇ ಪಕ್ಷಕ್ಕಾಗಲಿ ಮತ್ತು ವ್ಯಕ್ತಿಗಾಗಲಿ ಸೇರಿದ್ದಲ್ಲ, ಇದು ನಮ್ಮ ಹಕ್ಕಿನ ಹೋರಾಟ. ಮೇಕೆದಾಟು ನಮ್ಮ ಹಕ್ಕು ಅದನ್ನು ದಕ್ಕಿಸಿಕೊಳ್ಳೋದಿಕ್ಕೆ ಈ ಪಾದಯಾತ್ರೆ ಮಾಡ್ತಿದ್ದೇವೆ. ಹಾಗಾಗಿ ಚಿತ್ರರಂಗದ ಎಲ್ಲರೂ ಇದರಲ್ಲಿ ಒಕ್ಕೊರಲಿನಿಂದ ಭಾಗವಹಿಸಬೇಕೆಂದು ಕೇಳಿಕೊಳ್ಳುತ್ತೇನೆ ಎಂದರು.

‘ಚಿತ್ರೋದ್ಯಮಕ್ಕೆ ವಾಣಿಜ್ಯ ಮಂಡಳಿಯೇ ಬೇರು. ಕಲಾವಿದರು, ನಿರ್ಮಾಪಕರು, ಪ್ರದರ್ಶಕರು ಎಲ್ಲರೂ ಇಲ್ಲಿಯೇ ಬಂದು ನ್ಯಾಯ ಕೇಳಬೇಕು. ಸುದೀಪ್​, ಶಿವರಾಜ್​ಕುಮಾರ್​, ಯಶ್​, ದರ್ಶನ್​ ಸೇರಿದಂತೆ ಎಲ್ಲ ನಟರಿಗೂ ವಾಣಿಜ್ಯ ಮಂಡಳಿ ಮೂಲಕ ಮನವಿ ಮಾಡಿಕೊಳ್ಳುತ್ತೇನೆ. ಆದರೆ ಯಾರಿಗೂ ಬಲವಂತ ಮಾಡುವುದಿಲ್ಲ’ ಎಂದು ಡಿಕೆ ಶಿವಕುಮಾರ್​ ಹೇಳಿದ್ದಾರೆ.

ಇನ್ನು ಚಿತ್ರರಂಗರದ ಸ್ಟಾರ್​ ನಟರಾದ ಶಿವಣ್ಣ, ಸುದೀಪ್​, ಯಶ್​, ಮತ್ತು ದರ್ಶನ್​ ಅವ್ರಿಗೆ ಕೈ ಮುಗಿದು ಕೇಳಿಕೊಳ್ಳುತ್ತೇನೆ. ತಾವು ಕನ್ನಡ ನಾಡು ನುಡಿಯ ಹೋರಾಟ ಅಂತಾ ಬಂದಾಗ ತಾವು ಸದಾ ಮುಂದೆ ನಿಂತು ಬೆಂಬಲ ನೀಡಿದ್ದೀರಾ. ಹಾಗೆಯೇ ಈ ಹೋರಾಟದಲ್ಲಿ ಕೂಡ ನೀವು ಭಾಗವಹಿಸಬೇಕು. ನಾನು ಪಾದಯಾತ್ರೆಯಲ್ಲಿ ಪಾಲ್ಗೊಳ್ಳಲೇಬೇಕು ಅಂತಾ ಬಲವಂತ ಮಾಡೋಲ್ಲ, ಆದ್ರೆ ಮನವಿಯನ್ನ ಮಾಡ್ತೇನೆ. ಹೀಗಾಗಿ ಅವರು ಸೇರಿದಂತೆ ಈಡೀ ಚಿತ್ರರಂಗ ನಮ್ಮ ಹೋರಾಟದಲ್ಲಿ ಭಾಗವಹಿಸುತ್ತದೆ ಎಂಬ ವಿಶ್ವಾಸವಿದೆ ಎಂದು ಡಿ.ಕೆ.ಶಿವಕುಮಾರ್​ ತಿಳಿಸಿದರು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment

Leave a Reply

Your email address will not be published.

To Top