fbpx
ಸಮಾಚಾರ

ಮಾಜಿ ಬಿಗ್ ಬಾಸ್ ಸ್ಪರ್ದಿ ಋಷಿಕುಮಾರಗೆ ಮಸಿ: ಕನ್ನಡಪರರನ್ನು ಕಿಡಿಗೇಡಿಗಳು ಎಂದ ಟಿವಿ9 ವಿರುದ್ಧ ಆಕ್ರೋಶ

ಬಿಗ್ ಬಾಸ್ ಸೀಸನ್-1ರ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಮೂಲಕ ಫೇಮಸ್ ಆಗಿದ್ದ ಋಷಿಕುಮಾರ ಅಲಿಯಾಸ್ ಕಾಳಿ ಸ್ವಾಮಿಗೆ ನೆನ್ನೆ ರಾತ್ರಿ ಕನ್ನಡ ಪರ ಹೋರಾಟಗಾರರು ಮಸಿ ಬಳಿದು ಪ್ರತಿಭಟನೆ ಮಾಡಿದ್ದರು. ನಾಡಿನ ಹೆಮ್ಮಯ ರಾಷ್ಟ್ರಕವಿ ಕುವೆಂಪು, ಮತ್ತು ನಾಡಪ್ರಭು ಕೆಂಪೇಗೌಡ ಅವರನ್ನು ಅವಮಾನ ಮಾಡಿದ್ದಾರೆ ಎಂಬ ಆರೋಪದ ಮೇಲೆ ಋಷಿಕುಮಾರ ಮುಖಕ್ಕೆ ಮಸಿ ಬಳೆಯಲಾಯಿತು.

 

 

ಬೆಂಗಳೂರಿನ ಮಲ್ಲೇಶ್ವರ ಬಳಿಯಿರುವ ಗಂಗಮ್ಮ ದೇವಾಲಯದಲ್ಲಿ ಪೂಜೆ ಮುಗಿಸಿ ಬರುತ್ತಿದ್ದ ಕಾಳಿ ಸ್ವಾಮಿಯನ್ನು ಕನ್ನಡಪರ ಕಾರ್ಯಕರ್ತರು ಅಡ್ಡಹಾಕಿ ತರಾಟೆಗೆ ತೆಗೆದುಕೊಂಡರು. ಈ ವೇಳೆ ಕಾಳಿ ಸ್ವಾಮಿಗೂ ಕನ್ನಡಪರರಿಗೂ ಮಾತಿನ ಚಕಮಕಿ ನಡೆಯಿತು.. ಆಗ ನೋಡನೋಡುತ್ತಿದ್ದಂತೆ ಋಷಿಕುಮಾರ ಅವರ ಮುಖಕ್ಕೆ ಮಸಿ ಬಳಿಯಲಾಯಿತು. ಕಾಳಿ ಸ್ವಾಮಿಗೆ ಮಸಿ ಬೆಳೆದಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.

 

 

ಋಷಿಕುಮಾರಗೆ ಮಸಿ ಬಳಿದ ವಿಚಾರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದಂತೆ ಕನ್ನಡ ಸುದ್ದಿ ವಾಹಿನಿಗಳು ಕೂಡ ಇದನ್ನು ವರದಿ ಮಾಡಿ ಪ್ರಸಾರ ಮಾಡಿದವು. ಆದರೆ ಸದಾ ಕನ್ನಡಪರರ ವಿರೋಧ ಕಟ್ಟಿಕೊಳ್ಳುವ ಟಿವಿ9 ವಾಹಿನಿ ಮಾತ್ರ ಕನ್ನಡಿಗರನ್ನ ಮತ್ತೆ ಕೆಣಕಿದೆ.. “ಕಿಡಿಗೇಡಿಗಳಿಂದ ಕಾಳಿ ಸ್ವಾಮಿ ಮುಖಕ್ಕೆ ಮಸಿ” ಎಂಬಂತ ಹೆಡ್ ಲೈನ್ ಗಳನ್ನ ಪ್ರಸಾರ ಮಾಡಿದೆ. ಈ ಮೂಲಕ ಕನ್ನಡಪರರನ್ನು ಕಿಡಿಗೇಡಿಗಳು ಎಂದು ಕರೆದು TV9 ಅವಮಾನ ಮಾಡಿದೆ..

 

 

ಅತ್ತ ಕನ್ನಡಪರ ಕಾರ್ಯಕರ್ತರ ಮೇಲೆ ‘ಕಿಡಿಗೇಡಿಗಳು’ ಎಂಬ ಪದ ಪ್ರಯೋಗ ಮಾಡಿದ್ದಕ್ಕೆ ಸದ್ಯ ಟಿವಿ9 ವಿರುದ್ಧ ಕನ್ನಡಿಗರು ಕಿಡಿಕಾರಿದ್ದಾರೆ.. ಸಾಮಾಜಿಕ ಜಾಲತಾಣದ ಮೂಲಕ ಟಿವಿ9 ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಿರುವ ನೆಟ್ಟಿಗರು ಕೂಡಲೇ ಟಿವಿ9
ಬೇಷರತ್ ಕ್ಷಮೆ ಕೇಳಬೇಕು ಎಂದು ಒತ್ತಾಯಿಸುತ್ತಿದ್ದಾರೆ.. “ನಾಡದ್ರೋಹಿಗಳಿಗೆ ಮಸಿ ಹಚ್ಚದೇ ಏನು ಫೇರ್ ಆ್ಯಂಡ್ ಲವ್ಲಿ ಹಚ್ಚಬೇಕಾ…?” ಎಂಬ ಪೂರ್ಣಚಂದ್ರ ತೇಜಸ್ವಿ ಅವರ ಹೇಳಿಕೆಯನ್ನು ಕನ್ನಡಿಗರು ಉಲ್ಲೇಖಿಸಿದ್ದಾರೆ..

 

 

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment

Leave a Reply

Your email address will not be published.

To Top