ಪ್ರತಿಯೊಬ್ಬ ಸ್ಟಾರ್ ನಟ ನಟಿಯರು ತಮ್ಮ ಬದುಕಿನಲ್ಲಿ ಹತ್ತು ಹಲವಾರು ಕಷ್ಟಗಳನ್ನು ಅನುಭವಿಸಿರುತ್ತಾರೆ. ಇಷ್ಟೆಲ್ಲಾ ಕಷ್ಟಗಳನ್ನು ಮೆಟ್ಟಿ ನಿಂತರೆ ಮಾತ್ರ ಅವರು ಹೆಚ್ಚಾಗಿ ಗುರಿತಿಸ್ಕೊಳ್ಳಲು ಸಾಧ್ಯ. ಇದಲ್ಲದೆ ಪ್ರತಿಯೊಬ್ಬರ ಬದುಕಿನಲ್ಲೂ ಒಂದು ದಿನ ಬಹಳ ವಿಶೇಷ ದಿನವಿರುತ್ತದೆ. ಇದೀಗ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರ ಬದುಕಿನಲ್ಲೂ ಇಂತಹ ದಿನ ಇದ್ದು, ಇದರ ಕುರಿತು ಅವರು ಟ್ವೀಟ್ ಮಾಡಿದ್ದಾರೆ.
ನಟ ಕಿಚ್ಚ ಸುದೀಪ್ ಇದೀಗ ಸ್ಯಾಂಡಲ್ವುಡ್ ನ ಬೇಡಿಕೆಯ ನಟರಲ್ಲಿ ಒಬ್ಬರು. ಸ್ಯಾಂಡಲ್ವುಡ್ ಮಾತ್ರವಲ್ಲದೆ ಹಲವಾರು ಭಾಷೆಗಳಲ್ಲಿ ನಟಿಸಿ ಸೈ ಎಂದೆನಿಸಕೊಂಡ ಪ್ರತಿಭಾನ್ವಿತ ನಟ. ಇಷ್ಟೆಲ್ಲಾ ಕೀರ್ತಿ ಗಳಿಸಿದ ಕಿಚ್ಚ ತಮ್ಮ ಜೀವನದಲ್ಲಿ ಹಲವಾರು ಕಷ್ಟಗಳನ್ನು ಅನುಭವಿಸಿದ್ದಾರೆ. ಇಷ್ಟೆಲ್ಲಾ ಕಷ್ಟಗಳ ಮಧ್ಯೆ ಇವರಿಗೆ ವಿಶೇಷ ದಿನವೊಂದು ಇದ್ದು ಅದು ಜೂಲೈ 6.
ಕಿಚ್ಚ ಅಭಿನಯದ ಮೊದಲ ಸಿನಿಮಾ ಸ್ಪರ್ಷ. ಆದರೆ ಹಲವಾರು ಕಾರಣಗಳಿಂದ ಈ ಸಿನಿಮಾ ಹೆಚ್ಚಾಗಿ ಸದ್ದು ಮಾಡಲಿಲ್ಲ. ಇದರಿಂದಾಗಿ ಸುದೀಪ್ ಅವರಿಗೆ ಸಿನಿಮಾದ ಆಫರ್ ಗಳು ಕೂಡ ಕಡಿಮೆಯಾದವು. ನಂತರ ಸುದೀಪ್ ಮಾಡಿದ ಸಿನಿಮಾ ಎಂದರೆ ಅದು ಹುಚ್ಚ. ಈ ಸಿನಿಮಾ ಸುದೀಪ್ ಪಾಲಿಗೆ ಟರ್ನಿಂಗ್ ಪಾಯಿಂಟ್ ಆಗಿದ್ದು, ಈ ಸಿನಿಮಾ ಬಿಡುಗಡೆ ಆದ ದಿನ ಎಂದರೆ ಜುಲೈ 6 2001 ನನ್ನ ಪಾಲಿಗೆ ಅತ್ಯಂತ ವಿಶೇಷವಾದ ದಿನ ಎಂದು ಟ್ವೀಟ್ ಮಾಡಿದ್ದಾರೆ. ಇದಲ್ಲದೆ ಸುದೀಪ್ ಅವರಿಗೆ ಕಿಚ್ಚ ಎಂಬ ಬಿರುದು ಸಿಕ್ಕಿದ್ದು ಕೂಡ ಈ ಸಿನಿಮಾದ ಮೂಲಕ ಎಂಬುದು ವಿಶೇಷ.
A beautiful day in my life.
A big thanks to each one from the team of #Huchcha and #Eega for giving me those unforgettable moments.🥳❤️
One made me,,
One Elevated me. #21YearsOfHuchcha#10YearsOfEega pic.twitter.com/X78os4Mk1l— Kichcha Sudeepa (@KicchaSudeep) July 6, 2022
ಈ ಮಧುರವಾದ ದಿನವನ್ನು ನೆನಪಿಸಿಕೊಂಡ ಕಿಚ್ಚ ತನ್ನ ಟ್ವಿಟ್ಟರ್ ಖಾತೆಯಲ್ಲಿ “ಇದು ನನ್ನ ವೃತ್ತಿ ಜೀವನದ ಬಹಳ ಸುಂದರವಾದ ದಿನ, ಹುಚ್ಚ ಮತ್ತು ಈಗ ಸಿನಿಮಾ ಬಿಡುಗಡೆಯಾದ ದಿನ. ಈ ಎರಡು ಸಿನಿಮಾ ತಂಡಕ್ಕೆ ತುಂಬು ಹೃದಯದಿಂದ ಧನ್ಯವಾದ ಹೇಳುತ್ತೇನೆ. ಒಂದು ನ್ನ ವೃತ್ತಿ ಜೀವನವನ್ನು ಕಟ್ಟಿಕೊಟ್ಟರೆ, ಇನ್ನೊಂದು ಅದನ್ನು ಎತ್ತರಕ್ಕೆ ಏರಿಸಿದೆ” ಎಂದು ಟ್ವೀಟ್ ಮೂಲಕ ಅಭಿಮಾನಿಗಳಿಗೆ ಹಾಗು ಸಿನಿಮಾ ತಂಡಕ್ಕೆ ಧನ್ಯವಾದವನ್ನು ತಿಳಿಸಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
