ಮುಂದಿನ ವರ್ಷ ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾರೆ ರಾಹುಲ್ ಮತ್ತು ಆಥಿಯಾ ಶೆಟ್ಟಿ ಜೋಡಿ?

ಬಾಲಿವುಡ್ ನಟಿ ಅಥಿಯಾ ಶೆಟ್ಟಿ ಮತ್ತು ಕರ್ನಾಟಕದ ಭಾರತೀಯ ಕ್ರಿಕೆಟಿಗ ಕೆಎಲ್ ರಾಹುಲ್ ಬಹಳ ಸಮಯದಿಂದ ಒಟ್ಟಿಗೆ ಇದ್ದಾರೆ ಮತ್ತು ಅವರ ಮದುವೆಯ ಬಗ್ಗೆ ಬಹಳ ಸಮಯದಿಂದ ವದಂತಿಗಳು ಹರಿದಾಡುತಿತ್ತು. ಇನ್ನು ಮೂರು ತಿಂಗಳಲ್ಲಿ ಈ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಎಂಬ ಊಹಾಪೋಹ ಕೆಲವೇ ದಿನಗಳ ಹಿಂದೆ ಕೇಳಿ ಬರುತಿತ್ತು. ಆದರೆ ಅಥಿಯಾ ಶೆಟ್ಟಿ ಮಾತ್ರ ಈ ಉಹಾಪೋಹವನ್ನು ತಳ್ಳಿಹಾಕಿದ್ದರು. ಆದರೆ ಇದೀಗ ಇವರಿಬ್ಬರ ಮದುವೆ ಕುರಿತು ಮತ್ತೊಂದು ಹೊರಬಿದ್ದಿದೆ.

ಆದರೆ ಇತ್ತೀಚಿಗೆ ಬಂದಿರುವ ಮಾಹಿತಿ ಪ್ರಕಾರ 2023 ರ ಮೊದಲ ತ್ರೈಮಾಸಿಕ ಅಂದರೆ ಜನವರಿ ಅಥವಾ ಫೆಬ್ರವರಿಯಲ್ಲಿ ಇವರ ಮದುವೆ ನಡೆಯುವ ಸಾಧ್ಯತೆಗಳಿವೆ. ಆದರೆ ದಿನಾಂಕ ಮತ್ತು ಸ್ಥಳವನ್ನು ಮಾತ್ರ ಕುಟುಂಬದವರು ಅಂತಿಮಗೊಳಿಸಿಲ್ಲ.

ಟೀಮ್ ಇಂಡಿಯಾ ಅಕ್ಟೋಬರ್ ನಲ್ಲಿ T20 ವಿಶ್ವಕಪ್ ಆಡಲಿದೆ. ಹೀಗಾಗಿ ರಾಹುಲ್ ಈ ಟೂರ್ನಿಯಲ್ಲಿ ಪ್ರಮುಖ ಪತ್ರ ವಹಿಸುತ್ತಾರೆ. ಈ ಟೂರ್ನಿ ಮುಗಿಯೋದು ನವೆಂಬರ್ ನಲ್ಲಿ. ಆದ್ದರಿಂದ ಜನವರಿ ಅಥವಾ ಫೆಬ್ರವರಿಯಲ್ಲಿ ಇವರಿಬ್ಬರ ವಿವಾಹ ನಡೆಯಬಹುದು.

ಇವರಿಬ್ಬರ ಜೋಡಿ ಸುಮಾರು 3 ವರ್ಷಗಳಿಂದ ಒಟ್ಟಿಗೆ ಸುತ್ತಾಡುತ್ತಿದ್ದು, ರಾಹುಲ್ ಪ್ರಪಂಚಾದ್ಯಂತ ಭಾಗವಹಿಸುವ ಕ್ರಿಕೆಟ್ ಪ್ರವಾಸದಲ್ಲಿ ಆಥಿಯಾ ಕೂಡ ಜೊತೆಯಾಗಿರುತ್ತಾರೆ. ಆಥಿಯಾ ಶೆಟ್ಟಿ ಬಾಲಿವುಡ್​ ನ ಖ್ಯಾತ ನಟ ಸುನೀಲ್ ಶೆಟ್ಟಿ ಅವರ ಮಗಳು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ