ಮಾಜಿ ಪತ್ನಿ ಸಮಂತಾ ಜೊತೆ ಮತ್ತೆ ಸಿನಿಮಾ ಮಾಡ್ತೀರಾ….? ನಿರೂಪಕಿ ಕೇಳಿದ ಪ್ರಶ್ನೆಗೆ ನಾಗಚೈತನ್ಯ ನೀಡದ ಉತ್ತರ ಏನು ಗೊತ್ತಾ?

ತೆಲುಗು ಸಿನಿಮಾ ರಂಗದ ಸ್ಟಾರ್ ಕಪಲ್ ನಾಗಚೈತನ್ಯ ಮತ್ತು ಸಮಂತಾ ಪರಸ್ಪರ ಬೇರೆಯಾಗುವ ಮೂಲಕ ತಮ್ಮ ಅಭಿಮಾನಿಗಳಿಗೆ ಶಾಕ್ ನೀಡಿದ್ದರು. ಇದಾದ ನಂತರ ಇವರಿಬ್ಬರ ಕುರಿತು ಬರುವ ಪ್ರತಿಯೊಂದು ವಿಷಯದ ಕುರಿತು ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದರು. ಇದೀಗ ನಾಗಚೈತನ್ಯ ಅವರಿಗೆ ಸಂದರ್ಶನವೊಂದರಲ್ಲಿ ಕೇಳಿರುವ ಪ್ರಶ್ನೆಗೆ ಅಚ್ಚರಿಯ ರೀತಿಯಲ್ಲಿ ಉತ್ತರವನ್ನು ನೀಡಿದ್ದಾರೆ.

ಸಂದರ್ಶನವೊಂದರಲ್ಲಿ ನಿರೂಪಕಿ ನಾಗಚೈತನ್ಯ ಅವರಿಗೆ ನೀವು ಮತ್ತು ಸಮಂತಾ ಒಟ್ಟಿಗೆ ಸಿನಿಮಾ ಮಾಡುತ್ತೀರಾ ಎಂದು ಪ್ರಶ್ನಿಸಿದರು. ಇದಕ್ಕೆ ಉತ್ತರಿಸಿದ ನಾಗಚೈತನ್ಯ ‘ಒಂದು ವೇಳೆ ಹಾಗಾದರೆ ಅದೊಂದು ಕ್ರೇಜಿ ಸಂಗತಿಯಾಗುತ್ತದೆ. ಆದರೆ ನನಗೆ ಅದರ ಬಗ್ಗೆ ಗೊತ್ತಿಲ್ಲ, ಜಗತ್ತಿಗೆ ಮಾತ್ರ ತಿಳಿದಿದೆ. ನೋಡೋಣ’ ಎಂದು ಉತ್ತರಿಸಿದರು. ಇದಲ್ಲದೆ ನಿಮಗೆ ಆನ್ ಸ್ಕ್ರೀನ್ ನಲ್ಲಿ ಅದ್ಭುತ ಕೆಮಿಸ್ಟ್ರಿ ಯಾರ ಜೊತೆ ಎಂದು ಕೇಳಿದಾಗ ಅದಕ್ಕೆ ಸಮಂತಾ ಜತೆ ಎಂದು ನಾಗಚೈತನ್ಯ ಉತ್ತರಿಸಿದ್ದರು.

ಈ ಹಿಂದೆ ಕಾಫೀ ವಿತ್ ಕರಣ್ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಸಮಂತಾ ಕರಣ್ ಜೋಹರ್ ಇವರ ವಿಚ್ಚೇದನದ ಕುರಿತು ಕೇಳಿದ ಪ್ರಶ್ನೆಗೆ ಉತ್ತರಿಸುತ್ತಾ “ವಿಚ್ಛೇದನದ ಬಳಿಕ ತುಂಬಾ ಕಷ್ಟವಾಗಿತ್ತು. ಆದರೀಗ ಆರಾಮಾಗಿ ಇದ್ದೀನಿ, ಮೊದಲಿಗಿಂತ ಉತ್ತಮವಾಗಿದ್ದೀನಿ. ಮತ್ತಷ್ಟು ಬಲಿಷ್ಟ ನಾಗಿದ್ದೇನೆ ” ಎಂದು ಸಮಂತಾ ಉತ್ತರಿಸಿದರು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ