fbpx
ಸಮಾಚಾರ

“ಅಮ್ಮ ನನಗೆ ಟೆನ್ಷನ್ ಆಗ್ತಿದೆ…. ನಾನು ಈ ಜಗತ್ತಿನಿಂದಲೇ ಹೊರಟು ಹೋಗಬೇಕು” ಹೋಮ್ ವರ್ಕ್ ಮಾಡಲು ಪುಟ್ಟಮಗುವಿನ ಹಠ: ವಿಡಿಯೋ ವೈರಲ್

ಶಾಲೆ ಮಕ್ಕಳಿಗೆ ಒಂದು ಕಡೆ ದಿನ ಎಷ್ಟು ಓದಬೇಕು ಎಂಬ ಟೆಂಷನ್ ಇರುತ್ತೆ. ಮತ್ತೊಂದೆಡೆ ಈ ಹೋಮ್ ವರ್ಕ್ ಎಂಬ ಭೂತ. ಮಕ್ಕಳು ಓದು ಎಂದರೆ ಬೇಕಾದರು ಓದುತ್ತಾರೆ. ಆದರೆ ಹೋಮ್ ವರ್ಕ್ ಮಾಡಬೇಕೆಂದರೆ ಅವ್ರಿಗೆ ಕಿರಿ ಕಿರಿ ಆಗುತ್ತದೆ. ಇದೀಗ ಹೋಮ್ ವರ್ಕ್ ಕುರಿತು ಪುಟ್ಟ ಬಾಲಕ ತನ್ನ ನೋವನ್ನು ಹೇಳಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗುತ್ತಿದೆ.

 

 

ಇತ್ತೀಚಿಗೆ ಮಕ್ಕಳಿಗೆ ಶಾಲೆಗಳಲ್ಲಿ ಹೆಚ್ಚಾಗಿ ಹೋಮ್ ವರ್ಕ್ ನೀಡುತ್ತಿದ್ದಾರೆ. ಹೀಗಾಗಿ ಮಕ್ಕಳು ತಮ್ಮ ಸ್ನೇಹಿತರ ಜೊತೆ ಕಾಲ ಕಳೆಯುವ ಬದಲು ಪುಸ್ತಕದ ಮುಂದೆ ದಿನಾ ಹೋಮ್ ವರ್ಕ್ ಮಾಡುತ್ತಾ ಕೂರುವಂತೆ ಮಾಡಿದೆ. ಇದು ಒಂದು ಪುಟ್ಟ ಬಾಲಕನಿಗೆ ಎಷ್ಟರಮಟ್ಟಿಗೆ ಬೇಸರ ತರಿಸಿದೆ ಎಂದರೆ ತಾನು ಈ ಜಗತ್ತಿನಿಂದಲೇ ದೂರ ಹೋಗಬೇಕು ಅನ್ನಿಸುವಷ್ಟು. ಇದೀಗ ಇದರ ಕುರಿತು ಆ ಪುಟ್ಟ ಬಾಲಕ ತನ್ನ ಅಮ್ಮನ ಬಳಿ ಹೇಳುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗುತ್ತಿದೆ.

ಎಮೊಬಾಯಿಸ್ ಇಂಡಿಯಾ ಎನ್ನುವವರ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿರುವ ಈ ವಿಡಿಯೋದಲ್ಲಿ ಮಗು ” ತನಗೆ ಹೋಮ್ ವರ್ಕ್ ಮಾಡಲು ಸ್ವಲ್ಪವೂ ಇಷ್ಟವಿಲ್ಲ ಎಂದು ಹೇಳಿದೆ. ನಂತರ ಈ ಮಗುವಿಗೆ ಎಷ್ಟರ ಮಟ್ಟಿಗೆ ಬೇಸರ ಉಂಟಾಗಿದೆ ಎಂದರೆ ‘ಅಮ್ಮಾ ನನಗೆ ಟೆನ್ಶನ್ ಆಗ್ತಿದೆ. ನಾನ್ಯಾಕೆ ಈ ಜಗತ್ತಿನಲ್ಲಿದ್ದೇನೆ? ಈ ಜಗತ್ತಿನಿಂದಲೇ ನಾನು ಹೊರಟು ಹೋಗಬೇಕು, ಎಂದು ಹೇಳಿದೆ. ಯಾಕೆ ಹೋಗ್ತಿದ್ದೀಯಾ ಅಂತ ಅಮ್ಮ ಪ್ರಶ್ನಿಸಿದ್ದಕ್ಕೆ, ‘ನನಗೆ ಯಾಕೋ ಈ ಜಗತ್ತಿನಲ್ಲಿರಲು ಮನಸ್ಸಾಗುತ್ತಿಲ್ಲ’ ಎಂದು ಪುಟ್ಟ ಮಗು ಹೇಳಿದೆ.

ಒಂದು ಪುಟ್ಟ ಮಗು ಈ ರೀತಿ ಹೇಳುತ್ತಿದೆ ಎಂದರೆ ಅದಕ್ಕೆ ಹೋಮ್ ವರ್ಕ್ ಎನ್ನುವ ಭೂತ ಎಷ್ಟರಮಟ್ಟಿಗೆ ಕಾಡಿದೆ ಎಂಬುದನ್ನು ನಾವು ಇಲ್ಲಿ ಸ್ಪಷ್ಟವಾಗಿ ಗಮನಿಸಬಹುದು. ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗುತ್ತಿದ್ದು, ನೆಟ್ಟಿಗರು ತಮ್ಮ ಅನಿಸಿಕೆಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment

Leave a Reply

Your email address will not be published. Required fields are marked *

To Top