ಬಿಗ್ ಬಾಸ್ ಕನ್ನಡ ಸೀಸನ್ 6ರಲ್ಲಿ ಮಾತಿನ ಪಟಾಕಿ ಸಿಡಿಸಿ ಎಲ್ಲರನ್ನು ನಗಿಸುತ್ತಿದ್ದ ಆ್ಯಂಡಿ ಅಲಿಯಾಸ್ ಆ್ಯಂಡ್ರೂ ಜಯಪಾಲ್ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಒಂದಲ್ಲ ಒಂದು ಕಿರಿಕ್ ಮೂಲಕ ಬಿಗ್ ಬಾಸ್ ಮನೆಯಲ್ಲಿ ಸದ್ದು ಮಾಡುತ್ತಿರುವ ಆ್ಯಂಡ್ರೂ ಜಯಪಾಲ್ ಸದ್ದಿಲ್ಲದೇ ಹಸೆಮಣೆ ಏರಿದ್ದಾರೆ.
ಕ್ರಿಶ್ಚಿಯನ್ ಪದ್ದತಿಯಂತೆ ಬೆಂಗಳೂರಿನ ಚರ್ಚ್ ಒಂದರಲ್ಲಿ ಸರಳವಾಗಿ ಮದುವೆಯಾಗಿದ್ದಾರೆ. ನಟ ಮತ್ತು ಆರ್ ಜೆ ಯಾಗಿ ಗುರುತಿಸಿಕೊಂಡಿದ್ದ ಆ್ಯಂಡಿ ಬಿಗ್ ಬಾಸ್ ಸೀಸನ್ ನಲ್ಲಿ ಹಲವಾರು ವಿವಾದಗಳನ್ನು ತಮ್ಮ ಮೇಲೆ ಎಳೆದುಕೊಂಡಿದ್ದರು. ಇದಾದ ನಂತರ ಇವರು ಎಲ್ಲಿಯೂ ಸಹ ಕಣ್ಣಿಗೆ ಕಂಡಿರಲಿಲ್ಲ. ಇದೀಗ ತಮ್ಮ ಮನೆಯವರು ತೋರಿಸಿದ ಹುಡುಗಿಯನ್ನೇ ಆ್ಯಂಡಿ ಮದುವೆಯಾಗಿದ್ದಾರೆ.
ಅತ್ಯಂತ ಸರಳವಾಗಿ ನಡೆದ ಇವರ ಮದುವೆಯಲ್ಲಿ ಬಿಗ್ ಬಾಸ್ ಸ್ಪರ್ಧಿ ಅಕ್ಷತಾ ಪಾಂಡವಪುರ, ನವೀನ್ ಸಜ್ಜು, ಒಗ್ಗರಣೆ ಡಬ್ಬಿ ಮುರಳಿ ಅವರು ಭಾಗಿಯಾಗಿ ನವದಂಪತಿಗೆ ಶುಭಹಾರೈಸಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
