“ಚಾಲೆಂಜಿಂಗ್ ಸ್ಟಾರ್”, “ಡಿಬಾಸ್” ದರ್ಶನ್ ಕ್ರಾಂತಿ ಸಿನಿಮಾದ ಡಬ್ಬಿಂಗ್ ನಲ್ಲಿ ಬ್ಯುಸಿಯಾಗಿದ್ದಾರೆ. ಇದಲ್ಲದೆ ಇತ್ತೀಚಿಗೆ ದರ್ಶನ್ ಅವರ ಮುಂದಿನ ಸಿನಿಮಾ ‘D56’ ಮುಹೂರ್ತ ಕೂಡ ಭರ್ಜರಿಯಾಗಿ ನಡೆಯಿತು. ಇದೆಲ್ಲದರ ನಡುವೆ ಡಿಬಾಸ್ ಅವರ ಫಿಟ್ನೆಸ್ ವಿಷಯ ಇದೀಗ ಎಲ್ಲಾ ಕಡೆ ಸಕತ್ ಸೌಂಡ್ ಮಾಡುತ್ತಿದೆ.
ಲಾಕ್ ಡೌನ್ ಸಮಯದಲ್ಲಿ ದರ್ಶನ್ ಹೆಚ್ಚಿನ ಸಮಯ ಮನೆಯಲ್ಲಿದ್ದ ಕಾರಣ ಸಹಜವಾಗಿ ಅವರು ತೂಕ ಹೆಚ್ಚಿಸಿಕೊಂಡಿದ್ದಾರೆ. ಇದಲ್ಲದೆ ಕ್ರಾಂತಿ ಸಿನಿಮಾದ ಶೂಟಿಂಗ್ ಕೂಡ ಇದೆ ಸಮಯದಲ್ಲಿ ನಡೆಯಿತು. ಹೀಗಾಗಿ ಸಹಜವಾಗಿ ಡಿಬಾಸ್ ತಮ್ಮ ತೂಕವನ್ನು ಹೆಚ್ಚಿಸಿಕೊಂಡಿದ್ದರು. ಆದರೆ ಇದೀಗ ದರ್ಶನ್ ಮತ್ತೆ ಜಿಮ್ ನಲ್ಲಿ ಬೆವರು ಸುರಿಸಿ ತಮ್ಮ ತೂಕವನ್ನು ಕಡಿಮೆಗೊಳಿಸುತ್ತಿದ್ದಾರೆ. ಇದೀಗ ದರ್ಶನ್ ಅವರ ವರ್ಕ್ ಔಟ್ ಕುರಿತು ಹೊಸ ಅಪ್ಡೇಟ್ ಬಂದಿದ್ದು, ಇದನ್ನು ಕೇಳಿ ಇವರ ಅಭಿಮಾನಿಗಳು ಸಕತ್ ಖುಷಿಯಾಗಿದ್ದಾರೆ.
ಸುಮಾರು 6 ತಿಂಗಳುಗಳಿಂದ ನಿರಂತರವಾಗಿ ಜಿಮ್ ನಲ್ಲಿ ಬೆವರು ಸುರಿಸುತ್ತಿರುವ ದರ್ಶನ್ ಬರೋಬ್ಬರಿ 36 ಕೆಜಿ ತೂಕ ಇಳಿಸಿಕೊಂಡಿದ್ದಾರೆ. ಇತ್ತೀಚಿಗೆ ಯುಟ್ಯೂಬ್ ಚಾನೆಲ್ ಒಂದರ ಸಂದರ್ಶನದಲ್ಲಿ ದರ್ಶನ್ ಈ ಕುರಿತು ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ. ಕೇವಲ 6 ತಿಂಗಳುಗಲ್ಲಿ ಈ ರೀತಿಯ ವರ್ಕ್ ಔಟ್ ಮಾಡಿ ತೂಕ ಇಳಿಸಿಕೊಂಡ ದರ್ಶನ್ ಅವರ ಡೆಡಿಕೇಶನ್ ಕಂಡು ಅಭಿಮಾನಿಗಳು ಮೆಚ್ಚುಗೆಯನ್ನು ವ್ಯಕ್ತಪಡಿಸುತ್ತಿದ್ದಾರೆ.
ಇತ್ತೀಚಿಗೆ ಬಂದಿರುವ ಮಾಹಿತಿಯ ಪ್ರಕಾರ ಈಗಾಗಲೇ ದರ್ಶನ್ ಕ್ರಾಂತಿ ಸಿನಿಮಾದ ಡಬ್ಬಿಂಗ್ ಕೆಲಸ ಮುಗಿಸಿದ್ದು ಇಂದಿನಿಂದ (ಆಗಸ್ಟ್ 16) D56 ಸಿನಿಮಾದ ಚಿತ್ರೀಕರಣದಲ್ಲಿ ಭಾಗಿಯಾಗಲಿದ್ದಾರೆ. ಇದಲ್ಲದೆ ಇದೆ ತಿಂಗಳ ಕೊನೆಯಲ್ಲಿ ಕ್ರಾಂತಿ ಸಿನಿಮಾ ಕುರಿತು ಅಪ್ಡೇಟ್ ನೀಡುವುದಾಗಿ ದರ್ಶನ್ ಯೌಟ್ಯೂಬ್ ಚಾನೆಲ್ ಒಂದರ ಸಂದರ್ಶನದಲ್ಲಿ ತಿಳಿಸಿದ್ದಾರೆ. ಈಗಾಗಿ ದಾಸನ ಮುಂದಿನ ಅಪ್ಡೇಟ್ ಗಾಗಿ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
