ಬಿಗ್ ಬಾಸ್ ಮನೆಯಲ್ಲಿ ಇದೀಗ ಸೋನು ಗೌಡ ಮನೆಯ ಕೇಂದ್ರ ಬಿಂದು ಆಗಿದ್ದಾರೆ. ಮನೆಯ ಪ್ರತಿಯೊಬ್ಬ ಸದಸ್ಯರ ಜೊತೆ ಅವರು ಬೆರೆಯುತ್ತಿದ್ದಾರೆ. ಇದೆಲ್ಲದರ ನಡುವೆ ತಮ್ಮ ಮದುವೆಯ ಕುರಿತು ಅವರು ದೊಡ್ಮನೆಯಲ್ಲಿ ಸ್ಪಷ್ಟನೆ ನೀಡಿದ್ದಾರೆ.
ಬಿಗ್ ಬಾಸ್ ಶುರುವಾದಾಗಿನಿಂದ ಮನೆಯಲ್ಲಿ ಒಂದಲ್ಲ ಒಂದು ಘಟನೆಗಳು ನಡೆಯುತ್ತಿದೆ. ಅದರಲ್ಲೂ ಮನೆಯಲ್ಲಿ ಕೇಂದ್ರ ಬಿಂದು ಎಂದರೆ ಅದು ರಾಕೇಶ್, ಸ್ಪೂರ್ತಿ ಮತ್ತು ಸೋನು ಗೌಡ. ಈಗಾಗಿ ಮನೆಯ ಒಳಗಡೆ ಮತ್ತು ಒರಗಡೆ ಈ ಮೂವರ ಬಗ್ಗೆ ಚರ್ಚೆಗಳು ನಡೆಯುತ್ತಿತ್ತು. ಮೊದಲು ರಾಕಿ ಸ್ಫೂರ್ತಿ ಅವರನ್ನು ಇಷ್ಟ ಪಡುತ್ತಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿತ್ತು, ಇದಾದ ನಂತರ ಅವರು ಸೋನು ಅವರನ್ನು ಇಷ್ಟ ಪಡುತ್ತಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿತ್ತು, ಇದಕ್ಕೆ ಪೂರಕವಾಗಿ ‘ನನಗೆ ನಿನ್ನ ಮೇಲೆ ಫೀಲಿಂಗ್ಸ್’ ಇದೆ ಎಂದು ರಾಕೇಶ್ಗೆ ಸೋನು ನೇರವಾಗಿ ಹೇಳಿದ್ದೂ ಇದೆ. ಇವೆಲ್ಲದರ ನಡುವೆ ಇದೀಗ ಮತ್ತೊಂದು ವಿಚಾರ ದೊಡ್ಮನೆ ಸುತ್ತಾ ಚರ್ಚೆಯಾಗುತ್ತಿದೆ.
ಸೋನು ಮತ್ತು ಸ್ಫೂರ್ತಿ ಮಾತನಾಡುತ್ತಾ “ನಿನಗೆ ರಾಕೇಶ್ ಮೇಲೆ ಪ್ರೀತಿ ಇದೆಯಾ’ ಎಂದು ಸೋನುಗೆ ಸ್ಫೂರ್ತಿ ನೇರವಾಗಿ ಪ್ರಶ್ನೆ ಮಾಡಿದರು. ಇದಕ್ಕೆ ಸೋನು ಉತ್ತರಿಸುತ್ತಾ ‘ರಾಕೇಶ್ ಒಳ್ಳೆಯ ಗೆಳೆಯ. ಹಾಗಂತ ನಾನು ಅವನ ಜತೆ ಟೈಮ್ಪಾಸ್ ಮಾಡುತ್ತಿಲ್ಲ. ನನಗೆ ಒಬ್ಬ ಫ್ರೆಂಡ್ ಇದ್ದಾನೆ. ಅವನ ರೀತಿಯೇ ರಾಕೇಶ್ ಕಾಣುತ್ತಿದ್ದಾನೆ. ಹೀಗಾಗಿ ಅವನ ಜತೆ ಕ್ಲೋಸ್ ಆಗಿದ್ದೀನಿ. ನಾನು ಇಷ್ಟು ಬೇಗ ಮದುವೆ ಆಗಲ್ಲ. ಇನ್ನೂ ಏಳು ವರ್ಷ ವಿವಾಹ ಆಗಲ್ಲ. ನಾನು ಇಂಡಸ್ಟ್ರೀಲಿ ಬೆಳೆಯಬೇಕು’ ಎಂದು ಸೋನು ಹೇಳಿದರು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
