ಬಿಗ್ ಬಾಸ್ ಮನೆಯಿಂದ ಹೊರಬಂದ ಸ್ಫೂರ್ತಿ ಗೌಡ ಕೇವಲ ಎರಡು ವಾರಗಳಲ್ಲಿ ಪಡೆದ ಸಂಭಾವನೆ ಎಷ್ಟು ಗೊತ್ತಾ?

ಬಿಗ್ ಬಾಸ್ OTT ಕಾರ್ಯಕ್ರಮ ಶುರುವಾಗಿ ಎರಡು ವಾರಗಳು ಕಳೆದಿವೆ. ಮನೆಯಲ್ಲಿ ಒಬ್ಬೊಬ್ಬ ಸ್ಪರ್ಧಿ ಎಲಿಮಿನೇಟ್ ಆಗುತ್ತಾ ಹೋಗುತ್ತಿದ್ದು ಮನೆಯ ವಾತಾವರಣ ಬದಲಾಗುತ್ತಿದೆ. ಈ ವಾರ ಸ್ಫೂರ್ತಿ ಗೌಡ ಮನೆಯಿಂದ ಎಲಿಮಿನೇಟ್ ಆಗಿದ್ದಾರೆ. ಇವೆಲ್ಲದರ ಮಧ್ಯೆ ಸ್ಫೂರ್ತಿ ಗೌಡ ಕೇವಲ ಎರಡು ವಾರಗಳಲ್ಲಿ ಪಡೆದ ಸಂಭಾವನೆಯ ಕುರಿತು ಇದೀಗ ಚರ್ಚೆಗಳು ಆಗುತ್ತಿವೆ.

ಬಿಗ್ ಬಾಸ್ ಮನೆಯಲ್ಲಿ ಸ್ಫೂರ್ತಿ ಅಷ್ಟೇನೂ ಜನರನ್ನು ರಂಜಿಸಲಿಲ್ಲ. ಹೆಚ್ಚಾಗಿ ಅವರು ರಾಕೇಶ್ ಅವರ ಜೊತೆ ಪ್ರೀತಿಯಲ್ಲಿದ್ದಾರೆ ಎಂಬ ವಿಷಯಗಳು ಕೇಳಿಬರುತ್ತಿತ್ತು. ಇದನ್ನು ಹೊರೆತುಪಡಿಸಿ ಅವರು ಯಾವುದೇ ಟಾಸ್ಕ್ ಗಳಲ್ಲಿ ಸಕ್ರಿಯವಾಗಿ ಭಾಗವಹಿಸಿರಲಿಲ್ಲ. ಹೀಗಾಗಿ ಇವರು ಕಳಪೆ ಪ್ರದರ್ಶನ ತೋರಿದ್ದಾರೆ ಎಂದು ಜೈಲಿಗೆ ಹಾಕಲಾಗಿತ್ತು. ಇವೆಲ್ಲಕ್ಕಿಂತ ಹೆಚ್ಚಾಗಿ ಮನೆ ಮಂದಿ ಎದುರು ಈ ವಾರ ನಾನೆ ಎಲಿಮಿನೇಟ್ ಆಗೋದು ಎಂದು ಸಹ ಹೇಳುತ್ತಿದ್ದರು. ಇವೆಲ್ಲ ಕಾರಣಗಳಿಂದ ಸ್ಫೂರ್ತಿ ಈ ವಾರ ಮನೆಯಿಂದ ಹೊರಬಂದಿದ್ದಾರೆ.

ಇದೀಗ ಇಷ್ಟೆಲ್ಲಾ ವಿಷಯಗಳ ಮಧ್ಯೆ ಸ್ಫೂರ್ತಿ ಬಿಗ್ ಬಾಸ್ ಮನೆಯಲ್ಲಿ ಗಳಿಸಿರುವ ಹಣದ ಕುರಿತು ಹಲವಾರು ಚರ್ಚೆಗಳು ಆಗುತ್ತಿವೆ. ಹಲವಾರು ಮೂಲಗಳ ಪ್ರಕಾರ ಸ್ಫೂರ್ತಿ ಗೌಡ ಒಂದು ವಾರಕ್ಕೆ 2.5 ಲಕ್ಷ ಸಂಭಾವನೆ ಪಡೆಯುತ್ತಿದ್ದರಂತೆ. ಇದೀಗ ಸ್ಫೂರ್ತಿ ಎರಡು ವಾರ ಮನೆಯಲ್ಲಿ ಇದ್ದ ಕಾರಣ ಸುಮಾರು 5 ರಿಂದ 6 ಲಕ್ಷ ಸಂಪಾದಿಸಿದ್ದಾರೆಂದು ತಿಳಿದು ಬಂದಿದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ