ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಮ್ಮನ್ನು ಅಗಲಿ ತಿಂಗಳುಗಳೇ ಕಳೆಯುತ್ತಿದ್ದರು ಅವರ ನೆನಪು ಮಾತ್ರ ಸದಾ ಅಭಿಮಾನಿಗಳ ಮನಸಲ್ಲಿ ಅಚ್ಚೆಯಾಗಿ ಉಳಿದಿದೆ. ಇದಲ್ಲದೆ ಅಪ್ಪು ಅವರ ಸಿನಿಮಾಗಳನ್ನು ಅಭಿಮಾನಿಗಳು ಕಣ್ತುಂಬಿಕೊಳ್ಳಲು ಕಾಯುತ್ತಿದ್ದಾರೆ. ಹೀಗಾಗಿ ಅಪ್ಪು ಅಭಿಮಾನಿಗಳಿಗಾಗಿ ದೇವರ ರೂಪದಲ್ಲಿ ಅಪ್ಪು ಲಕ್ಕಿ ಮ್ಯಾನ್ ಸಿನಿಮಾದ ಮೂಲಕ ಮತ್ತೆ ಬೆಳ್ಳಿ ಪರದೆಯ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ.
ಇತ್ತೀಚಿಗೆ ಲಕ್ಕಿ ಮ್ಯಾನ್ ಸಿನಿಮಾದ ಟ್ರೈಲರ್ ಬಿಡುಗಡೆ ಕಾರ್ಯಕ್ರಮ ಅದ್ದೂರಿಯಾಗಿ ನಡೆಯಿತು. ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಸಿನಿಮಾದ ಟ್ರೈಲರ್ ಲಾಂಚ್ ಮಾಡಿದರು. ಈ ಕಾರ್ಯಕ್ರಮದಲ್ಲಿ ರಾಜ್ ಕುಟುಂಬದವರಿಂದ ಹಿಡಿದು ಹಲವಾರು ಸಿನಿಮಾ ದಿಗ್ಗಜರು, ಗಣ್ಯರು ಭಾಗವಹಿಸಿದರು. ಈ ವೇಳೆ ರಾಘಣ್ಣ ಮಾತನಾಡುವ ಸಂಧರ್ಭದಲ್ಲಿ ಅಪ್ಪು ಕಂಡಿದ್ದ 4 ಕನಸುಗಳ ಕುರಿತು ಮಾತನಾಡಿದರು.
ಟ್ರೈಲರ್ ಲಾಂಚ್ ಕಾರ್ಯಕ್ರಮದಲ್ಲಿ ಮಾತನಾಡಿದ ರಾಘಣ್ಣ ತನ್ನ ತಮ್ಮನ 4 ಆಸೆಗಳ ಕುರಿತು ಮಾತನಾಡಿದರು. ಅಪ್ಪು ಬದುಕಿದ್ದಾಗ ತಮ್ಮ ಬಳಿ ಅವರಿಗೆ 4 ಆಸೆಗಳು ಇದೆ ಎಂದು ಹೇಳಿದ್ದರಂತೆ. ಆದರೆ ಅದರಲ್ಲಿ ಕೇವಲ ಒಂದೇ ಒಂದು ಅಸೆ ಮಾತ್ರ ಈಡೇರಿತು.
ಅಪ್ಪು ಅವರಿಗೆ ಇದ್ದ 4 ಆಸೆಗಳೇನೆಂದರೆ ಅಪ್ಪಾಜಿ ಜೊತೆ ಈಗ ಸಿನಿಮಾ ಮಾಡಬೇಕು ಅನ್ನೋದು, ಎರಡನೇಯದು ಮಣಿರತ್ನಂ ಜೊತೆ ಸಿನಿಮಾ ಮಾಡಬೇಕು ಅನ್ನೋದು, ಎ ಆರ್ ರೆಹಮಾನ್ ಸಂಗೀತದ ಸಿನಿಮಾದಲ್ಲಿ ನಟಿಸಬೇಕೆಂದು, ಹಾಗೂ ಕೊನೆಯದಾಗಿ ಪ್ರಭುದೇವ ಜೊತೆ ಡ್ಯಾನ್ಸ್ ಮಾಡಬೇಕೆಂದು.
ತಮ್ಮ ಸಿನಿಮಾಗಳಿಗೆ ಪ್ರಭುದೇವ ಕೊರಿಯೋಗ್ರಾಫಿ ಮಾಡಿದರೆ ಸಾಕು ಎಂದು ಬಹಳಷ್ಟು ಬಾರಿ ಅವರನ್ನು ಸಂಪರ್ಕಿಸಲು ಪ್ರಯತ್ನ ಮಾಡುತ್ತಿದ್ದರು. ಆದರೆ ಅದು ಸಾಧ್ಯವಾಗಲಿಲ್ಲ. ಆದರೆ ಇದೀಗ ಲಕ್ಕಿ ಮ್ಯಾನ್ ಸಿನಿಮಾದ ಮೂಲಕ ಅಪ್ಪು ಕನಸು ಈಡೇರಿತು ಎಂದು ರಾಘಣ್ಣ ಹೇಳಿದರು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
