ಮತ್ತಷ್ಟು ಕಠಿಣವಾಗಿದೆ ಭಾರತ ಏಷ್ಯಾ ಕಪ್ ಫೈನಲ್ ತಲುಪುವ ಕನಸು! ಹೇಗಿದೆ ಗೊತ್ತಾ ಭಾರತದ ಲೆಕ್ಕಾಚಾರ

ಈ ಬಾರಿಯ ಏಷ್ಯಾ ಕಪ್ ನಲ್ಲಿ ಭಾರತಕ್ಕೆ ಮಾಡು ಇಲ್ಲವೇ ಮಡಿ ಎಂಬ ಸನ್ನಿವೇಶ ಎದುರಾಗಿದೆ. ಹೀಗಾಗಿ ಭಾರತ ಫೈನಲ್ ತಲುಪುವ ಹಾದಿ ಕಠಿಣವಾಗಿದ್ದು, ಫೈನಲ್ ತಲುಪಬೇಕಾದರೆ ತಮ್ಮ ಬದ್ದ ವೈರಿ ಪಾಕಿಸ್ತಾನ್ ತಂಡದ ಫಲಿತಾಂಶವನ್ನು ಅವಲಂಬಿಸುವ ಅನಿವಾರ್ಯ ಎದುರಾಗಿದೆ.

ಸೂಪರ್ 4 ಹಂತದ ಮೊದಲ ಪಂದ್ಯದಲ್ಲಿ ಭಾರತ ಪಾಕಿಸ್ತಾನ್ ತಂಡದ ವಿರುದ್ಧ 5 ವಿಕೆಟ್ ಗಳಿಂದ ಸೋಲನ್ನು ಅನುಭವಿಸಿತು. ಇದಾದ ನಂತರ ನೆನ್ನೆ ನಡೆದ ಶ್ರೀಲಂಕಾ ವಿರುದ್ಧ ಪಂದ್ಯದಲ್ಲಿ ಭಾರತ ತಂಡ ಮತ್ತೆ ಸೋತಿತು. ಹೀಗಾಗಿ ಭಾರತ ಫೈನಲ್ ತಲುಪುವ ಹಾದಿಯನ್ನು ಮತ್ತಷ್ಟು ಕಠಿಣಗಳೊಳಿಸಿದೆ. ಅಫ್ಘಾನಿಸ್ತಾನ್ ವಿರುದ್ಧ ನಡೆಯುವ ತನ್ನ ಮುಂದಿನ ಪಂದ್ಯವನ್ನು ಗೆಲುವುದಲ್ಲದೆ, ಇನ್ನುಳಿದ ತಂಡಗಳ ಫಲಿತಾಂಶವನ್ನು ಸಹ ಅವಲಂಬಿಸಬೇಕಾಗಿದೆ.

ಶ್ರೀಲಂಕಾ ಎರಡು ಪಂದ್ಯಗಳನ್ನು ಗೆದ್ದಿರುವ ಕಾರಣ, ಫೈನಲ್ ತಲುಪುವುದು ಬಹುತೇಕ ಖಚಿತವಾಗಿದೆ. ಹೀಗಾಗಿ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿರಿವ ಪಾಕಿಸ್ತಾನ ತಂಡದ ಮೇಲೆ ಭಾರತ ಕಣ್ಣಿಟ್ಟಿದೆ. ಪಾಕಿಸ್ತಾನ್ ತಂಡವು ಮುಂದಿನ ಪಂದ್ಯಗಳಲ್ಲಿ ಶ್ರೀಲಂಕಾ ಹಾಗೂ ಅಫ್ಘಾನಿಸ್ತಾನ್ ವಿರುದ್ದ ಹೀನಾಯವಾಗಿ ಸೋಲನುಭವಿಸಬೇಕು. ಅವಾಗ ಭಾರತ ಫೈನಲ್ ತಲುಪಲು ಅವಕಾಶ ಇದೆ, ಆದರೆ ಇಲ್ಲಿ ನೆಟ್ ರನ್ ರೇಟ್ ಮಹತ್ವದ ಪಾತ್ರ ವಹಿಸುತ್ತದೆ.

ಒಂದು ವೇಳೆ ಪಾಕಿಸ್ತಾನ್ ತನ್ನ ಮುಂದಿನ ಎರಡು ಪಂದ್ಯಗಳಲ್ಲಿ ಒಂದು ಪಂದ್ಯವನ್ನು ಗೆದ್ದರೆ ಭಾರತದ ಫೈನಲ್ ತಲುಪುವ ಕನಸು ಕನಸಾಗಿ ಉಳಿಯುತ್ತದೆ, ಹೀಗಾಗಿ ಭಾರತ ಅಫ್ಘಾನಿಸ್ತಾನ್ ವಿರುದ್ಧ ಗೆಲ್ಲಬೇಕು ಮತ್ತು ಪಾಕಿಸ್ತಾನ್ ತನ್ನ ಮುಂದಿನ ಎರಡು ಪಂದ್ಯದಲ್ಲಿ ಹೀನಾಯವಾಗಿ ಸೋಲಬೇಕು. ಹೀಗಿದ್ದರೆ ಮಾತ್ರ ಭಾರತ ಫೈನಲ್ ತಲುಪಲು ಸಾಧ್ಯ. ಇಲ್ಲವಾದರೆ ಭಾರತ ಫೈನಲ್ ತಲುಪುವ ಕನಸು ಕನಸಾಗಿ ಉಳಿಯುತ್ತದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ