ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ವಿಶೇಷ ಪಾತ್ರದಲ್ಲಿ ನಟಿಸಿದ ಲಕ್ಕಿ ಮ್ಯಾನ್ ಸಿನಿಮಾ ಬಿಡುಗಡೆಯಾಗಿ ಎಲ್ಲ ಕಡೆ ಸಕತ್ ಸೌಂಡ್ ಮಾಡುತ್ತಿದೆ. ಈ ಸಿನಿಮಾದಲ್ಲಿ ಅಭಿಮಾನಿಗಳು ಅಪ್ಪು ಅವರನ್ನು ದೇವರ ರೂಪದಲ್ಲಿ ಕಂಡು ಪೂಜಿಸುತ್ತಿದ್ದಾರೆ. ಈ ವೇಳೆ ರಾಘಣ್ಣ ಕೂಡ ಈ ಸಿನಿಮಾವನ್ನು ನೋಡಿ ತಮ್ಮ ಮುದ್ದಾದ ತಮ್ಮನನ್ನು ದೇವರ ರೂಪದಲ್ಲಿ ನೋಡಿ ಭಾವುಕರಾಗಿದ್ದು ಉಂಟು ಮತ್ತು ಸಂಭ್ರಮಿಸಿದ್ದು ಉಂಟು.
ನಗರದ ನರ್ತಕಿ ಚಿತ್ರಮಂದಿರದಲ್ಲಿ ರಾಘಣ್ಣ ತಮ್ಮ ಇಡೀ ಕುಟುಂಬದ ಜೊತೆಗೆ ಲಕ್ಕಿ ಮ್ಯಾನ್ ಸಿನಿಮಾ ನೋಡಿ ಚಪ್ಪಾಳೆ ಹೊಡೆದು, ಶಿಳ್ಳೆ ಹೊಡೆದು ಸಂಭ್ರಮಿಸಿದ್ದಾರೆ. ನಂತರ ರಾಘಣ್ಣ ಸಿನಿಮಾ ನೋಡಿ ಭಾವುಕರಾಗಿ ‘ಚಿತ್ರದಲ್ಲಿ ಅಪ್ಪು ಕೂತಿದ್ದ ಆ ಚೇರ್ ಕೊಟ್ಟುಬಿಡ್ರಯ್ಯಾ, ದಿನ ಪೂಜೆ ಮಾಡ್ತೀನಿ’ ಎಂದು ಅಪ್ಪು ಅವರ ಮೇಲಿರುವ ಪ್ರೀತಿಯನ್ನು ನೆನೆದು ಭಾವುಕರಾದರು.
ಮೊದಲಿನಿಂದಲೂ ರಾಘಣ್ಣನಿಗೆ ಅಪ್ಪು ಅವರ ಮೇಲೆ ಅಪಾರವಾದ ಪ್ರೀತಿ ಇದೆ. ಇದನ್ನು ಇವರು ಹಲವು ಬಾರಿ ತಿಳಿಸಿದ್ದಾರೆ. ಇದಲ್ಲದೆ ಅಪ್ಪು ಅಭಿನಯದ ಪ್ರತಿಯೊಂದು ಸಿನಿಮಾವನ್ನು ಚಿತ್ರಮಂದಿರದಲ್ಲಿ ನೋಡಿ ಆನಂದಿಸುತ್ತಾರೆ. ಇತ್ತೀಚಿಗೆ ಅಪ್ಪು ಅಭಿನಯದ ಜೇಮ್ಸ್ ಸಿನಿಮಾವನ್ನು ಸಹ ಇವರು ವೀರೇಶ್ ಚಿತ್ರಮಂದಿರದಲ್ಲಿ ನೋಡಿ ಆನಂದಿಸಿದರು. ಇದಲ್ಲದೆ ಲಕ್ಕಿ ಮ್ಯಾನ್ ಸಿನಿಮಾವನ್ನು ಕೂಡ ಇವರು ಕುಟುಂಬದ ಸಮೇತವಾಗಿ ಚಿತ್ರಮಂದಿರದಲ್ಲಿ ನೋಡಿ ಆನಂದಿಸಿದ್ದಾರೆ.
ಇದಲ್ಲದೆ ರಾಘಣ್ಣ ಈ ಹಿಂದೆ ಅಪ್ಪಾಜಿ ಇದ್ದಾಗ ನಮ್ಮನ್ನು ದೊಡ್ಮನೆ ಎಂದು ಕರೆಯುತ್ತಿದ್ದರು. ಆದರೆ ಅಪ್ಪು ಆಗಮನದ ಬಳಿಕ ಇದೀಗ ನಮ್ಮ ಮನೆಯನ್ನು ಅಭಿಮಾನಿಗಳು ದೇವರ ಮನೆ ಎಂದು ಕರೆಯುತ್ತಿದ್ದಾರೆ. ಜನ ಅಪ್ಪುನ ದೇವರ ರೀತಿ ಕಂಡಿದ್ದಾರೆ ಎಂಬುದಕ್ಕೆ ಇದುಕ್ಕಿಂತ ದೊಡ್ಡ ಸಾಕ್ಷಿ ಬೇಕಾ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
