ಬಿಗ್ ಬಾಸ್ OTT ಕಾರ್ಯಕ್ರಮ ಮುಗಿಯುವ ಹಂತಕ್ಕೆ ತಲುಪಿದ್ದು, ಬಿಗ್ ಬಾಸ್ ಸೀಸನ್ 9 ಶುರುವಾಗಲು ಕ್ಷಣಗಣನೆ ಶುರುವಾಗಿದೆ. ಹೀಗಾಗಿ ಕಾತುರದಿಂದ ಕಾಯುತ್ತಿದ್ದ ವೀಕ್ಷಕರಿಗೆ ಇದೀಗ ಬಿಗ್ ಬಾಸ್ ಕಡೆಯಿಂದ ಒಂದು ಸರ್ಪ್ರೈಸ್ ಬಂದಿದ್ದು, ಬಿಗ್ ಬಾಸ್ ಸೀಸನ್ 9 ಯಾವಾಗ ಶುರುವಾಗುತ್ತೆ ಎಂಬ ಪ್ರಶ್ನೆಗೆ ಉತ್ತರ ಸಿಕ್ಕಿದೆ.
ಬಿಗ್ ಬಾಸ್ ಮೊದಲ ಬಾರಿಗೆ OTT ಮೂಲಕ ಪ್ರಸಾರವಾಗಿ ಒಂದು ಇತಿಹಾಸ ಸೃಷ್ಟಿಸಿದೆ. ಇದೀಗ ಮತ್ತೆ ಟಿವಿ ಕಾರ್ಯಕ್ರಮಕ್ಕೆ ಲಗ್ಗೆ ಇಡಲು ಶುರುವಾಗಿರುವ ಬಿಗ್ ಬಾಸ್ ಸೆಪ್ಟೆಂಬರ್ 26 ಸಂಜೆ 6 ಕ್ಕೆ ಪ್ರೇಕ್ಷಕರ ಮುಂದೆ ಬರಲಿದ್ದಾರೆ. ಇದಾದ ನಂತರ ಪ್ರತಿ ದಿನ ರಾತ್ರಿ 9:30 ಕ್ಕೆ ಬಿಗ್ ಬಾಸ್ ಕಾರ್ಯಕ್ರಮ ಪ್ರಸಾರವಾಗಲಿದೆ. ಈ ಕುರಿತು ಕಲರ್ಸ್ ಕನ್ನಡ ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ಇದರ ಪ್ರೊಮೊ ಕೂಡ ಬಿಡುಗಡೆ ಮಾಡಿದೆ.
ಈ ಬಾರಿಯ ಬಿಗ್ ಬಾಸ್ ಸೀಸನ್ 9 ಹಲವಾರು ರೋಚಕತೆಯಿಂದ ಕೂಡಿರುವುದರಲ್ಲಿ ಅನುಮಾನವೇ ಇಲ್ಲ. ಏಕೆಂದರೆ OTT ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ 3 ಮಂದಿ ಸೀಸನ್ 9 ಕ್ಕೆ ಲಗ್ಗೆ ಇಡಲಿದ್ದಾರೆ. ಇದಲ್ಲದೆ ಇನ್ನು ಹೊಸ ಪ್ರತಿಭೆಗಳು ಕೂಡ ಬಿಗ್ ಬಾಸ್ ಮನೆ ಪ್ರವೇಶಿಸಲಿದ್ದಾರೆ. ಹೀಗಾಗಿ ಮನರಂಜನೆ ಪಕ್ಕಾ ಎಂದು ಹೇಳಬಹುದು. ಪ್ರೋಮೋದಲ್ಲಿ ಸೀನಿಯರ್ಸ್ ಜೊತೆ ಹೊಸಬರ ಹಣಾಹಣಿ ಎಂದು ಸಹ ಹೇಳಿದ್ದಾರೆ. ಇದಲ್ಲದೆ ಪ್ರೋಮೋವನ್ನು ಗಮನಿಸಿದರೆ ಇದರಲ್ಲಿ ಅನುಪಮಾ, ವೈಷ್ಣವಿ, ಪ್ರಶಾಂತ್ ಸಂಭರ್ಗಿ ಮತ್ತು ದೀಪಿಕಾ ದಾಸ್ ಇದ್ದಾರೆ. ಹೀಗಾಗಿ ಪ್ರೋಮೋದಲ್ಲಿದ್ದ ಸ್ಪರ್ಧಿಗಳ ಜೊತೆ ಮತ್ತಷ್ಟು ಹೊಸ ಸ್ಪರ್ಧಿಗಳು ಈ ಬಾರಿಯ ಬಿಗ್ ಬಾಸ್ ನಲ್ಲಿ ಭಾಗವಹಿಸಲಿದ್ದಾರಾ? ಅಥವಾ ಇದರ ಅರ್ಥ ಬೇರೆ ಏನಾದರು ಇದಿಯಾ ಎಂದು ಕಾದು ನೋಡಬೇಕು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
