ಅಪಾರವಾದ ಆಭರಣಗಳಿದ್ದರು ಕೂಡ ರಾಣಿ ಎಲಿಜಬೆತ್ ಅವರನ್ನು ಕೇವಲ ಎರಡು ಆಭರಣಗಳೊಂದಿಗೆ ಸಮಾಧಿ ಮಾಡಲಾಗುತ್ತಿದೆ!

ರಾಣಿ ಎಲಿಜಬೆತ್ ಅವರ ಅಂತ್ಯಕ್ರಿಯೆಯನ್ನು ಸೋಮವಾರ (ಸೆಪ್ಟೆಂಬರ್ 19) ರಂದು ನಡೆಯಲಿದ್ದು, ಪರಿಣಿತರು ಕೊಟ್ಟಿರುವ ಮಾಹಿತಿಯ ಪ್ರಕಾರ ಅವರ ಮದುವೆಯ ಉಂಗುರ ಮತ್ತು ಒಂದು ಜೋಡಿ ಮುತ್ತಿನ ಕಿವಿಯೋಲೆಯನ್ನು ಮಾತ್ರ ಇವರ ಜೊತೆ ಸಮಾಧಿ ಮಾಡಲಾಗುತ್ತದೆ ಎಂದು ಹೇಳಲಾಗುತ್ತಿದೆ.

ರಾಣಿಯು ತನ್ನ ಜೀವನದುದ್ದಕ್ಕೂ ಅಸಂಖ್ಯಾತ ಅಮೂಲ್ಯ ಮತ್ತು ಬೆಲೆಬಾಳುವ ಆಭರಣಗಳಿಂದ ಕಂಗೊಳಿಸುತ್ತಿದ್ದರು, ಆದರೆ ಇವರ ಅಂತ್ಯಕ್ರಿಯೆ ನಡೆಯುವ ಸಂಧರ್ಭದಲ್ಲಿ ಸಿಂಪಲ್ ಆಭರಣಗಳಿಂದ ಮಾತ್ರ ಸಮಾಧಿ ಮಾಡಲಾಗುವುದು ಎಂದು ತಿಳಿಸಲಾಗಿದೆ. ಇವರ ಮದುವೆಯ ಉಂಗುರವು ವೆಲ್ಷ್ ಚಿನ್ನದಿಂದ ಮಾಡಿದ್ದು, ಇದು ರಾಜಮನೆತನದ ಸಂಪ್ರದಾಯವನ್ನು ಹುಟ್ಟುಹಾಕುತ್ತದೆ. ಇದಲ್ಲದೆ ಇವರ ನಿಶ್ಚಿತಾರ್ಥದ ಉಂಗುರವನ್ನು ಇವರ ಮಗಳು ರಾಜಕುಮಾರಿ ಅನ್ನಿಗೆ ನೀಡಲಾಗುವುದು ಎಂದು ವರದಿಯಾಗಿದೆ.

ರಾಣಿಯ ಖಾಸಗಿ ಆಭರಣ ಸಂಗ್ರಹಾಲಯದಲ್ಲಿ ಒಟ್ಟು 46 ನೆಕ್ಲೇಸ್‌ಗಳು, 34 ಜೋಡಿ ಕಿವಿಯೋಲೆಗಳು, 15 ಉಂಗುರಗಳು, 14 ಕೈಗಡಿಯಾರಗಳು, ಐದು ಪೆಂಡೆಂಟ್‌ಗಳು ಇದೆ ಎಂದು ವರದಿಯಾಗಿದೆ.

ಹಲವಾರು ಆಯ್ಕೆಗಳಿದ್ದರು ಕೂಡ ನ್ಯಾಚುರಲ್ ಡೈಮಂಡ್ ಕೌನ್ಸಿಲ್‌ನಲ್ಲಿ ಸಂವಹನ ಮುಖ್ಯಸ್ಥ ಲಿಸಾ ಲೆವಿನ್ಸನ್ ” ರಾಣಿಯನ್ನು ಅವಳ ಮದುವೆಯ ಉಂಗುರ ಮತ್ತು ಒಂದು ಜೋಡಿ ಮುತ್ತಿನ ಕಿವಿಯೋಲೆಗಳೊಂದಿಗೆ ಸಮಾಧಿ ಮಾಡುವ ಸಾಧ್ಯತೆಯಿದೆ. ರಾಣಿಯು “ವಿನಮ್ರ ಮಹಿಳೆಯಾಗಿದ್ದು” ಹೀಗಾಗಿ ಇವರ ಸಮಾಧಿಯ ಸಮಯದಲ್ಲಿ ಇವರನ್ನು ಬೆಲೆಬಾಳುವ ಆಭರಣಗಳಲ್ಲಿ ಹೊದಿಸುವುದು ಅಸಂಭವ ಎಂದು ತಿಳಿಸಿದ್ದಾರೆ.

ತಜ್ಞರ ಪ್ರಕಾರ ರಾಣಿ ಎಲಿಜಬೆತ್ ಅವರೊಂದಿಗೆ ಸಮಾಧಿ ಮಾಡದ ಆಭರಣಗಳು ರಾಜಮನೆತನದ ಸಂಗ್ರಹದಲ್ಲಿ ಉಳಿಯುವ ಸಾಧ್ಯತೆಯಿದೆ ಎಂದು ತಿಳಿಸಿದ್ದಾರೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ