ಬಹುನಿರೀಕ್ಷಿತ ‘ಬಿಗ್ ಬಾಸ್ ಕನ್ನಡ 9’ ಕಾರ್ಯಕ್ರಮ ಇಂದು ಸಂಜೆ ಆರಂಭವಾಗುತ್ತಿದೆ. ‘ಬಿಗ್ ಬಾಸ್ ಕನ್ನಡ 9’ ಕಾರ್ಯಕ್ರಮದಲ್ಲಿ ಯಾರೆಲ್ಲಾ ಸ್ಪರ್ಧಿಸಲಿದ್ದಾರೆ ಅಂತ ಅಧಿಕೃತವಾಗಿ ಗೊತ್ತಾಗೋದು ಪ್ರೀಮಿಯರ್ ಸಂಚಿಕೆಯ ಪ್ರಸಾರದ ಸಮಯದಲ್ಲೇ. ಆದರೆ ಅದಕ್ಕೂ ಮುನ್ನವೇ ‘ಬಿಗ್ ಬಾಸ್ ಕನ್ನಡ 9’ ಸ್ಪರ್ಧಿಗಳ ಪಟ್ಟಿಯೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ವೈರಲ್ ಆಗಿರುವ ಬಿಗ್ ಬಾಸ್ ಸ್ಪರ್ದಿಗಳ ಪಟ್ಟಿಯಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಫಿಲಂ ರಿವ್ಯೂವರ್ ಎಂದೇ ಫೇಮಸ್ ಆಗಿರುವ ವೈರಲ್ ಹುಡುಗ ನವಾಜ್ ಹೆಸರು ಸಹ ಇದೆ. ಅಷ್ಟಕ್ಕೂ ನವಾಜ್ ನಿಜಕ್ಕೂ ಬಿಗ್ ಬಾಸ್ ಮನೆಯೊಳಗೇ ಎಂಟ್ರಿ ಕೊಟ್ಟರಾ? ಎಂಬ ಪ್ರಶ್ನೆಗೆ ಇಂದು ಸಂಜೆ ಅಧಿಕೃತ ಉತ್ತರ ಸಿಗಲಿದೆ.
ಯಾರು ಈ ನವಾಜ್?
ವಿಭಿನ್ನ ಸ್ಟೈಲ್‌ನಲ್ಲಿ ಮಾಧ್ಯಮಗಳ ಕ್ಯಾಮರಾ ಮುಂದೆ ಸಿನಿಮಾ ರಿವ್ಯೂ ಮಾಡುತ್ತ ಫೇಮಸ್ ಹುಡುಗನೇ ನವಾಜ್. ಸಿನಿಮಾಗಳ ಬಗ್ಗೆ ಪ್ರಾಸವಾಗಿ ಮಾತನಾಡುವ ಈ ಹುಡುಗ ಈಗ ಸೋಶಿಯಲ್ ಮೀಡಿಯಾದಲ್ಲಿ ಫುಲ್ ಫೇಮಸ್. ನವಾಜ್ ಕಿರುಚುತ್ತಾ ಅರಚುತ್ತಾ ರಿವ್ಯೂ ಮಾಡೋದು ಈಗ ಎಲ್ಲರ ಗಮನ ಸೆಳೆಯುತ್ತಿದೆ. ‘ಬಡವ ರಾಸ್ಕಲ್’ ಹಾಗೂ ‘ಲವ್ ಮಾಕ್ಟೇಲ್’-2 ಚಿತ್ರಗಳಿಗೆ ಈತ ರಿವ್ಯೂ ಮಾಡಿದ್ದು ಸಿಕ್ಕಾಪಟ್ಟೆ ವೈರಲ್ ಆಗಿತ್ತು.
ಅಂದಹಾಗೆ 9ನೇ ಆವೃತ್ತಿ ವಿಶೇಷವೇನೆಂದರೆ 9 ಹೊಸ ಸ್ಪರ್ಧಿಗಳ ಜೊತೆಗೆ 9 ಅನುಭವಿ ಸ್ಪರ್ಧಿಗಳು ಕಣದಲ್ಲಿರುತ್ತಾರೆ. 9 ಅನುಭವಿ ಸ್ಪರ್ಧಿಗಳ ಪಟ್ಟಿಯಲ್ಲಿ ಒಟಿಟಿ ಆವೃತ್ತಿಯಲ್ಲಿ ಟಾಪ್ ಫೋರ್‌ ಸ್ಪರ್ಧಿಗಳಾದ ರೂಪೇಶ್ ಶೆಟ್ಟಿ, ರಾಕೇಶ್ ಅಡಿಗ, ಆರ್ಯವರ್ಧನ್ ಹಾಗೂ ಸಾನ್ಯಾ ಅಯ್ಯರ್ ಇರುತ್ತಾರೆ. ಇವರ ಜೊತೆಗೆ ಹಿಂದಿನ ಬಿಗ್‌ಬಾಸ್ ಆವೃತ್ತಿಯಲ್ಲಿ ಆಡಿ ಜನಮೆಚ್ಚುಗೆ ಗಳಿಸಿದ ಐದು ಸ್ಪರ್ಧಿಗಳು ಇರಲಿದ್ದಾರೆ. ಈ ಪೈಕಿ ಪ್ರಶಾಂತ್ ಸಂಬರಗಿ, ದೀಪಿಕಾ ದಾಸ್, ಅರುಣ್ ಸಾಗರ್, ದಿವ್ಯಾ ಉರುಡುಗ ಹಾಗೂ ಅನುಪಮಾ ಗೌಡ ಮನೆ ಪ್ರವೇಶಿಸುವುದು ಖಚಿತವಾಗಿದ್ದು, ಇನ್ನುಳಿದವರು ಯಾರು ಎನ್ನುವ ಕುತೂಹಲವನ್ನು ಚಾನೆಲ್‌ ಉಳಿಸಿದೆ.
18 ಸ್ಪರ್ಧಿಗಳ ಹೆಸರು ಲೀಕ್? ಇಲ್ಲಿದೆ ಫುಲ್ ಲಿಸ್ಟ್
ಅನುಪಮಾ ಗೌಡ, ನಟಿ (ಹಳೆಯ ಸ್ಪರ್ಧಿ)
ದೀಪಿಕಾ ದಾಸ್, ನಟಿ (ಹಳೆಯ ಸ್ಪರ್ಧಿ)
ಐಶ್ವರ್ಯಾ, ಆಫ್ರೋಡ್ ಬೈಕ್ ರೇಸರ್ (ಹೊಸ ಸ್ಪರ್ಧಿ)
ಆರ್ಯವರ್ಧನ್ ಗುರೂಜಿ (ಒಟಿಟಿ ಸ್ಪರ್ಧಿ)
ದಿವ್ಯಾ ಉರುಡುಗ, ನಟಿ (ಹಳೆಯ ಸ್ಪರ್ಧಿ)
ಕಾವ್ಯಶ್ರೀ ಗೌಡ. ನಟಿ, (ಹೊಸ ಸ್ಪರ್ಧಿ)
ಮಯೂರಿ, ನಟಿ
ನವಾಜ್ (ಸೋಶಿಯಲ್ ಮೀಡಿಯಾ ವೈರಲ್ ಹುಡುಗ)
ನೇಹಾ ಗೌಡ, ನಟಿ (ಹೊಸ ಸ್ಪರ್ಧಿ)
ಪ್ರಶಾಂತ್ ಸಂಬರಗಿ (ಹಳೆಯ ಸ್ಪರ್ಧಿ)
ರಾಕೇಶ್ ಅಡಿಗ (ಒಟಿಟಿ ಸ್ಪರ್ಧಿ)
ರೂಪೇಶ್ ಶೆಟ್ಟಿ (ಒಟಿಟಿ ಸ್ಪರ್ಧಿ)
ಸಾನ್ಯಾ ಅಯ್ಯರ್ (ಒಟಿಟಿ ಸ್ಪರ್ಧಿ)
ಅರುಣ್ ಸಾಗರ್ (ಹಳೆಯ ಸ್ಪರ್ಧಿ)
ಅಮೂಲ್ಯ ಗೌಡ, ನಟಿ (ಹೊಸ ಸ್ಪರ್ಧಿ))
ದರ್ಶ್ ಚಂದ್ರಪ್ಪ, ನಟ (ಹೊಸ ಸ್ಪರ್ಧಿ)
ರಮೋಲ, ನಟಿ (ಹೊಸ ಸ್ಪರ್ಧಿ)
ಸಂದೇಶ್ ಪ್ರಸನ್ನ ಕುಮಾರ್, ಬೈಕ್ ರೇಸರ್
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
