ಬಿಗ್ ಬಾಸ್ ಸೀಸನ್ 9 ಶುರುವಾಗಿದ್ದು, ಇದೀಗ ಸ್ಪರ್ಧಿಗಳು ಟಾಸ್ಕ್ ಗಳನ್ನು ಆಡುತ್ತಾ ತಮ್ಮ ಸಾಮರ್ಥ್ಯವನ್ನು ತೋರಿಸುತ್ತಿದ್ದಾರೆ. ಅದರಲ್ಲೂ ಬಿಗ್ ಬಾಸ್ ಈ ಬಾರಿ ಸ್ಪರ್ಧಿಗಳ ಮೆದುಳಿನ ಶಕ್ತಿ ಎಷ್ಟರಮಟ್ಟಿಗೆ ಇದೆ ಎಂಬುದನ್ನು ತಿಳಿದುಕೊಳ್ಳಲು ಹಲವಾರು ಟಾಸ್ಕ್ ಗಳನ್ನು ಸಹ ನೀಡುತ್ತಿದ್ದಾರೆ. ಈ ರೀತಿ ಬಿಗ್ ಬಾಸ್ ನೀಡಿದ ಒಂದು ಟಾಸ್ಕ್ ಅನ್ನು ಯಾರು ಕೂಡ ಮಾಡಲು ಸಾಧ್ಯವಾಗದೆ ಇದ್ದಾಗ ಅದನ್ನು ದಿವ್ಯಾ ಉರುದುಗ ಮಾಡಿ ಅಚ್ಚರಿ ಸೃಷ್ಟಿಸಿದರು.
ಈ ವಾರ ಬಿಗ್ ಬಾಸ್ ಸ್ಪರ್ಧಿಗಳಿಗೆ ಮೈಂಡ್ ಗೇಮ್ ನೀಡಿದ್ದರು. ಇದರ ಅನುಸಾರ ಬಿಗ್ ಬಾಸ್ 24 ಬಾಲ್‌ಗಳನ್ನು ಕೊಟ್ಟು ಪಿರಮಿಡ್ ಮಾಡಲು ಹೇಳಿದ್ದರು. ಕೆಂಪು ಬಾಲ್‌ನ ಅರುಣ್ ಸಾಗರ್ ಮತ್ತು ನವಾಜ್ ಆಯ್ಕೆ ಮಾಡಿಕೊಂಡರು, ನೀಲಿ ಬಾಲ್‌ನ ಆರ್ಯವರ್ಧನ್ ಮತ್ತು ದರ್ಶ್‌ ಆಯ್ಕೆ ಮಾಡಿದ್ದರು. ಅರುಣ್ ಸಾಗರ್ ತಂಡ ಗೆಲುತ್ತದೆ ಎಂದು ಮಯೂರಿ ಮತ್ತು ಸಾನ್ಯಾ ಐಯರ್ ಬೆಟ್ಟಿಂಗ್ ಕಟ್ಟಿದ್ದರು. ಆದರೆ ಎಷ್ಟೇ ಪ್ರಯತ್ನ ಪಟ್ಟರು ಯಾವ ಜೋಡಿಯಿಂದ ಕೂಡ ಈ ಆಟವನ್ನು ಪೂರ್ಣಗೊಳಿಸಲು ಸಾಧ್ಯವಾಗಲಿಲ್ಲ. ಕೊನೆಗೆ ಬಿಗ್ ಬಾಸ್ ಮನೆಯ ಇತರ ಸ್ಪಧಿಗಳು ಈ ಆಟವನ್ನು ಪ್ರಾಕ್ಟೀಸ್ ಮಾಡುತ್ತಿದ್ದ ರೀತಿಯನ್ನು ಕಂಡು ಮತ್ತೊಂದು ಅವಕಾಶ ನೀಡಬೇಕಾ ಎಂದು ಕೇಳಿದರು. ಅದಕ್ಕೆ ಮನೆಯ ಮಂದಿ ಹೂ ಎಂದು ಹೇಳಿದರು.
ಆಗ ದೀಪಿಕಾ ದಾಸ್ -ಅಮೂಲ್ಯ ಗೌಡ ಒಂದು ತಂಡ, ದಿವ್ಯಾ ಉರುಡುಗ – ಐಶ್ವರ್ಯ ಒಂದು ತಂಡವಾಗಿ ಟಾಸ್ಕ್ ರೂಮ್ ಪ್ರವೇಶಿಸುತ್ತಾರೆ. ದೀಪಿಕಾ ದಾಸ್ ತಂಡ ಗೆಲ್ಲುತ್ತದೆ ಎಂದು ರೂಪೇಶ್ ರಾಜಣ್ಣ ಮತ್ತು ರಾಕೇಶ್ ಬೆಟ್ಟಿಂಗ್ ಕಟ್ಟುತ್ತಾರೆ. ಟಾಸ್ಕ್ ಆರಂಭವಾಗುತ್ತಿದಂತೆ ದಿವ್ಯಾ ಉರುಡುಗ – ಐಶ್ವರ್ಯ ತಂಡ ಬಹಳ ಚಾಣಕ್ಯತನದಿಂದ ಆಟವಾಡಲು ಶುರುಮಾಡಿದರು. ಟಾಸ್ಕ್ ಆರಂಭವಾಗಿ 2 ನಿಮಿಷ ಆಗುವಷ್ಟರಲ್ಲಿ ದಿವ್ಯಾ ಉರುಗುಡ ಪಿರಮಿಡ್ ಕಟ್ಟಿದರು. ಹೀಗಾಗಿ ಈ ಟಾಸ್ಕ್ ನಲ್ಲಿ ದಿವ್ಯಾ ಮತ್ತು ಐಶ್ವರ್ಯ ಗೆದ್ದು 1 ಅಂಕ ಪಡೆಯುತ್ತಾರೆ, ಮತ್ತು ಬೆಟ್ಟಿಂಗ್ ನಲ್ಲಿ ರಾಕೇಶ್ ಮತ್ತು ರೂಪೇಶ್ ಸೋಲುತ್ತಾರೆ.
ಈ ಟಾಸ್ಕ್ ನೀನು ಹೇಗೆ ಮುಗಿಸಿದೆ ಎಂದು ಮನೆಯ ಮಂದಿ ಪ್ರಶ್ನಿಸಿದಾಗ ” ಪಿರಮಿಡ್ ಹೇಗೆ ಮಾಡಬೇಕು ಎಂದು ನಾವೆಲ್ಲರೂ ಪ್ರಯತ್ನ ಮಾಡುವಾಗ ಯೋಚನೆ ಮಾಡುತ್ತಿದ್ದೆ. ಟಾಸ್ಕ್ ಮಾಡುವಾಗ ಯೋಚನೆ ಬಂದು ಪಿರಮಿಡ್ ಮಾಡಲು 24 ಬಾಲ್‌ಗಳಿದೆ. ಹಾಗಿದ್ರೆ 4 ಅಥವಾ ಮೂರು ರೀತಿಯಲ್ಲಿ ನಿಲ್ಲಿಸಬೇಕು 2 ಇಲ್ಲ..ಒಂದು ಸಲ ಯೋಚನೆ ಮಾಡಿ ಟ್ರೈ ಮಾಡಿದೆ ಸರಿ ಆಯ್ತು’ ಎಂದು ಹೇಳಿದರು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
