ಬಿಗ್ ಬಾಸ್ ಸೀಸನ್ 9 ಶುರುವಾಗಿ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಜನರು ಬಂದಿದ್ದಾರೆ. ಅದರಲ್ಲೂ ಸಿನಿಮಾ ವಿಮರ್ಶೆಯನ್ನು ಪ್ರಾಸವಾಗಿ ಹೇಳಿ ಅಪಾರವಾದ ಅಭಿಮಾನಿಗಳನ್ನು ಸಂಪಾದಿಸಿರುವ ನವಾಜ್ ಬಿಗ್ ಬಾಸ್ ಮನೆಗೆ ಪ್ರವೇಶಿಸಿದರು. ಬಿಗ್ ಬಾಸ್ ಮನೆಗೆ ಪ್ರವೇಶಿಸುತ್ತಿದ್ದಂತೆ ನವಾಜ್ ಪ್ರೊಪೋಸ್ ಮಾಡಿದ್ದಾರೆ.
ಇದು ನವಾಜ್ ಪ್ರಪೋಸ್ ಮಾಡೋ ರೀತಿ, ಹೀಗೆ ಮಾಡಿದ್ರೆ ಪಕ್ಕಾ ಸಿಗುತ್ತೆ ಪ್ರೀತಿ!#ಬಿಬಿಕೆ9, ದ ಬಿಗ್ಗೆಸ್ಟ್ ಸೀಸನ್ | ಪ್ರತಿ ರಾತ್ರಿ 9.30#BBK9 #ಬಿಗ್‍ಬಾಸ್‍ಕನ್ನಡ9 #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/YPmZusjfyR
— Colors Kannada (@ColorsKannada) September 29, 2022
ಬಿಗ್ ಬಾಸ್ ಮನೆಗೆ ಬಂದಾಗ ನವಾಜ್ ಐಶ್ವರ್ಯಾ ಬಗ್ಗೆ ಮೆಚ್ಚುಗೆಯ ಮಾತನಾಡಿದರು. ನನಗೆ ಹಾಲಿವುಡ್ ಹೀರೋಯಿನ್ಗಳು ಎಂದರೆ ಇಷ್ಟ. ಐಶ್ವರ್ಯಾ ಅವರು ನೋಡೋಕೆ ಹಾಲಿವುಡ್ ಹೀರೋಯಿನ್ ತರಹವೇ ಇದ್ದಾರೆ. ಅವರನ್ನು ಕಂಡರೆ ಇಷ್ಟ’ ಎಂದು ಹೇಳಿದ್ದರು. ಇದಲ್ಲದೆ ಬಿಗ್ ಬಾಸ್ ಮನೆಯಲ್ಲಿ ಮೇಕ್ ಅಪ್ ಮಾಡಿಕೊಳ್ಳದೆ ಇರುವ ಹುಡುಗಿ ಎಂದರೆ ಅದು ಐಶ್ವರ್ಯಾ ಎಂದು ಸಹ ಹೇಳಿದ್ದಾರೆ. ಇದೀಗ ಮುಂದುವರೆದು ಪ್ರೊಪೋಸ್ ಕೂಡ ಮಾಡಿದ್ದಾರೆ.
‘ನೋಡಿ ಐಶ್ವರ್ಯಾ ಪಿಸ್ಸೆ ಅವರೇ, ನಿಮ್ಮನ್ನು ನೋಡಿದಾಗಲೇ ಫಿದಾ ಆದೆ. ನಿಮ್ಮ ರೀತಿ ಇಂಗ್ಲಿಷ್ನಲ್ಲಿ ಐ ಲವ್ ಯೂ ಅಂತ ಹೇಳೋಕೆ ಬರಲ್ಲ. ನಮ್ಮ ಮನೆ ತುಂಬಾ ಚಿಕ್ಕದು, ಆದರೆ ಮನಸ್ಸು ದೊಡ್ಡದು. ಚಿಕ್ಕದಾಗಿ ಸೇರಿಕೊಂಡು, ದೊಡ್ಡದಾಗಿ ಪ್ರೀತಿ ಮಾಡೋಣ. ದೊಡ್ಡದಾಗಿ ಪ್ರೀತಿ ಮಾಡಿ, ಚಿಕ್ಕದಾಗಿ ಖುಷಿಪಡೋಣ. ಚಿಕ್ಕ ಖುಷಿಯಲ್ಲಿ ಮಕ್ಕಳಿಗೆ ಜನ್ಮ ಕೊಡೋಣ. ಆ ಚಿಕ್ಕ ಮಕ್ಕಳನ್ನು ದೊಡ್ಡವರಾಗಿ ಬೆಳೆಸೋಣ. ದೊಡ್ಡವರಾಗಿ ಸಾಯುವಾಗ ಚಿಕ್ಕದಾಗಿ ನಗೋಣ. ನಮ್ಮ ಮಕ್ಕಳು ದೊಡ್ಡದಾಗಿ ಸಮಾಧಿ ಕಟ್ಟಿಸುತ್ತಾರೆ, ಅವರ ಮನದಲ್ಲಿ ಚಿಕ್ಕ ಜಾಗದಲ್ಲಿರೋಣ’ ಎಂದು ಹೇಳಿದರು.
ನವಾಜ್ ಅವರ ಈ ಮಾತನ್ನು ಕೇಳಿ ಫಿದಾ ಆದ ಐಶ್ವರ್ಯ ‘ನಿನಗೆ ಒಳ್ಳೆ ಹುಡುಗಿ ಸಿಕ್ತಾಳೆ ಬಿಡು’ ಎಂದರು. ಇದಕ್ಕೆ ನವಾಜ್ ‘ನೀವು ಸಿಗಲ್ವಾ’ ಎಂದು ಮರು ಪ್ರಶ್ನೆ ಮಾಡಿದರು. ಸದಾ ಕಾಲ ಹುಚ್ಚರಂತೆ ಆಡುತ್ತಿದ್ದ ನವಾಜ್ ಇದೀಗ ಬಿಗ್ ಬಾಸ್ ಮನೆಯಲ್ಲಿ ಎಲ್ಲರ ಗಮನ ಸೆಳೆಯುವ ಪ್ರಯತ್ನ ಮಾಡುತ್ತಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
