ಕಿರಾತಕ ಸಿನಿಮಾದ ಮೂಲಕ ಹಾಸ್ಯ ನಟನಾಗಿ ಸಿನಿಮಾರಂಗಕ್ಕೆ ಎಂಟ್ರಿ ಕೊಟ್ಟ ಚಿಕ್ಕಣ್ಣ ಸಾಲು ಸಾಲು ಸಿನಿಮಾಗಳನ್ನು ಮಾಡುತ್ತ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಇಷ್ಟೆಲ್ಲಾ ಸಿನಿಮಾಗಳ ಮೂಲಕ ಬ್ಯುಸಿಯಾಗಿರುವ ಚಿಕ್ಕಣ್ಣ ಮದುವೆ ಯಾವಾಗ ಆಗುತ್ತಾರೆ ಎಂಬ ಪ್ರಶ್ನೆ ಅಭಿಮಾನಿಗಳು ಕೇಳುತ್ತಿದ್ದರು. ಇದೀಗ ಈ ಪ್ರಶ್ನೆಗೆ ಚಿಕ್ಕಣ್ಣ ಉತ್ತರ ಕೊಟ್ಟಿದ್ದಾರೆ.
ಕೇವಲ ಹಾಸ್ಯ ನಟನಾಗಿ ಜನರನ್ನು ರಂಜಿಸುತ್ತಿದ್ದ ಚಿಕ್ಕಣ್ಣ ಇದೆ ಮೊದಲ ಬಾರಿಗೆ ನಾಯಕನಾಗಿ `ಉಪಾಧ್ಯಕ್ಷ’ ಸಿನಿಮಾದ ಮೂಲಕ ಎಂಟ್ರಿ ಯಾಗುತ್ತಿದ್ದಾರೆ. ಈ ವೇಳೆ ಚಿಕ್ಕಣ್ಣನಿಗೆ ತಮ್ಮ ಮದುವೆಯ ಕುರಿತು ಪ್ರಶ್ನೆ ಬರುತ್ತದೆ. ಇದಕ್ಕೆ ಉತ್ತರಿಸಿದ ಚಿಕ್ಕಣ್ಣ ” ನನ್ನ ಮದುವೆ ಯಾವಾಗ ನನಗೆ ಗೊತ್ತಿಲ್ಲ. ಕಂಕಣ ಭಾಗ್ಯ ಕೂಡಿ ಬಂದಾಗ ನನ್ನ ಮದುವೆ ನಡೆಯಲಿದೆ, ಸದ್ಯಕ್ಕೆ ತಮಗೆ ಮದುವೆ ಬಗ್ಗೆ ಯಾವುದೇ ಆಲೋಚನೆ ಇಲ್ಲ. ಮುಂದೆ ಏನಾಗುತ್ತದೆ ಎಂದು ಹೇಗೆ ಹೇಳಲು ಸಾಧ್ಯ ” ಎಂದು ತಿಳಿಸಿದ್ದಾರೆ, ಹೀಗಾಗಿ ಸದ್ಯಕ್ಕೆ ಚಿಕ್ಕಣ್ಣ ಮದುವೆಯಾಗುವ ಯಾವುದೇ ಲಕ್ಷಣಗಳು ಇಲ್ಲ ಎಂದು ಹೇಳಬಹುದು.
ಈ ಹಿಂದೆ ಚಿಕ್ಕಣ್ಣ ಮತ್ತು ಅನುಶ್ರೀ ಮದುವೆಯಾಗುತ್ತಾರೆ ಎಂಬ ಸುದ್ದಿ ಹರಿದಾಡುತ್ತಿತ್ತು. ಸಿನಿಮಾದ ಪ್ರಮೋಷನ್ ವೇಳೆ ಚಿಕ್ಕಣ್ಣ ಅನುಶ್ರೀ ಅವರಿಗೆ ಪ್ರೊಪೋಸ್ ಮಾಡಿದರು. ಆದರೆ ಅದು ಅವರು ತಮಾಷೆಗಾಗಿ ಮಾಡಿದರು. ಹೀಗಾಗಿ ಚಿಕ್ಕಣ್ಣ ಅವರನ್ನು ಮದುವೆಯಾಗುವ ಹುಡುಗಿ ಯಾರೆಂದು ಚಿಕ್ಕಣ್ಣ ಅವರೇ ತಿಳಿಸಬೇಕು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
