ಬಿಗ್ ಬಾಸ್ ಗೆ ಬರ್ತಾರಂತೆ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದ ಈ ಜೋಡಿ

ಸಾಮಾಜಿಕ ಜಾಲತಾಣದಲ್ಲಿ ಇತ್ತೀಚಿಗೆ ಸಕತ್ ವೈರಲ್ ಆಗುತ್ತಿದ್ದ ಜೋಡಿ ಎಂದರೆ ಅದು ನಟಿ, ನಿರೂಪಕಿ ಮಹಾಲಕ್ಷ್ಮೀ ಮತ್ತು ನಿರ್ಮಾಪಕ ರವೀಂದರ್​ ಚಂದ್ರಶೇಖರನ್ ಜೋಡಿ. ಇವರಿಬ್ಬರ ಜೋಡಿ ಮದುವೆಯಾದ ಬಳಿಕ ಬಹಳಷ್ಟು ಜನರು ಇವರನ್ನು ಟ್ರೊಲ್ ಮಾಡುತ್ತಿದ್ದರು. ಇದೀಗ ಈ ಜೋಡಿ ಬಿಗ್ ಬಾಸ್ ಮನೆಗೆ ಬರಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.

ಶೀಘ್ರದಲ್ಲೇ ‘ತಮಿಳು ಬಿಗ್ ಬಾಸ್ 6’ ಆರಂಭ ಆಗಲಿದೆ. ಕಮಲ್ ಹಾಸನ್ ಅವರು ಶೋ ನಡೆಸಿಕೊಡಲಿದ್ದಾರೆ. ಈ ನವ ದಂಪತಿ ಬಿಗ್ ಬಾಸ್​ ಮನೆಗೆ ಎಂಟ್ರಿ ಕೊಡಲಿದೆ ಎನ್ನುವ ಸುದ್ದಿ ವೀಕ್ಷಕರಲ್ಲಿ ಸಾಕಷ್ಟು ಕುತೂಹಲ ಹುಟ್ಟಿಸಿದೆ. ಒಂದು ವೇಳೆ ಈ ಜೋಡಿ ಬಿಗ್ ಬಾಸ್ ಮನೆಗೆ ಎಂಟ್ರಿಯಾದರೆ ಇವರಿಬ್ಬರ ನಡುವೆ ಹೇಗೆ ಪ್ರೀತಿ ಹುಟ್ಟಿತು ಎಂಬುದನ್ನು ಸಹ ಇವರು ತಿಳಿಸಬಹುದು. ಹೀಗಾಗಿ ಈ ಜೋಡಿ ಬಿಗ್ ಬಾಸ್ ಮನೆಗೆ ಬರಲಿ ಎಂದು ಅಭಿಮಾನಿಗಳು ಆಶಿಸುತ್ತಿದ್ದಾರೆ.

ಮಹಾಲಕ್ಷ್ಮಿ ಮತ್ತು ರವೀಂದರ್​ ಚಂದ್ರಶೇಖರನ್ ಇಬ್ಬರು ಒಂದೇ ಇಂಡಸ್ಟ್ರಿ ಯಲ್ಲಿ ಕೆಲಸ ಮಾಡಿದರು. ಈ ಹಿಂದೆ ಈ ಜೋಡಿ ಒಟ್ಟಿಗೆ ಕೆಲಸ ಮಾಡಿದರು. ಇವರಿಬ್ಬರ ಮದುವೆ ನಂತರ ಸಾಕಷ್ಟು ಜನ ಇವರನ್ನು ಟ್ರೊಲ್ ಮಾಡಲು ಶುರುಮಾಡಿದರು. ಇದಾದ ನಂತರ ಸ್ವತಃ ಮಹಾಲಕ್ಷ್ಮಿ ಅವರು ಸಾಮಾಜಿಕ ಜಾಲತಾಣದಲ್ಲಿ ‘ನನ್ನ ಪತಿಯನ್ನು ಟ್ರೋಲ್ ಮಾಡಬೇಡಿ’ ಎಂದು ಸಹ ಹೇಳಿದರು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ