ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಬಿಗ್ ಬಾಸ್ ಸೀಸನ್ 9 ಶುರುವಾಗಿ ಇದೀಗ ಒಂದು ವಾರ ಕಳೆದಿದೆ. ಹೀಗಾಗಿ ಮನೆಯಲ್ಲಿ ಕಳಪೆ ಆಟಗಾರ ಯಾರು ಅತ್ಯುತ್ತಮ ಆಟಗಾರ ಯಾರು ಎಂಬುದರ ಕುರಿತು ಚರ್ಚೆ ನಡೆಯಿತು. ಇದೆಲ್ಲವನ್ನು ಹೊರೆತುಪಡಿಸಿ ಇದೀಗ ಬಿಗ್ ಬಾಸ್ ಮನೆಯಲ್ಲಿ ಕಾಮಿಡಿ ಕಿಲಾಡಿಗಳು ಖ್ಯಾತಿಯ ವಿನೋದ್ ಗೊಬ್ರಗಾಲ ಕ್ಯಾಪ್ಟನ್ ಆಗಿ ಹೊರಹೊಮ್ಮಿದ್ದಾರೆ.
ಬಿಗ್ ಬಾಸ್ ಕ್ಯಾಪ್ಟನ್ಸಿ ಟಾಸ್ಕ್ ಒಂದು ನೀಡಿದರು. ಇದರಲ್ಲಿ ವಿನೋದ್ ಮತ್ತು ಪ್ರಶಾಂತ್ ಸಂಭರ್ಗಿ ಅವರ ಜೋಡಿ ಆಯ್ಕೆಯಾಗಿತ್ತು. ದೀಪಿಕಾ ದಾಸ್-ಅಮೂಲ್ಯ ಹಾಗೂ ಐಶ್ವರ್ಯಾ ಪಿಸೆ-ದಿವ್ಯಾ ಉರುಡುಗ ಜೋಡಿಗಳ ನಡುವೆ ಟೈ ಆಗಿತ್ತು. ಹೀಗಾಗಿ ಇವರಿಬ್ಬರ ಜೋಡಿಯಲ್ಲಿ ಯಾರು ಆಡುತ್ತಾರೆ ಎಂದು ನೀವೇ ನಿರ್ಧರಿಸಿ ಎಂದು ಬಿಗ್ ಬಾಸ್ ತಿಳಿಸಿದರು. ಇದರ ಅನುಸಾರ ಐಶ್ವರ್ಯಾ ಪಿಸೆ-ದಿವ್ಯಾ ಉರುಡುಗ ಜೋಡಿ ಆಡಲಿದೆ ಎಂಬುದು ಫೈನಲ್ ಆಗಿತ್ತು.
ಟಾಸ್ಕ್ ಆರಂಭವಾಗುತ್ತಿದ್ದಂತೆ ಮೊದಲ ಸುತ್ತಿನಲ್ಲಿ ವಿನೋದ್ ಗೊಬ್ರಗಾಲ ಮತ್ತು ಐಶ್ವರ್ಯಾ ಪಿಸೆ ಆಡಿದರು. ಇದರಲ್ಲಿ ವಿನೋದ್ ಗೊಬ್ರಗಾಲ ಗೆದ್ದು ಮುಂದಿನ ಸುತ್ತಿಗೆ ಆಯ್ಕೆಯಾದರು. ಎರಡನೇ ಸುತ್ತಿನಲ್ಲಿ ದಿವ್ಯಾ ಉರುಡುಗ ಮತ್ತು ಪ್ರಶಾಂತ್ ಸಂಬರ್ಗಿ ಆಟ ಆಡಿದರು. ಇದರಲ್ಲಿ ದಿವ್ಯಾ ಗೆದ್ದು ಮುಂದಿನ ಸುತ್ತಿಗೆ ಆಯ್ಕೆ ಆದರು. ಪೈನಲ್ ಸುತ್ತಿನಲ್ಲಿ ವಿನೋದ್ ಗೊಬ್ರಗಾಲ ಮತ್ತು ದಿವ್ಯಾ ನಡುವೆ ಪೈಪೋಟಿ ನಡೆಯಿತು. ಕೊನೆಯದಾಗಿ ವಿನೋದ್ ಗೊಬ್ರಗಾಲ ಗೆದ್ದು ಮನೆಯ ಕ್ಯಾಪ್ಟನ್ ಆದರು.
ಮನೆಯ ಕ್ಯಾಪ್ಟನ್ ಆದ ಖುಷಿಯಲ್ಲಿ ಇದ್ದ ವಿನೋದ್ ಅವರಿಗೆ ಬಿಗ್ ಬಾಸ್ ಒಂದು ಸರ್ಪ್ರೈಸ್ ನೀಡಿದರು. ಅದೇನೆಂದರೆ ಬಿಗ್ ಬಾಸ್ ಮನೆಯಲ್ಲಿ ಒಂದು ದ್ವನಿ ಬಂತು. ಅದು ಬೇರೆ ಯಾರು ಅಲ್ಲ ವಿನೋದ್ ಗೊಬ್ರಗಾಲ ಅವರ ತಾಯಿಯದ್ದು. ವಿನೋದ್ ಅವರ ತಾಯಿ ಮಗ ಬಿಗ್ ಬಾಸ್ ಮನೆಯ ಕ್ಯಾಪ್ಟನ್ ಆಗಿದ್ದಕ್ಕೆ ಶುಭಾಶಯವನ್ನು ತಿಳಿಸಿದರು. ಇದರಿಂದ ವಿನೋದ್ ಅವರು ಕೆಲವು ಕಾಲ ಭಾವುಕರಾದರು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
