‘ರೋಲ್​ಕಾಲ್ ಮಾಡಿದ್ದು ಸಾಬೀತು ಮಾಡಿದ್ರೆ ನೇಣು ಹಾಕಿಕೊಳ್ತಿನಿ’ ಪ್ರಶಾಂತ್ ಸಂಭರ್ಗಿ ಗೆ ಸವಾಲ್ ಹಾಕಿದ ರಾಜಣ್ಣ

ಈ ಬಾರಿಯ ಬಿಗ್ ಬಾಸ್ ಹಲವಾರು ವಿಶೇಷತೆಗಳಿಂದ ಕೂಡಿದೆ. ಪ್ರವೀಣರ ಜೊತೆ ನವೀನರು ಭಾಗವಹಿಸುತ್ತಿದ್ದಾರೆ. ಹೀಗಾಗಿ ಈ ಸಲದ ಬಿಗ್ ಬಾಸ್ ಸೀಸನ್ ಬಹಳಷ್ಟು ಮನೋರಂಜನೆ ನೀಡುವಲ್ಲಿ ಯಾವುದೇ ಸಂಶಯವಿಲ್ಲ. ಪ್ರತಿಸಾರಿಯಂತೆ ಈ ಬಾರಿಯೂ ಸಹ ಬಿಗ್ ಬಾಸ್ ಮನೆಯಲ್ಲಿ ಜಗಳ ನಡೆಯುತ್ತಿದೆ. ಅದರಲ್ಲೂ ಪ್ರಶಾಂತ್ ಸಂಭರ್ಗಿ ಹಾಗು ರೂಪೇಶ್ ರಾಜಣ್ಣ ನಡುವೆ ಜಗಳ ದಿನೇ ದಿನೇ ತಾರಕ್ಕಕ್ಕೆ ಏರುತ್ತಿದೆ.

ಬಿಗ್ ಬಾಸ್ ಈ ವಾರ ಕ್ಯಾಪ್ಟನ್ಸಿ ಟಾಸ್ಕ್ ಎಂದು ಕೆಜಿಎಫ್ ರೀತಿಯ ಒಂದು ಟಾಸ್ಕ್ ನೀಡಿದ್ದರು. ಈ ಟಾಸ್ಕ್ ನಲ್ಲಿ ಮನೆಯ ಸದಸ್ಯರು ಭಾಗವಹಿಸಿ ಅದ್ಭುತವಾದ ಪ್ರದರ್ಶನವನ್ನು ನೀಡುತ್ತಿದ್ದರು. ಟಾಸ್ಕ್ ನಡೆಯುತ್ತಿದ್ದ ವೇಳೆ ರೂಪೇಶ್ ರಾಜಣ್ಣ ಮತ್ತು ಪ್ರಶಾಂತ್ ಸಂಭರ್ಗಿ ಅವರ ನಡುವೆ ಜಗಳ ಶುರುವಾಯಿತು. ಈ ವೇಳೆ ಪ್ರಶಾಂತ್ ಸಂಭರ್ಗಿ ‘ರೂಪೇಶ್ ರಾಜಣ್ಣ ರೋಲ್​ಕಾಲ್ ಮಾಡಿ ದುಡ್ಡು ಮಾಡಿದ್ದಾರೆ’ ಎಂದು ಆರೋಪಿಸಿದರು. ಇದು ರೂಪೇಶ್ ರಾಜಣ್ಣ ಅವರನ್ನು ಬಹಳಷ್ಟು ಕೆರಳಿಸಿತು.

ಬಿಗ್ ಬಾಸ್ ಮನೆಯಲ್ಲಿ ಮೊದಲ ವಾರದ ಒಂದು ಟಾಸ್ಕ್ ಅನ್ವಯ ಸಾನ್ಯ ಪ್ರಶಾಂತ್ ಅವರಿಗೆ ಕುತಂತ್ರಿ ಎಂಬ ಪಟ್ಟವನ್ನು ನೀಡಿದ್ದರು. ಇದೇ ವಿಚಾರವನ್ನು ರೂಪೇಶ್ ತೆಗೆದಿದ್ದಾರೆ. ‘ಆಟವನ್ನು​ ಸರಿ ಆಡುವುದಿಲ್ಲ. ನಿಮಗೆ ಕುತಂತ್ರಿ ಎಂಬ ಪಟ್ಟ ಸರಿ ಇದೆ’ ಎಂಬ ಮಾತನ್ನು ರೂಪೇಶ್ ರಾಜಣ್ಣ ಹೇಳಿದರು. ಇದಕ್ಕೆ ಪ್ರಶಾಂತ್ ಸಂಭರ್ಗಿ ಕೂಡ ತಮ್ಮದೇ ರೀತಿಯಲ್ಲಿ ಠಕ್ಕರ್ ಕೊಟ್ಟರು.

‘ರೋಲ್​ಕಾಲ್ ಮಾಡಿ ಯಾರು ಎಲ್ಲೆಲ್ಲಿ ಜೀವನ ಮಾಡಿದಾರೆ ಅನ್ನೋದು ಗೊತ್ತು. ಕನ್ನಡದ ಕಂದ ಹೇಡಿ. ಈ ರೀತಿ ಇವರನ್ನು ಹೀಯಾಳಿಸಿದರು. ಕೋಟಿಕೋಟಿ ವ್ಯವಹಾರ ಮಾಡುವ ಕುತಂತ್ರಿಗಳಲ್ಲ ನಾವು. ಹೆದರಿಕೊಂಡು ಓಡೋದು ನಮ್ಮ ಜಾಯಮಾನದಲ್ಲಾಗಲೀ, ಕನ್ನಡಿಗರ ಜಾಯಮಾನದಲ್ಲಾಗಲಿ ಇಲ್ಲ. ನಾನು ರೋಲ್​ಕಾಲ್ ಮಾಡಿದ್ದು ಪ್ರೂವ್ ಮಾಡಿದ್ರೆ ನೇಣು ಹಾಕಿಕೊಳ್ತಿನಿ’ ಎಂದು ಸಂಬರ್ಗಿಗೆ ರಾಜಣ್ಣ ಸವಾಲ್ ಹಾಕಿದ್ದರು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ