ಹಾಲಿವುಡ್ ‘ಹ್ಯಾರಿ ಪಾಟರ್’ ಸರಣಿಯ ರುಬೆಸ್ ಪಾತ್ರಧಾರಿ ನಿಧನ!

ನಾವೆಲ್ಲ ಹ್ಯಾರಿ ಪಾಟರ್, ಜೇಮ್ಸ್ ಬಾಂಡ್ ನಂತಹ ಸಿನಿಮಾಗಳನ್ನು ನೋಡಿರುತ್ತೇವೆ. ಈ ಸಿನಿಮಾದಲ್ಲಿ ನಾಯಕನಾಗಿ ನಟಿಸಿದ್ದ ಸ್ಕಾಟಿಶ್ ನಟ ರಾಬಿ ಕೋಲ್ಟ್ರೇನ್ (72) ಅವರು ನಿಧನರಾಗಿದ್ದಾರೆ. ಹ್ಯಾರಿ ಪಾಟರ್ ಸಿನಿಮಾದ ರುಬೆಸ್ ಹ್ಯಾಗ್ರಿಡ್ ಪಾತ್ರದ ಮೂಲಕ ಇವರು ಹೆಚ್ಚು ಜನಪ್ರಿಯತೆಯನ್ನು ಪಡೆದರು.

ರಾಬಿ ಕೋಲ್ಟ್ರೇನ್ ಅವರಿಗೆ 72 ವರ್ಷ ವಯಸ್ಸಾಗಿತ್ತು. ಇದೀಗ ಇವರ ನಿಧನದ ಕುರಿತು ಅಲ್ಲಿನ ಮಾಧ್ಯಮ ಖಚಿತಪಡಿಸಿದೆ. ಆದರೆ ಇವರ ಸಾವಿಗೆ ನಿಖರ ಕಾರಣವೇನೆಂಬುದು ಇನ್ನು ಸ್ಪಷ್ಟವಾಗಿಲ್ಲ. ಇನ್ನು ರಾಬಿ ಅವರ ಜೊತೆ ಕೆಲಸ ಮಾಡಿದ ಎಜೇಂಟ್ ಹೇಳಿರುವ ಪ್ರಕಾರ ಶುಕ್ರವಾರ ತಡರಾತ್ರಿ ರಾಬಿ ನಿಧನರಾಗಿದ್ದಾರೆ. ಇವರ ಜೊತೆ ಸುಮಾರು 40 ವರ್ಷಗಳ ಕಾಲ ಕೆಲಸ ಮಾಡಿದ್ದಕ್ಕೆ ನನಗೆ ಹೆಮ್ಮೆಯಾಗುತ್ತಿದೆ. ಇವರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಕೋರುತ್ತೇನೆ.

ರಾಬಿ ಕೇವಲ ಸಿನಿಮಾದಲ್ಲಿ ಮಾತ್ರವಲ್ಲದೆ ಟಿವಿ ಮತ್ತು ವೆಬ್ ಸಿರೀಸ್ ನಲ್ಲೂ ಕಾಣಿಸಿಕೊಂಡಿದ್ದಾರೆ. 1990ರಲ್ಲಿ ಮೊದಲ ಬಾರಿಗೆ ಕ್ರ್ಯಾಕರ್ ಸಿರೀಸ್ ನಲ್ಲಿ ಅವರು ಡಿಟೆಕ್ಟಿವ್ ಪಾತ್ರ ಮಾಡಿದ್ದಾರೆ. ಆ ಪಾತ್ರ ಅವರಿಗೆ ಸಾಕಷ್ಟು ಹೆಸರು ತಂದುಕೊಟ್ಟಿತ್ತು. ಈ ನಟನೆಗಾಗಿ ಅವರಿಗೆ ಅಕಾಡಮಿ ಟೆಲಿವಿಷನ್ ಪ್ರಶಸ್ತಿ ಕೂಡ ಬಂದಿತ್ತು. ಇವರಿಗೆ ಅತಿ ಹೆಚ್ಚು ಹೆಸರು ನೀಡಿದ ಸಿನಿಮಾ ಎಂದರೆ ಅದು ಜೇಮ್ಸ್ ಬಾಂಡ್.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ