ಇನ್ನುಮುಂದೆ ವಾಹನ ಸವಾರರು ಸ್ವಲ್ಪ ಎಚ್ಚರದಿಂದ ಇರುವುದು ಉತ್ತಮ ಎಂದು ಹೇಳಬೇಕು. ಅದರಲ್ಲೂ ಹೆಚ್ಚಾಗಿ ಕಾರು ಚಾಲಕರು. ಏಕೆಂದರೆ ನೀವು ಇನ್ನುಮುಂದೆ ಕಾರನ್ನು ಚಲಾಯಿಸುವ ಮುನ್ನ ಸೀಟ್ ಬೆಲ್ಟ್ ಧರಿಸಿದ್ದೀರಾ ಇಲ್ಲವೇ ಎಂದು ಪರೀಕ್ಷಿಸುವುದು ಉತ್ತಮ. ಇಲ್ಲವಾದರೆ ಇದಕ್ಕೆ ನೀವು ಬಾರಿ ತಂಡವನ್ನು ಕಟ್ಟಬೇಕಾಗುತ್ತದೆ.
ಪ್ರತಿಯೊಬ್ಬ ಪ್ರಯಾಣಿಕನು ತಾನು ಗಾಡಿಯನ್ನು ಓಡಿಸುವಾಗ ತನ್ನ ಹಾಗು ತನ್ನ ಜೊತೆಗೆ ಇರುವವರ ಸುರಕ್ಷತೆಯನ್ನು ಕಾಪಾಡಬೇಕು. ಅದರಲ್ಲೂ ಕಾರು ಚಾಲಕರು ತಮ್ಮ ಹಾಗು ತಮ್ಮ ಜೊತೆಗಿರುವವರ ಸುರಕ್ಷತೆಯನ್ನು ಕಾಪಾಡಲು ಇರುವ ಒಂದು ಮಾರ್ಗ ಎಂದರೆ ಅದು ಸೀಟ್ ಬೆಲ್ಟ್. ಒಂದು ವೇಳೆ ನೀವು ಸೀಟ್ ಬೆಲ್ಟ್ ಅನ್ನು ಧರಿಸದೇ ಕಾರನ್ನು ಚಲಾಯಿಸಿದರೆ ಇದು ನಿಮ್ಮ ಪ್ರಾಣಕ್ಕೆ ಕುತ್ತು ತರುವುದರಲ್ಲದೆ ನಿಮ್ಮ ಜೇಬಿಗೂ ಸಹ ಕತ್ತರಿ ಬೀಳುವಂತೆ ಮಾಡುತ್ತದೆ.
ಕೇಂದ್ರ ಸರ್ಕಾರದ ಹೊಸ ಆದೇಶದ ಅನ್ವಯ ಇನ್ನು ಮುಂದೆ ಸೀಟ್ ಬೆಲ್ಟ್ ಧರಿಸದೇ ಹೋದಲ್ಲಿ 1,000 ರೂ. ದಂಡ ಕಟ್ಟಬೇಕಾಗುತ್ತದೆ. ರಾಜ್ಯ ಪೊಲೀಸ್ ಮಹಾನಿರ್ದೇಶಕರ ಕಚೇರಿ ಕೂಡ ಈ ಆದೇಶವನ್ನು ಹೊರಡಿಸಿದ್ದು ರಾಜ್ಯದ ಎಲ್ಲಾ ಕಮಿಷನರೇಟ್ ಮತ್ತು ಎಸ್‌ಪಿ ಕಚೇರಿಗೆ ಈ ಆದೇಶ ಪ್ರತಿ ರವಾನಿಸಿದ್ದಾರೆ.
ಈ ಹಿಂದೆ ಚಾಲಕರು ಸೀಟ್ ಬೆಲ್ಟ್ ಧರಿಸದೇ ಇದ್ದಾರೆ ಅಂತವರಿಗೆ 500 ರೂಪಾಯಿ ದಂಡವನ್ನು ವಿಧಿಸಲಗಿತ್ತು. ಆದರೆ ಇದೀಗ ಈ ದಂಡವನ್ನು ದುಪ್ಪಟ್ಟು ಮಾಡಲಾಗಿದೆ. ಹೀಗಾಗಿ ಇದರ ಉದ್ದೇಶ ಇನ್ನುಮುಂದೆ ಜನರು ಸುರಕ್ಷತೆಗೆ ಹೆಚ್ಚಿನ ಗಮನ ಕೊಡಬೇಕೆಂದು. ಏಕೆಂದರೆ ಇತ್ತೀಚಿಗೆ ನಡೆಯುತ್ತಿರುವ ಕೆಲವು ಅಪಘಾತ ಪ್ರಕರಣಗಳನ್ನು ಗಮನಿಸಿದ ಇದರಿಂದ ಹೆಚ್ಚಾಗಿ ಜನರು ಮೃತಪಟ್ಟಿರುವುದು ಸೀಟ್ ಬೆಲ್ಟ್ ಧರಿಸದೇ ಇದ್ದ ಕಾರಣ. ಹೀಗಾಗಿ ಇನ್ನು ಮುಂದೆ ಈ ತೊಂದರೆ ಆಗಬಾರದೆಂದು ದಂಡದ ಮೊತ್ತವನ್ನು ಹೆಚ್ಚಿಸಲಾಗಿದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
