ಬಿಗ್ ಬಾಸ್ ಮನೆಯ ಕ್ಯೂಟ್ ಜೋಡಿಯಾಗಿರುವ ಸಾನ್ಯ ಐಯ್ಯರ್ ಮತ್ತು ರೂಪೇಶ್ ಶೆಟ್ಟಿ ನಡುವೆ ಕಿರಿ! ದೂರವಾಗುತ್ತಿದ್ಯಾ ಈ ಜೋಡಿ?

ಬಿಗ್ ಬಾಸ್ ಸೀಸನ್ 9 ಶುರುವಾಗಿ 5 ವಾರಗಳು ಕಳೆಯುತ್ತಾ ಬಂದಿದೆ. ದಿನದಿಂದ ದಿನಕ್ಕೆ ಬಿಗ್ ಬಾಸ್ ಮನೆಯಲ್ಲಿ ಹಲವಾರು ಬದಲಾವಣೆಗಳು ಆಗುತ್ತಿರುವುದನ್ನು ನಾವು ಗಮನಿಸಿದ್ದೇವೆ. ಅದರಲ್ಲೂ ಬಿಗ್ ಬಾಸ್ ಮನೆಯ ಕ್ಯೂಟ್ ಜೋಡಿ ಎಂದರೆ ಅದು ರೂಪೇಶ್ ಶೆಟ್ಟಿ ಮತ್ತು ಸಾನ್ಯ ಐಯ್ಯರ್. ಆದರೆ ಇತ್ತೀಚಿಗೆ ಈ ಜೋಡಿ ದೂರವಾಗುತ್ತಿದೆ ಎಂಬ ಅನುಮಾನ ಇವರಿಬ್ಬರ ಮದ್ಯೆ ಅಲ್ಲದೆ ಮನೆಯವರಿಗೂ ಸಹ ಅನಿಸುತ್ತಿದೆ.

ಬಿಗ್ ಬಾಸ್ ಮನೆಯ ಕ್ಯಾಪ್ಟನ್ ರೂಮ್ ನಲ್ಲಿ ರೂಪೇಶ್ ಶೆಟ್ಟಿ ಮತ್ತು ಸಾನ್ಯ ಐಯ್ಯರ್ ಮೈ ಮರೆತು ಮಲಗಿದ್ದರು, ಇದೆ ವಿಚಾರವಾಗಿ ಕಿಚ್ಚ ವಾರದ ಕಥೆಯಲ್ಲಿ ಬಂದು ಇವರಿಬ್ಬರಿಗೂ ಕ್ಲಾಸ್ ತೆಗೆದುಕೊಂಡಿದ್ದರು. ಇದರಿಂದ ರೂಪೇಶ್ ಶೆಟ್ಟಿ ಅವರಿಗೆ ಬಹಳಷ್ಟು ಬೇಸರವಾಗಿದ್ದು ಅವರು ಅತ್ತಿದ್ದು ಸಹ ನಮಗೆಲ್ಲರಿಗೂ ಗೊತ್ತು. ಈ ಘಟನೆ ನಡೆದ ನಂತರ ಸಾನ್ಯ ಮತ್ತು ರೂಪೇಶ್ ಶೆಟ್ಟಿ ನಡುವೆ ಮೊದಲು ಇದ್ದಂತ ಸ್ನೇಹ ಅಥವಾ ಪ್ರೀತಿ ಇಲ್ಲವಂತೆ ಕಾಣುತ್ತಿದೆ. ಇದಕ್ಕೆ ಹಲವಾರು ಉದಾಹರಣೆಗಳು ಸಹ ಮನೆಯಲ್ಲಿ ನಡೆಯುತ್ತಿದೆ.

ರೂಪೇಶ್ ಶೆಟ್ಟಿ ಊಟ ಮಾಡುತ್ತಿದ್ದ ವೇಳೆ ಸಾನ್ಯ ತನ್ನನ್ನು ಬಿಟ್ಟು ಯಾಕೆ ಊಟ ಮಾಡಿದೆ ಎಂದು ಬೇಸರ ವ್ಯಕ್ತಪಡಿಸಿದರು. ಪದೇ ಪದೇ ನನಗೆ ಯಾಕೆ ಇಷ್ಟೊಂದು ನೋವನ್ನು ಮಾಡುತ್ತೀಯಾ. ಉದ್ದೇಶ ಪೂರಕವಾಗಿ ನೀನು ಈ ತರ ಮಾಡುತ್ತಿದೆಯಾ? ಹೀಗೆ ಹಲವಾರು ಪ್ರಶ್ನೆಯನ್ನು ರೂಪೇಶ್ ಬಳಿ ಕೇಳುತ್ತಾಳೆ. ಆದರೆ ರೂಪೇಶ್ ಶೆಟ್ಟಿ ಮಾತ್ರ ಯಾವುದನ್ನೂ ಕೇಳಿಸಿಕೊಳ್ಳುವಂತೆ ಕಾಣುತ್ತಿರಲಿಲ್ಲ. ಅವರು ಸಾನ್ಯ ಇಂದ ಸ್ವಲ್ಪ ಮಟ್ಟಿಗೆ ದೂರ ಇರಲು ಇಚ್ಛಿಸುತ್ತಿದ್ದಾರೆ ಎಂದು ಕಾಣಿಸುತ್ತಿದೆ. ಆದರೆ ಈ ವಿಷಯ ಸಾನ್ಯಗೆ ಅರ್ಥವಾಗಲು ಸ್ವಲ್ಪ ಸಮಯ ಬೇಕಾಗಬಹುದು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ