ರಿಷಿ ಸುನಕ್ ಪತ್ನಿ ಅಕ್ಷತಾ ಮೂರ್ತಿ ಇನ್ಫೋಸಿಸ್​ನಿಂದ ಪಡೆಯುವ ಡಿವಿಡೆಂಡ್ ಎಷ್ಟು ಗೊತ್ತಾ? ಇಲ್ಲಿದೆ ಸಂಪೂರ್ಣ ಮಾಹಿತಿ

ಬ್ರಿಟನ್ ನ ನೂತನ ಪ್ರಧಾನಿಯಾಗಿರುವ ರಿಷಿ ಸುನಕ್ ಅವರ ಪತ್ನಿ ಅಕ್ಷತಾ ಮೂರ್ತಿ ಭಾರತದ ಪ್ರತಿಷ್ಠಿತ ಕಂಪನಿಗಳಲ್ಲಿ ಒಂದಾದ ಇನ್ಫೋಸಿಸ್ ನ ಸಂಸ್ಥಾಪಕರಾದ ನಾರಾಯಣ್ ಮೂರ್ತಿ ಅವರ ಪುತ್ರಿ ಎಂದು ನಮಗೆಲ್ಲ ಗೊತ್ತು. ಮೊದಲಿನಿಂದಲೂ ಇವರಿಗೆ ಶ್ರೀಮಂತಿಕೆ ಬಹಳಷ್ಟು ಇತ್ತು. ಇದಲ್ಲದೆ ಇವರು ಕಂಪನಿಯಲ್ಲೂ ಸಹ ಷೇರನ್ನು ಹೊಂದಿದ್ದಾರೆ. ಇದೀಗ ಇವರು ಇನ್ಫೋಸಿಸ್​ನಿಂದ ಪಡೆಯುವ ಡಿವಿಡೆಂಡ್ ಎಷ್ಟು ಎಂಬುದರ ಕುರಿತು ಚರ್ಚೆಗಳು ನಡೆಯುತ್ತಿದೆ. ಇದಕ್ಕೆ ಉತ್ತರ ನಮ್ಮ ಬಳಿ ಇದೆ.

ಅಕ್ಷತಾ ಅವರು 2022ರಲ್ಲಿ ಇನ್ಫೋಸಿಸ್​ನಿಂದ 126.61 ಕೋಟಿ ರೂ. ಡಿವಿಡೆಂಡ್ ಪಡೆದಿದ್ದಾರೆ ಎಂದು ವರದಿಯಾಗಿತ್ತು. ಇದೀಗ 23ನೇ ಹಣಕಾಸು ವರ್ಷದಲ್ಲಿ ಅವರು ಎಷ್ಟು ಮಧ್ಯಂತರ ಲಾಭಾಂಶ ಪಡೆಯಲಿದ್ದಾರೆ ಎಂಬುದೂ ಕೂಡ ತಿಳಿದುಬಂದಿದೆ. ಸೆಪ್ಟೆಂಬರ್​ 30ರ ಲೆಕ್ಕಾಚಾರದ ಪ್ರಕಾರ ಅಕ್ಷತಾ ಅವರು ಇನ್ಫೋಸಿಸ್​ನಲ್ಲಿ ಶೇಕಡಾ 0.93ರಷ್ಟು, ಅಂದರೆ 3,89,57,096 ಷೇರುಗಳನ್ನು ಹೊಂದಿದ್ದಾರೆ. ಈ ಮಾಹಿತಿಯನ್ನು ಕಂಪನಿಯು ಸೆಪ್ಟೆಂಬರ್​ನಲ್ಲಿ ಷೇರು ಮಾರುಕಟ್ಟೆಗೆ ಸಲ್ಲಿಸಿತ್ತು.

22ನೇ ಹಣಕಾಸು ವರ್ಷದಲ್ಲಿ ಇನ್ಫೋಸಿಸ್ ಪ್ರತಿ ಷೇರಿಗೆ 15 ರೂ. ಮಧ್ಯಂತರ ಡಿವಿಡೆಂಡ್ ಘೋಷಿಸಿತ್ತು. ಇದರಂತೆ ಅಕ್ಷತಾ 120.76 ಕೋಟಿ ಡಿವಿಡೆಂಡ್ ಪಡೆದಿದ್ದರು. ಇದಾದ ನಂತರ ಅಕ್ಟೋಬರ್ 27ರಂದು ಕಂಪನಿ 23ನೇ ಹಣಕಾಸು ವರ್ಷಕ್ಕೆ ಇನ್ಫೋಸಿಸ್ ಪ್ರತಿ ಷೇರಿಗೆ 16.50ರ ಮಧ್ಯಂತರ ಡಿವಿಡೆಂಡ್ ಘೋಷಿಸಿದೆ. ಇದರಂತೆ, ಅಕ್ಷತಾ ಮೂರ್ತಿ 64.27 ಕೋಟಿ ರೂ. ಪಡೆಯಲು ಅರ್ಹರಾಗಿರುತ್ತಾರೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ