ತಂತ್ರಜ್ಞಾನ ಕ್ಷೇತ್ರ ದಿನದಿಂದ ದಿನಕ್ಕೆ ಅಭಿವೃದ್ಧಿ ಹೊಂದುತ್ತಲೇ ಇದ್ದು. ತಂತ್ರಜ್ಞಾನದ ಕ್ಷಿಪ್ರ ಗತಿಯ ಬೆಳವಣಿಗೆ ನಮಗೆ ಒಮ್ಮೆ ವರವು ಮತ್ತು ಇನ್ನೊಮ್ಮೆ ಶಾಪವಾಗಿಯೂ ಪರಿಣಮಿಬಲ್ಲದ್ದಾಗಿದೆ. ಇತ್ತೀಚಿಗೆ ಎಲ್ಲರ ಕೈಗೂ ಸುಲಭವಾಗಿ ತಂತ್ರಜ್ಞಾನದ ಟೂಲ್ ಗಳು ಸಿಗುತ್ತಿರುವುದರಿಂದ ಹೆಚ್ಚಿನ ಸಮಯ ತಂತ್ರಜ್ಞಾನದ ದುರ್ಬಳಕೆ ನಡೆಯುತ್ತಿದೆ.
ಅದರಲ್ಲೂ ಸಂವಹನ ಕ್ಷೇತ್ರದಲ್ಲಿ ಸೋಶಿಯಲ್ ಮೀಡಿಯಾ ಸೈಟ್‌ಗಳು, ವಿಶೇಷವಾಗಿ ಫೇಸ್ ಬುಕ್ ಮತ್ತು ವಾಟ್ಸಪ್‌ನಂತಹ ಮೆಸೇಜಿಂಗ್ ಸೇವೆಗಳು ಮ್ಯಾಜಿಕ್ ಮಾಡಿವೆಯಾದರು ಅಷ್ಟೇ ಅನಾಹುತಗಳಿಗೆ ದಾರಿಯನ್ನು ಸಹ ಮಾಡಿಕೊಡುತ್ತಿದೆ.
ಆದುದರಿಂದ ಹೆಚ್ಚೆತ್ತು ಕೊಂಡ ವಾಟ್ಸಪ್ ತನ್ನ ಬಳಕೆಗೆ ‘ಶರತ್ತು ಮತ್ತು ನಿರ್ಬಂಧನೆಯಲ್ಲಿ’ ಕೆಲವೊಂದು ಎಚ್ಚರಿಕೆಗಳನ್ನು ಮೊದಲೇ ನೀಡಿದೆ. ಅವುಗಳನ್ನು ಉಲ್ಲಂಘಿಸಿ ಸಿಕ್ಕಿಹಾಕಿಕೊಂಡರೆ, ನೀವು ಜೀವನ ಪರ್ಯಂತ ವಾಟ್ಸಪ್ ಬಳಸದಂತೆ ನಿಷೇಧ ಹೇರುವ ಸಾಧ್ಯತೆಗಳು ಇವೆ .
ಹಾಗದರೆ ಪ್ರತಿಯೊಬ್ಬ ವಾಟ್ಸಪ್ ಬಳಕೆದಾರ ತಿಳಿದುಕೊಳ್ಳಲೇ ಬೇಕಾದ ವಿಷಯಗಳು ಈ ಕೆಳಕಂಡಂತಿವೆ :
1.ಕಾನೂನು ಬಾಹಿರ, ಅಶ್ಲೀಲ, ಅವಹೇಳನಕಾರಿ, ಬೆದರಿಕೆ, ಪ್ರಚೋದನಾಕಾರಿ ಹಾಗೂ ದ್ವೇಷಪೂರಿತ ಸಂದೇಶಗಳನ್ನು ಕಳುಹಿಸುವಂತಿಲ್ಲ.
2.ಫೇಸ್ಬುಕ್ ಹಾಗೂ ಇನ್ಸ್ಟಾಗ್ರಾಂನಂತೆ ವಾಟ್ಸಪ್‌ನಲ್ಲೂ ಇತರರ ಹೆಸರಿನಲ್ಲಿ ಖಾತೆ ತೆರೆದರೆ, ನಿಷೇಧಕ್ಕೊಳಗಾಗುವ ಸಾಧ್ಯತೆಗಳಿವೆ.
3.ವಾಟ್ಸಪ್ ಬಳಸಿ ಬಲ್ಕ್ ಮೆಸೇಜ್, ಆಟೋ-ಮೆಸೇಜಿಂಗ್, ಆಟೋ-ಡಯಲಿಂಗ್ ಮಾಡೋ ಪ್ರಯತ್ನ ನಡೆಸಿದರೆ ನಿಷೇಧಕ್ಕೊಳಬೇಕಾಗುತ್ತೆ.
4.ಕೋಡಿಂಗ್/ಪ್ರೋಗ್ರಾಮಿಂಗ್ ಮಾಡಿ ವಾಟ್ಸಪ್ ಕೋಡ್‌ನ್ನು ಬದಲಾಯಿಸಲು ಅಥವಾ ಇನ್ನಿತರ ಯಾವುದೇ ಹಸ್ತಕ್ಷೇಪ ನಡೆಸಲು ಪ್ರಯತ್ನಿಸಿದರೂ ನಿಷೇಧ ಕಟ್ಟಿಟ್ಟ ಬುತ್ತಿ!
5.ಕಡಿಮೆ ಅವಧಿಯಲ್ಲಿ ಬಹಳ ಮಂದಿ ನಿಮ್ಮನ್ನು ಬ್ಲಾಕ್ ಮಾಡಿದ್ದಲ್ಲಿಯೂ ನಿಷೇಧದ ಭೀತಿ ಇದ್ದೇ ಇದೆ. ಇತರ ಬಳಕೆದಾರರು ನಿಮ್ಮ ಬಗ್ಗೆ ರಿಪೋರ್ಟ್ ಮಾಡಿದರೆ, ಅದು ಸರಿಯಾಗಿದ್ದಲ್ಲಿ ವಾಟ್ಸಪ್ ನಿಮ್ಮನ್ನು ನಿಷೇಧಿಸುತ್ತದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
