ಅತಿ ಹೆಚ್ಚು ಜನಪ್ರಿಯತೆ ಗಳಿಸಿರುವ ಸಾಮಾಜಿಕ ಜಾಲತಾಣದಲ್ಲಿ ಟ್ವಿಟ್ಟರ್ ಕೂಡ ಒಂದು. ಹಲವಾರು ಸೆಲೆಬ್ರಿಟಿಗಳಿಂದ ಸಾಮಾನ್ಯ ಜನರು ಕೂಡ ಇದನ್ನು ಬಳಸುತ್ತಾರೆ. ಇತ್ತೀಚಿಗೆ ಎಲಾನ್ ಮಸ್ಕ್ 44 ಶತಕೋಟಿ ಡಾಲರ್ ದುಡ್ಡು ತೆತ್ತು ಟ್ವಿಟ್ಟರ್ ಅನ್ನು ಖರೀದಿಸಿದ್ದು, ಹೇಗಾದರು ಮಾಡಿ ಟ್ವಿಟ್ಟರ್ ಅನ್ನು ಸರಿದಾರಿಗೆ ತರಬೇಕೆಂದು ಪಣ ತೊಟ್ಟಿದ್ದಾರೆ. ಹೀಗಾಗಿ ಹಲವಾರು ಬದಲಾವಣೆಗಳನ್ನು ಸಹ ಅವರು ಮಾಡುತ್ತಿದ್ದಾರೆ.
ಇತ್ತೀಚಿಗೆ ಎಲಾನ್ ಮಸ್ಕ್ ಟ್ವಿಟರ್ ಕಂಟೆಂಟ್ ಮಾಡರೇಶನ್ ಕೌನ್ಸಿಲ್ ಅನ್ನು ರಚಿಸುವುದಾಗಿ ತಿಳಿಸಿದ್ದರು. ಈ ವೇಳೆ ಟ್ವಿಟ್ಟರ್ ಅನ್ನು ಔಪಚಾರಿಕವಾಗಿ ವಹಿಸಿಕೊಂಡ ನಂತರ Twitter Inc ನ ಉನ್ನತ ಕಾರ್ಯನಿರ್ವಾಹಕರು, ಪರಾಗ್ ಅಗರವಾಲ್, ನೆಡ್ ಸೆಗಲ್ ಮತ್ತು ವಿಜಯ ಗಡ್ಡೆ ಅವರನ್ನು ವಜಾಗೊಳಿಸಿದೆ. ಒಂದಿಬ್ಬರನ್ನು ಅನಿವಾರ್ಯವಾಗಿ, ಎಲಾನ್ ಮಸ್ಕೇ ಹೊರಗಟ್ಟಿರುವುದಾಗಿ ಉದ್ಯಮದ ಮೂಲಗಳು ತಿಳಿಸದೆ.
ಅಮೆರಿಕದ ಸ್ಯಾನ್ಫ್ರಾನ್ಸಿಸ್ಕೋದಲ್ಲಿ ಪ್ರಧಾನ ಕಚೇರಿ ಹೊಂದಿರುವ (San Francisco headquarters) ಟ್ವಿಟರ್ ಸಂಸ್ಥೆಯನ್ನು ಎಲಾನ್ ಮಸ್ಕ್ ತನ್ನ ಸ್ವಾಧೀನಕ್ಕೆ ತೆಗೆದುಕೊಳ್ಳುತ್ತಿದ್ದಂತೆ ಈ ಮೂವರನ್ನೂ ವಜಾಗೊಳಿಸಲಾಗಿದೆ ಎಂದು ಹೇಳಲಾಗಿದೆ. ಆದರೆ ಈ ಮೂವರು ಹಿರಿಯ ಕಾರ್ಯನಿರ್ವಾಹಕರು 100 ಮಿಲಿಯನ್ ಡಾಲರ್ ಗಿಂತಲೂ (ಇಂದಿನ ಡಾಲರ್ ಬೆಲೆಯಲ್ಲಿ 823 ಕೋಟಿ ರೂಪಾಯಿ) ಹೆಚ್ಚು ನಿರ್ಗಮನ ಈಕ್ವಿಟಿ ಪಾವತಿಗಳೊಂದಿಗೆ ಕಂಪನಿಯನ್ನು ತೊರೆಯಲಿದ್ದಾರೆ ಎಂದು ಮೂಲಗಳು ಹೇಳಿವೆ.
ಬ್ಲೂಮ್‌ಬರ್ಗ್ ನ್ಯೂಸ್ ಲೆಕ್ಕಾಚಾರದ ಪ್ರಕಾರ ಟ್ವಿಟರ್ ಸಿಇಒ ಆಗಿದ್ದ ಪರಾಗ್ ಅಗರವಾಲ್ ಸುಮಾರು $ 50 ಮಿಲಿಯನ್ ಅಥವಾ 412 ಕೋಟಿ ರೂಪಾಯಿಗಳನ್ನು ಪಡೆಯಲು ಅರ್ಹರಾಗಿದ್ದಾರೆ. ನೆಡ್ ಸೆಗಲ್ ಮತ್ತು ವಿಜಯ ಗಡ್ಡೆತಲಾ 305 ಕೋಟಿ ಮತ್ತು 140 ಕೋಟಿ ಪಡೆಯಬಹುದು ಎಂದು ವರದಿ ಮಾಡಿದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
