ಐಸಿಸಿ ಟಿ20 ವಿಶ್ವಕಪ್ಗಾಗಿ ಆಸ್ಟ್ರೇಲಿಯಾದಲ್ಲಿರುವ ಭಾರತ ತಂಡದ ಆಟಗಾರರಿಗೆ ತೊಂದರೆಗಳು ಒಂದರಮೇಲೊಂದರಂತೆ ಹುಡಿಕಿಕೊಂಡು ಬರುತ್ತಿದೆ. ಮೊದಲಿಗೆ ಇವರಿಗೆ ಬೇಕಾದ ಆಹಾರದ ಸರಿಯಾದ ವ್ಯವಸ್ಥೆವಿರಲಿಲ್ಲ. ಮತ್ತೊಂದೆಡೆ ಸ್ಟೇಡಿಯಂನಿಂದ ತಂಗಿರುವ ಹೋಟೆಲ್ಗೆ ಸಾಕಷ್ಟು ದೂರ ಪ್ರಯಾಣಿಸ ಬೇಕಿತ್ತು. ಇವೆಲ್ಲದರ ನಡುವೆ ಟೀಮ್ ಇಂಡಿಯಾ ಡಾ ಸ್ಟಾರ್ ಆಟಗಾರರಾಗಿರುವ ವಿರಾಟ್ ಕೊಹ್ಲಿ ಕೋಪಗೊಳ್ಳುವ ಒಂದು ಘಟನೆ ನಡೆದಿದೆ.
ಪ್ರತಿಯೊಬ್ಬ ಆಟಗಾರನಿಗೂ ಸಹ ವೈಯಕ್ತಿಕ ಜೀವನ ವಿರುತ್ತದೆ. ಆದರೆ ಆಸ್ಟ್ರೇಲಿಯಾದಲ್ಲಿ ನೆಲೆಸಿರುವ ಭಾರತ ತಂಡದ ಆಟಗಾರ ವಿರಾಟ್ ಕೊಹ್ಲಿ ಅವರ ವೈಯಕ್ತಿಕ ಜೀವನಕ್ಕೆ ನೋವುಂಟಾಗುವ ಸನ್ನಿವೇಶ ನಡೆದಿದೆ. ಭಾನುವಾರ ಪರ್ತ್ ಕ್ರೀಡಾಂಗಣದಲ್ಲಿ ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವೆ ಪಂದ್ಯ ಆಯೋಜಿಸಲಾಗಿತ್ತು. ಹೀಗಾಗಿ ಭಾರತದ ಆಟಗಾರರು ಪರ್ತ್ನಲ್ಲಿ ನೆಲೆಸಿದ್ದ ಹೋಟೆಲ್ನಿಂದ ಸ್ಟೇಡಿಯಂಗೆ ತೆರಳಿದ್ದರು. ಈ ಸಂದರ್ಭ ವ್ಯಕ್ತಿಯೊಬ್ಬರು ಹೊಟೇಲ್ನಲ್ಲಿ ಕೊಹ್ಲಿ ನೆಲೆಸಿರುವ ಕೊಠಡಿಯೊಳಗೆ ಪ್ರವೇಶಿಸಿ ವಿಡಿಯೋ ಮಾಡಿ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದಾರೆ. ಈ ವಿಷಯ ತಿಳಿಯುತ್ತಿದ್ದಂತೆ ವಿರಾಟ್ ಕೋಪದಿಂದ ಇನ್ಸ್ಟಾಗ್ರಾಮ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ.
View this post on Instagram
”ಅಭಿಮಾನಿಗಳಿಗೆ ತನ್ನ ಮೆಚ್ಚಿನ ಕ್ರಿಕೆಟಿಗನನ್ನು ನೋಡಬೇಕು, ಬೇಟಿಯಾಗಬೇಕು ಎಂಬ ಆಸೆ ಇರುತ್ತದೆ ನಿಜ. ಆ ಭಾವನೆ ನನಗೆ ಅರ್ಥವಾಗುತ್ತದೆ. ಅದನ್ನು ನಾನು ಗೌರವಿಸುತ್ತೇನೆ ಕೂಡ. ಆದರೆ, ಈ ವಿಡಿಯೋ ಮಾತ್ರ ನನ್ನ ಖಾಸಗಿ ವಿಚಾರಕ್ಕೆ ದಕ್ಕೆ ಬಂದಂತಿದೆ. ನನ್ನ ವೈಯಕ್ತಿಕ ಹೋಟೆಲ್ ರೂಮ್ನಲ್ಲೇ ನನಗೆ ಪ್ರೈವಸಿ ಇಲ್ಲ ಎಂದಾದರೆ ನನಗೆ ಪರ್ಸನಲ್ ಸ್ಪೇಸ್ ಎಂಬುದು ಎಲ್ಲಿ ಸಿಗುತ್ತದೆ. ಈ ವಿಚಾರದಿಂದ ನಾನು ಸಂತಸವಾಗಿಲ್ಲ. ದಯವಿಟ್ಟು ಜನರ ಖಾಸಗಿ ವಿಚಾರಕ್ಕೆ ಗೌರವ ನೀಡಿ. ಅವರನ್ನು ಮನೋರಂಜನೆ ನೀಡುವ ರೀತಿ ಕಾಣಬೇಡಿ,” ಎಂದು ಬರೆದುಕೊಂಡಿದ್ದಾರೆ.
ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಅಭಿಮಾನಿಗಳಿಂದ ಹಿಡಿದು ಹಲವಾರು ಸೆಲೆಬ್ರಿಟಿಗಳಿಂದ ಸಹ ವ್ಯಾಪಕ ಟೀಕೆಗಳು ಬರುತ್ತಿದೆ. ಕೊಹ್ಲಿ ಪತ್ನಿ, ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಕೂಡ ಪ್ರತಿಕ್ರಿಯೆ ನೀಡಿದ್ದು ಬೇಸರ ಹೊರಹಾಕಿದ್ದಾರೆ. ಇಷ್ಟೇಅಲ್ಲದೆ ಆಸ್ಟ್ರೇಲಿಯಾ ಬ್ಯಾಟರ್ ಡೇವಿಡ್ ವಾರ್ನರ್, ಬಾಲಿವುಡ್ ನಟ ವರುಣ್ ಧವನ್, ನಟಿ ಪರಿಣಿತಿ ಚೋಪ್ರ ಈರೀತಿ ನಡೆಯ ಬಾರದಿತ್ತು ಎಂದು ಹೇಳಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
