ಬಾಕ್ಸ್ ಆಫೀಸ್ ಸುಲ್ತಾನ್, ಡಿಬಾಸ್ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಬಹಳ ಕಷ್ಟಗಳನ್ನು ಅನುಭವಿಸಿ ಇಂದು ದೊಡ್ಡ ಮಟ್ಟಕ್ಕೆ ಬೆಳೆದು ನಿಂತಿದ್ದಾರೆ. ಸಿನಿಮಾ ರಂಗದಲ್ಲಿ ಒಂದು ಮಾತಿಗೆ, ಅದೇನೆಂದರೆ ಚಿತ್ರರಂಗದ ಹಿನ್ನೆಲೆ ಇರುವವರು ಸಿನಿಮಾರಂಗದಲ್ಲಿ ಗೆಲ್ಲುವುದು ಸುಲಭವೆಂದು. ಆದರೆ ಈ ಮಾತನ್ನು ದರ್ಶನ್ ಒಪ್ಪುವುದಿಲ್ಲ. ಇದಕ್ಕೆ ಅವರು ಯಶ್ ಅವರ ಉದಾಹರಣೆ ನೀಡುತ್ತಾ ಸ್ಪಷ್ಟಪಡಿಸಿದ್ದಾರೆ.
ದರ್ಶನ್ ಖ್ಯಾತ ಹಿರಿಯ ನಟ ತೂಗುದೀಪ್ ಶ್ರೀನಿವಾಸ್ ಅವರ ಮಗ. ಸ್ಟಾರ್ ಮಗನಾಗಿದ್ದರು ದರ್ಶನ್ ನಡೆದು ಬಂದ ಹಾದಿ ಬಹಳ ಕಠಿಣವಾದದ್ದು. ಮೊದಲಿನಿಂದಲೂ ಹಲವಾರು ಕಷ್ಟಗಳು, ಅವಮಾನಗಳು ಪ್ರತಿಯೊಂದನ್ನು ಸಹಿಸಿಕೊಂಡು ಇಂದು ಇಷ್ಟು ದೊಡ್ಡ ಮಟ್ಟಕ್ಕೆ ಬೆಳೆದು ನಿಂತಿದ್ದಾರೆ.
ದರ್ಶನ್ ಅಭಿನಯದ ಮೊದಲ ಚಿತ್ರ ಮೆಜೆಸ್ಟಿಕ್. ಈ ಸಿನಿಮಾ ಕೊಟ್ಟ ಸಕ್ಸಸ್ ನಂತರ ಡಿಬಾಸ್ ಹವಾ ಎಲ್ಲಿಯೂ ಸಹ ನಿಲ್ಲಲಿಲ್ಲ. ಇಂದು ದರ್ಶನ್ ಬಾಕ್ಸ್ ಆಫೀಸ್ ಸುಲ್ತಾನನಾಗಿ ಮೆರೆಯುತ್ತಿದ್ದಾರೆ. ಹೀಗಾಗಿ ಇತ್ತೀಚಿಗೆ ಅವರು ಕ್ರಾಂತಿ ಸಿನಿಮಾದ ಕುರಿತು ಸಂದರ್ಶನ ನೀಡುತ್ತಿದ್ದರು. ಈ ವೇಳೆ ಸಂದರ್ಶನಗಾರರು ತೂಗುದೀಪ್ ಲೆಗಸಿಯನ್ನು ಮುಂದುವರಿಸಿಕೊಂಡು ಬರುತ್ತಿದ್ದಿರಾ ಎಂದು ಪ್ರಶ್ನಿಸಿದರು. ಇದಕ್ಕೆ ಡಿಬಾಸ್ ಆದರೆ ಆ ಲೆಗಸಿಯೇ ನನಗೆ ಕಷ್ಟ ಆಯಿತು ಎಂದು ಉತ್ತರಿಸಿದರು.
ಕಳೆದ 20 ವರ್ಷಗಳಿಂದ ನಿರಂತರವಾಗಿ ಹಿಟ್ ಸಿನಿಮಾಗಳನ್ನು ನೀಡುತ್ತಾ ಚಿತ್ರರಂಗದಲ್ಲಿ ಸ್ಟಾರ್ ನಟನಾಗಿ ಮೆರೆಯುತ್ತಿದ್ದೀರಾ. ತೂಗುದೀಪ ಲೆಗಸಿಯನ್ನು ಮುಂದುವರೆಸುತ್ತಿದ್ದೀರಾ ಎನ್ನುವ ಪ್ರಶ್ನೆಗೆ ದರ್ಶನ್ “ಅದೇ ನಮಗೆ ಪ್ರಾಬ್ಲಂ. ಕಲಾವಿದರ ಮಕ್ಕಳಿಗೆ ಇದು ದೊಡ್ಡ ಪ್ರಾಬ್ಲಂ. ಯಾಕಂದರೆ ಹೋಲಿಕೆ ಶುರುವಾಗುತ್ತದೆ. ನಾನು ನಟಿಸುತ್ತಿದ್ದರೆ ಜನ ನನ್ನನ್ನು ನೋಡುವುದಿಲ್ಲ. ಇವರ ತಂದೆ ಅಷ್ಟು ಚೆನ್ನಾಗಿ ನಟಿಸುತ್ತಿದ್ದರು. ಇವನು ಯಾಕೆ ಹಿಂಗೆ ಎಂದು ಹೋಲಿಕೆ ಮಾಡಿ ನೋಡುತ್ತಾರೆ. ಅದನ್ನು ಮೀರಿ ಮುಂದೆ ಬರುವುದು ಬಹಳ ಕಷ್ಟ” ಎಂದಿದ್ದಾರೆ.
“ಲೆಗಸಿ ಇದ್ದರೆ ರೆಡ್ ಕಾರ್ಪೆಟ್, ಬಹಳ ಸುಲಭ ಅಂತ ಎಲ್ಲಾ ಅಂದುಕೊಳ್ಳುತ್ತಾರೆ. ಖಂಡಿತ ಇಲ್ಲ. ಉದಾಹರಣೆ ಯಶ್ ಅವರನ್ನು ತೆಗೆದುಕೊಂಡರೆ ಅವರ ತಂದೆಯವರು ಯಾರು ಇಂಡಸ್ಟ್ರಿಗೆ ಸಂಬಂಧಿಸಿದವರು ಅಲ್ಲ. ಅವರು ಏನು ಮಾಡಿದರೂ ನಡೆಯುತ್ತದೆ. ಯಾಕಂದರೆ ಇವರಿಗೆ ಇಂಡಸ್ಟ್ರಿ ಗೊತ್ತಿಲ್ಲ. ಏನೋ ಮಾಡುತ್ತಿದ್ದಾನೆ ಎಂದು ನೋಡುತ್ತಾರೆ. ಆದರೆ ಒಬ್ಬ ಹೀರೊ ಮಗನೋ, ಇಂಡಸ್ಟ್ರಿಯಲ್ಲಿ ಇರುವವರ ಮಕ್ಕಳೋ ಬಂದರೆ ಬಹಳ ಡೇಂಜರ್. ಇದೆಲ್ಲ ನನ್ನ ಸೆಲೆಬ್ರೆಟಿಗಳ ಭಿಕ್ಷೆ” ಎಂದು ಡಿಬಾಸ್ ಹೇಳಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
