ಇಡೀ ವಿಶ್ವವೇ ಕಾತರದಿಂದ ಎದುರು ನೋಡುತ್ತಿರುವ ‘ಅವತಾರ್-2’ ಚಿತ್ರ ಮುಂದಿನ ತಿಂಗಳು 16ನೇ ತಾರೀಕಿನಂದು ತೆರೆಗೆ ಬರುತ್ತಿದೆ. ಬಹುನಿರೀಕ್ಷಿತ ಈ ಸಿನಿಮಾ ಹಲವು ಭಾಷೆಗಳಲ್ಲಿ ಬಿಡುಗಡೆ ಆಗುತ್ತಿದೆ. ಸದ್ಯ ಭಾರತದ ಪ್ರಮುಖ ನಗರಗಳಲ್ಲಿ ‘ಅವತಾರ್ 2′ ಚಿತ್ರದ ಅಡ್ವಾನ್ಸ್ ಟಿಕೆಟ್ ಬುಕಿಂಗ್ ಓಪನ್ ಆಗಿದ್ದು ಭರ್ಜರಿ ರೆಸ್ಪಾನ್ಸ್ ಪಡೆದುಕೊಂಡಿದೆ. ಅಚ್ಚರಿ ಏನೆಂದರೆ ಟಿಕೆಟ್ ಬೆಲೆ ದುಬಾರಿಯಾಗಿದ್ದರೂ ಬುಕಿಂಗ್ ಓಪನ್ ಮಾಡಿದ ಕೆಲವೇ ಹೊತ್ತಿನಲ್ಲಿ ಸೋಲ್ಡ್ ಔಟ್ ಆಗುತ್ತಿದೆ.
ಬೆಂಗಳೂರು, ಚೆನ್ನೈ, ದೆಹಲಿ, ಇಂದೋರ್, ಮುಂಬೈ, ಕೋಲ್ಕತ್ತಾ ಹಾಗೂ ಮುಂತಾದ ನಗರಗಳ ಮಲ್ಟಿಪ್ಲಕ್ಸ್ ಗಳಲ್ಲಿ ಅವತಾರ್ 2 ಚಿತ್ರದ ಅಡ್ವಾನ್ಸ್ ಬುಕಿಂಗ್ ಆರಂಭಗೊಂಡಿದ್ದು ಈಗಾಗಲೇ ಹಲವೆಡೆ ಡಿಸೆಂಬರ್ 16ರ ಮತ್ತು ಸದರಿ ವಾರಾಂತ್ಯದ ಟಿಕೆಟ್‌ಗಳು ಸೋಲ್ಡ್ ಔಟ್ ಆಗಿವೆ.
The Bookings of #AvatarTheWayOfWater in Hyderabad India on 16,17,18,19 of December 😱😱😱😱#Avatar2 #Avatar @JimCameron @officialavatar pic.twitter.com/DwyCCguS1d
— K e e r t h i a n ♡ (@tweetforkeerthy) November 22, 2022
ಇನ್ನು ಬೆಂಗಳೂರಿನಲ್ಲಿ ಕೂಡ ‘ಅವತಾರ್ 2′ ಚಿತ್ರದ ಅಡ್ವಾನ್ಸ್ ಬುಕಿಂಗ್ ಗೆ ಭರ್ಜರಿ ರೆಸ್ಪಾನ್ಸ್ ವ್ಯಕ್ತವಾಗಿದೆ. ಸದ್ಯ ಆರಂಭಗೊಂಡಿರುವ ಬೆಂಗಳೂರಿನ ಮಲ್ಟಿಪ್ಲೆಕ್ಸ್ ಗಳ ಟಿಕೆಟ್ ದರವನ್ನ ರೂ.1450, ರೂ.1550 ರೀತಿ ಫಿಕ್ಸ್ ಮಾಡಲಾಗಿದ್ದು, ಎಲ್ಲಾ ಕಡೆ ಟಿಕೆಟ್ ಸೋಲ್ಡ್ ಔಟ್ ಆಗಿದ್ದಾರೆ. ಇಷ್ಟೊಂದು ಬೆಲೆ ನಿಗದಿ ಮಾಡಿದ್ದರೂ ಬೆಂಗಳೂರಿಗರು ಮುಗಿಬಿದ್ದು ಟಿಕೆಟ್ ಕೊಂಡುಕೊಳ್ಳುತ್ತಿಯುವುದು ಸಹಜವಾಗಿ ಅಚ್ಚರಿಗೆ ಕಾರಣವಾಗಿದೆ.
ಹದಿನಾಲ್ಕು ವರ್ಷಗಳ ಹಿಂದೆ ಅಂದರೆ 2009ರಲ್ಲಿ ಬಿಡುಗಡೆಯಾಗಿದ್ದ ‘ಅವತಾರ್’ ಸಿನಿಮಾ ವಿಶ್ವದಾದ್ಯಂತ ಸಿಕ್ಕಾಪಟ್ಟೆಯಶಸ್ಸು ಗಳಿಸಿತ್ತು. ಇದೀಗ ಆ ಚಿತ್ರದ ಮುಂದುವರೆದ ಭಾಗವಾಗಿ ‘ಅವತಾರ್ 2’ ಚಿತ್ರದ ತೆರೆಗೆ ಬರುತ್ತಿದ್ದು
ಸಿನಿಮಾ ಮೇಲೆ ಚಿತ್ರ ರಸಿಕರ ನಿರೀಕ್ಷೆ ಶಿಖರದಷ್ಟಿದೆ. ಹಾಗಾಗಿಯೇ ರಿಲೀಸ್‌ ಗೆ ಒಂದು ತಿಂಗಳ ಮುಂಚೆಯೇ ಟಿಕೆಟ್ ಬುಕ್ ಮಾಡ್ತಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
