ಇನ್ನು ಮುಂದೆ ನೀವು ಆಧಾರ್ ಸಂಖ್ಯೆ ಬಳಸಿಕೊಂಡು ಹಣದ ವರ್ಗಾವಣೆ ಮಾಡಬಹುದು! ಹೇಗೆ ಅಂತೀರಾ? ಇಲ್ಲಿದೆ ಸಂಪೂರ್ಣ ಮಾಹಿತಿ

ಇತ್ತೀಚಿನ ದಿನಗಳಲ್ಲಿ ಜನರು ಹೆಚ್ಚಾಗಿ ಆನ್ಲೈನ್ ಪೇಮೆಂಟ್ ಮಾಡುತ್ತಾರೆ. ಮಾರುಕಟ್ಟೆಯಲ್ಲಿ ಹಲವಾರು ಆನ್ಲೈನ್ ಪೇಮೆಂಟ್ ಆಪ್ ಗಳಿವೆ. ಈ ಆಪ್ ಮೂಲಕ ನಾವು QR ಕೋಡ್ ಸ್ಕ್ಯಾನ್ ಮಾಡಿ ಅಥವಾ ಮೊಬೈಲ್ ನಂಬರ್ ಹಾಕಿ ಹಣ ಕಳುಹಿಸಬಹುದು. ಆದರೆ ಇದೀಗ ಆಧಾರ್ ನಂಬರ್ ಹಾಕಿ ಹಣಕಳುಹಿಸಬಹುದು ಎಂದರೆ ನೀವು ನಂಬುತ್ತೀರಾ? ಆಶ್ಚರ್ಯವಾಗಬಹುದು ಆದರೆ ಇದು ಸತ್ಯ.

ರಾಷ್ಟ್ರೀಯ ಪಾವತಿ ನಿಗಮ (NPCI) , ಗ್ರಾಹಕರಿಗೆ ಮತ್ತಷ್ಟು ಅನುಕೂಲ ಕಲ್ಪಿಸಲು ಆಧಾರ್ ಎನೇಬಲ್ಡ್ ಪೇಮೆಂಟ್ ಸಿಸ್ಟಂಸ್ (Aadhaar Enabled Payment Systems) ಅಥವಾ ಎಇಪಿಎಸ್ (AePS) ವ್ಯವಸ್ಥೆಯನ್ನು ಅನುಷ್ಠಾನಗೊಳಿಸಿದೆ. ಈ ಮೂಲಕ ಕೇವಲ ಆಧಾರ್ ಸಂಖ್ಯೆ ಹಾಕುವ ಮೂಲಕ ನೀವು ಹಣವನ್ನು ಕಳುಹಿಸಬಹುದು.

ಈ ವ್ಯವಸ್ಥೆ ಉಪಯೋಗಿಸಲು ಅನುಸರಿಸಬೇಕಾದ ಕ್ರಮ!
ಮೊದಲು ನಿಮ್ಮ ಬ್ಯಾಂಕ್ ಖಾತೆಗೆ ಆಧಾರ್ ಸಂಖ್ಯೆಯನ್ನು ಲಿಂಕ್ ಮಾಡಬೇಕು. ಆಧಾರ್ ಹೊಂದಿರುವವರು ಬ್ಯಾಂಕ್​ಗೆ ತೆರಳಿ ಸಂಖ್ಯೆಯನ್ನು ಜೋಡಣೆ ಮಾಡುವುದರ ಜತೆಗೆ ಆಧಾರ್ ಎನೇಬಲ್ಡ್ ಬ್ಯಾಂಕ್ ಅಕೌಂಟ್ ಸ್ಥಾಪಿಸಿದರೆ ಬಳಿಕ ಎಇಪಿಎಸ್ ಸೇವೆ ಪಡೆಯಬಹುದು.

ಹಣ ಕಳುಹಿಸಲು ಅನುಸರಿಸಬೇಕಾದ ಕ್ರಮ!
1. ನಿಮ್ಮ ಪ್ರದೇಶದಲ್ಲಿರುವ ಸಂಬಂಧಪಟ್ಟ ಬ್ಯಾಂಕಿಂಗ್ ಕರೆಸ್ಪಾಂಡೆಂಟ್ ಅನ್ನು ಭೇಟಿ ಮಾಡಿ.
2. ನಿಮ್ಮ ಆಧಾರ್ ಸಂಖ್ಯೆಯನ್ನು ಒಪಿಎಸ್ ಮಷಿನ್​ನಲ್ಲಿ ಭರ್ತಿ ಮಾಡಿ.
3. ನಿಮಗೆ ಅಗತ್ಯವಿರುವ ಸೇವೆಗಳನ್ನು ಆಯ್ಕೆ ಮಾಡಿಕೊಳ್ಳಿ (ವಿತ್​ಡ್ರಾ, ಡಿಪಾಸಿಟ್, ಬ್ಯಾಲೆನ್ಸ್ ಎನ್​ಕ್ವಯರಿ ಇತ್ಯಾದಿ).
4. ನಿಮ್ಮ ಬ್ಯಾಂಕ್​​ನ ಹೆಸರು ಹಾಗೂ ನೀವು ವಿತ್​ಡ್ರಾ ಮಾಡಬೇಕಿರುವ ಮೊತ್ತವನ್ನು ಭರ್ತಿ ಮಾಡಿ.
5. ಬಯೋಮೆಟ್ರಿಕ್ ಟ್ರಾನ್ಸಾಕ್ಷನ್​ ಅನ್ನು ದೃಢೀಕರಿಸಿ ಹಣ ವಿತ್​ಡ್ರಾ ಮಾಡಿ.

ಬೇಕಾಗುವ ದಾಖಲೆಗಳು!
1. ಆಧಾರ್ ಸಂಖ್ಯೆ
2. ಬ್ಯಾಂಕ್ ಹೆಸರು
3. ಎನ್​​ರೋಲ್​ಮೆಂಟ್ ವೇಳೆ ನೀಡಿದ ಬಯೋಮೆಟ್ರಿಕ್
4. ಟ್ರಾನ್ಸಾಕ್ಷನ್ ಟೈಪ್

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ