ಪ್ರಪಂಚದಲ್ಲಿ ಚಿತ್ರವಿಚಿತ್ರವಾದ ಘಟನೆಗಳು ನಡೆಯುತ್ತಲಿರುತ್ತವೆ. ಇದೀಗ ಯಾರು ಕೂಡ ಕನಸಲ್ಲೂ ಊಹಿಸಲಾಗದ ಒಂದು ಘಟನೆ ಕೇರಳದಲ್ಲಿ ನಡೆದಿದೆ. ಅದೇನೆಂದರೆ ಮಗುವಿಗೆ ಜನ್ಮ ನೀಡಲು ಸಿದ್ದನಾದ ಪುರಷ. ಈ ವಿಷಯ ಕೇಳಿದರೆ ನೀವು ಕೂಡ ಒಂದು ಕ್ಷಣ ಶಾಕ್ ಆಗುತ್ತೀರಾ? ಆದರೆ ಇದು ಸತ್ಯ.
ಕೋಝಿಕ್ಕೋಡ್‌ನ ಉಮ್ಮಲತ್ತೂರ್‌ನ ಟ್ರಾನ್ಸ್‌ ಜೆಂಡರ್ ದಂಪತಿ ಜಿಯಾ ಮತ್ತು ಸಹದ್ ತಮ್ಮ ಮೊದಲ ಮಗುವನ್ನು ಎದುರು ನೋಡುತ್ತಿದ್ದಾರೆ. ಹೆಣ್ಣಾಗಿ ಹುಟ್ಟಿ ಗಂಡಾಗಿ ಬದಲಾದ ಸಹದ್ ಮತ್ತು ಗಂಡಾಗಿ ಹುಟ್ಟಿ ಹೆಣ್ಣಾಗಿ ಬದಲಾದ ಜಿಯಾ ತಮ್ಮ ಖುಷಿಯ ಕ್ಷಣವನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈ ಮೂಲಕ ಸಹದ್ ಭಾರತದ ಮೊದಲ ಟ್ರಾನ್ಸ್‌ಮ್ಯಾನ್‌ ತಂದೆಯಾಗುತ್ತಿದ್ದಾರೆ.
ಈ ದಂಪತಿ ಮೊದಲು ಮಗುವನ್ನು ದತ್ತು ಪಡೆಯಲು ತೀರ್ಮಾನಿಸಿದರು. ಆದರೆ ದಂಪತಿ ಟ್ರಾನ್ಸ್‌ಜೆಂಡರ್‌ ಆದ ಕಾರಣ ಕಾನೂನು ಪ್ರಕ್ರಿಯೆ ಅಷ್ಟೊಂದು ಸುಲಬಹವಾಗಿರಲಿಲ್ಲ. ಆದರೆ ಸಹದ್ ಗೆ ತಾನು ಮಗುವಿಗೆ ಜನ್ಮ ಕೊಡಬೇಕು ಎಂಬ ಆಸೆಯಾಗಿತ್ತು. ಮೊದಲು ಇದರ ಕುರಿತು ಇವರಿಗೆ ಆತಂಕವಿತ್ತು. ಏಕೆಂದರೆ ಇದರ ಕುರಿತು ಸಮಾಜ ಯಾವ ರೀತಿ ಅರ್ಥಮಾಡಿಕೊಳ್ಳುತ್ತದೆ ಎಂದು. ಆದರೆ ಜಿಯಾಳ ಪ್ರೀತಿ ಮತ್ತು ತಾಯಿಯಾಗಬೇಕೆಂಬ ಬಯಕೆ ನನಗೆ ಧೈರ್ಯ ತುಂಬಿತು ಎಂದು ಹೇಳಿದರು.
ಗಟ್ಟಿ ಮನಸು ಮಾಡಿ ಕೋಝಿಕ್ಕೋಡ್ ಮೆಡಿಕಲ್ ಕಾಲೇಜಿನ ವೈದ್ಯರ ಮಾರ್ಗದರ್ಶನದಲ್ಲಿ ತಜ್ಞ ಪರೀಕ್ಷೆಗಳನ್ನು ನಡೆಸಿ ಯಾವುದೇ ಅರೋಗ್ಯ ಸಮಸ್ಯೆ ಇಲ್ಲ ಎಂದು ಖಚಿತಪಡಿಸಿಕೊಂಡ ನಂತರ ಚಿಕಿತ್ಸೆ ಕೊಡಿಸಲಾಗಿತ್ತು. ಸಹದ್ ಹೆಣ್ಣಿನಿಂದ ಗಂಡಾಗಿ ಪರಿವರ್ತನೆಗೊಂಡರು. ಆದರೆ ಗರ್ಭಾಶಯ ಮತ್ತು ಇತರ ಅಂಗಗಳನ್ನು ಬದಲಾಯಿಸಿರಲಿಲ್ಲ.
ಇದೀಗ ಎಲ್ಲ ಪ್ರಕ್ರಿಯೆಗಳು ನಡೆದ ಬಳಿಕ ಈ ಜೋಡಿ ಇದೀಗ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಇದರ ಮೂಲಕ ಭಾರತದಲ್ಲಿ ಮಗುವಿಗೆ ಜನ್ಮ ನೀಡಿದ ಮೊದಲ ಮೂರನೇ ಲಿಂಗದ ದಂಪತಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಲಿದ್ದಾರೆ. ಇದೀಗ ಸಹದ್ 8 ತಿಂಗಳ ತುಂಬು ಗರ್ಭಿಣಿಯಾಗಿದ್ದು, ಇವರಿಗೆ ಮಾರ್ಚ್ 4 ರಂದು ವೈದ್ಯರು ದಿನಾಂಕವನ್ನು ನಿಗದಿಪಡಿಸಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
