ವಿಮಾನದಲ್ಲಿ ಕಿಟಕಿ ಸೀಟ್ ಬೇಕು ಎಂದು ಹೆಚ್ಚು ಹಣ ಪಾವತಿಸಿದ ಪ್ರಯಾಣಿಕ! ಆದರೆ ಆಗಿದ್ದು ಮಾತ್ರ ಬೇರೆ

ನಾವು ಬಸ್ಸಿನಲ್ಲಿ ಅಥವಾ ರೈಲಿನಲ್ಲಿ ಪ್ರಯಾಣ ಬೆಳೆಸುವಾಗ ಹೆಚ್ಚಾಗಿ ಕಿಟಕಿ ಸೀಟ್ ಬೇಕು ಎಂದು ಇಷ್ಟ ಪಡುತ್ತೇವೆ. ಏಕೆಂದರೆ ಹೊರಗಿನ ಸುಂದರ ಪ್ರಪಂಚವನ್ನು ನೋಡಬಹುದು ಎಂದು. ಇನ್ನು ವಿಮಾನದ ವಿಷಯಕ್ಕೆ ಬಂದರೆ ಕಿಟಕಿ ಸೀಟ್ ಸಿಕ್ಕರೆ ಸಾಕು ಅದರ ಖುಷಿನೇ ಬೇರೆ. ಆದರೆ ಇಲ್ಲೊಬ್ಬ ವ್ಯಕ್ತಿ ಕಿಟಕಿ ಸೀಟ್ ಬೇಕು ಎಂದು ಅಧಿಕ ಹಣ ಪಾವತಿಸಿ ಬಳಿಕ ನಿರಾಸೆ ಅನುಭವಿಸಿದ್ದಾರೆ.

ಈ ವ್ಯಕ್ತಿಯ ಹೆಸರು ಅನಿರುದ್ಧ ಮಿತ್ತಲ್​. ಬ್ರಿಟಿಷ್ ಏರ್​ವೇಸ್​ ಮೂಲಕ ಲಂಡನ್​ನ ಹೀಥ್ರೂ ವಿಮಾನ ನಿಲ್ದಾಣದಲ್ಲಿ ಇಳಿಯುವಾಗ ಸುಂದರವಾದ ಭೂದೃಶ್ಯವನ್ನು ನೋಡಬೇಕು ಎಂಬ ಆಸೆಯಿಂದ ಕಿಟಕಿ ಸೀಟ್ ಬೇಕೆಂದು ಹೆಚ್ಚುವರಿ ಹಣ ಪಾವತಿಸಿದ್ದರು. ಆದರೆ ವಿಮಾನವೇರಿ ಕುಳಿತಾಗ ಇವರಿಗೆ ಅಚ್ಚರಿ ಕಾದಿತ್ತು. ಏಕೆಂದರೆ ಇವರ ಸೀಟ್ ಪಕ್ಕ ಕಿಟಕಿಯೇ ಇರಲಿಲ್ಲ! ಇದೀಗ ಇವರು ಇದರ ಫೋಟೋವನ್ನು ಟ್ವಿಟ್ಟರ್ ನಲ್ಲಿ ಶೇರ್ ಮಾಡಿದ್ದು, ಬಹಳಷ್ಟು ಫೇಮಸ್ ಆಗುತ್ತಿದೆ.

ಈ ಟ್ವೀಟ್ ವೈರಲ್ ಆಗುತ್ತಿದ್ದಂತೆ ಹಲವಾರು ಕಮೆಂಟ್ ಕೂಡ ಮಾಡುತ್ತಿದ್ದಾರೆ. ಇನ್ನು ಕೆಲವರು ತಮಗೆ ಇದೆ ತರ ಆದ ಅನುಭವವನ್ನು ಸಹ ಹಂಚಿಕೊಳ್ಳುತ್ತಿದ್ದಾರೆ. ಇದೀಗ ಈ ಟ್ವೀಟ್ ಎಲ್ಲ ಕಡೆ ಸಕತ್ ವೈರಲ್ ಆಗುತ್ತಿದ್ದು 4.6 ಲಕ್ಷ ವೀಕ್ಷಿಸಿದ್ದು, 6,000ಕ್ಕೂ ಹೆಚ್ಚು ಜನ ಇಷ್ಟಪಟ್ಟಿದ್ದಾರೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ