ಬಿಗ್ ಬಿ ಅಮಿತಾಬ್ ಬಚ್ಚನ್ ಅವರ ಹಲವು ಚಿತ್ರಗಳು ಎವರ್ ಗ್ರೀನ್ ಎನಿಸಿಕೊಂಡಿವೆ. ಬಿಗ್ ಬಿ ಅಭಿನಯದ ಅದ್ಭುತ ಚಿತ್ರಗಳಲ್ಲೊಂದಾದ ‘ದೋ ಔರ್ ದೋ ಪಾಂಚ್’ ಬಿಡುಗಡೆಯಾಗಿ 43 ವರ್ಷಗಳಾಗಿವೆ. ಈ ಸಂದರ್ಭದಲ್ಲಿ ಆ ಸಿನಿಮಾವನ್ನು ಸ್ಮರಿಸಿದ ಅಮಿತಾಬ್ ಬಚ್ಚನ್ ಸಾಮಾಜಿಕ ಜಾಲತಾಣದಲ್ಲಿ ನೆನಪಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಈ ಸಂದರ್ಭದಲ್ಲಿ ಇನ್ಸ್ಟಾದಲ್ಲಿ ಒಂದು ಕುತೂಹಲಕಾರಿ ಘಟನೆಯನ್ನು ಹೇಳುತ್ತಾ ಪೋಸ್ಟ್ ಮಾಡಿದ್ದಾರೆ.
ಈ ಸಿನಿಮಾದ ಸಮಯದಲ್ಲಿ ಅವರು ಬೆಲ್ ಬಾಟಮ್ ಪ್ಯಾಂಟ್ ಧರಿಸುತ್ತಿದ್ದರು. ಆ ಕಾಲಕ್ಕೆ ಅದು ಫ್ಯಾಶನ್ ಆಗಿದ್ದು, ಬಹುತೇಕ ಎಲ್ಲ ಸಿನಿಮಾಗಳಲ್ಲೂ ಇದೆ ರೀತಿಯ ಪ್ಯಾಂಟ್ ಗಳು ಇರುತ್ತಿದ್ದವು. ಈ ಸಿನಿಮಾ ಕಾಲದಲ್ಲಿ ಅಮಿತಾಬ್ ಅವರ ಪ್ಯಾಂಟ್‌ಗೆ ಇಲಿ ಸಿಕ್ಕಿ ಕೊಂಡಿತ್ತಂತೆ. ಈ ವಿಚಾರವನ್ನು ಸ್ವತಃ ಬಿಗ್ ಬಿ ಅವರೇ ಹೇಳಿಕೊಂಡಿದ್ದಾರೆ. “ದೋ ಔರ್ ದೋ ಪಾಂಚ್ ಚಿತ್ರ ಬಿಡುಗಡೆಯಾಗಿ 43 ವರ್ಷಗಳಾಗಿವೆ. ಈ ಸಿನಿಮಾದ ಶೂಟಿಂಗ್ ತುಂಬಾ ಮಜವಾಗಿತ್ತು.. ಆ ಬೆಲ್ ಬಾಟಮ್ ಪ್ಯಾಂಟ್ ಅನ್ನು ನಾನು ಎಂದಿಗೂ ಮರೆಯುವುದಿಲ್ಲ. ಆ ಸಿನಿಮಾ ರಿಲೀಸ್ ಆದಾಗ ಬೆಲ್ ಬಾಟಮ್ ಪ್ಯಾಂಟ್ ಹಾಕಿಕೊಂಡು ಸಿನಿಮಾ ನೋಡಲು ಹೋಗಿದ್ದೆ. ಆದರೆ..ಸೀಟ್ ಮೇಲೆ ಕುಳಿತಾಗ ನನ್ನ ಪ್ಯಾಂಟ್ ಒಳಕ್ಕೆ ಇಲಿ ಸೇರಿಕೊಂಡಿತ್ತು.” ಎಂದು ಅಮಿತಾಬ್ ಬಚ್ಚನ್ ಬರೆದುಕೊಂಡಿದ್ದಾರೆ. ಅಷ್ಟೇ ಅಲ್ಲ, ಈ ಪೋಸ್ಟ್‌ಗೆ ನಗುತ್ತಿರುವ ಎಮೋಜಿಯನ್ನು ಕೂಡ ಸೇರಿಸಲಾಗಿದೆ.
ಅಂದಹಾಗೆ ‘ದೋ ಔರ್ ದೋ ಪಾಂಚ್’ ಸಿನಿಮಾದ ಬಗ್ಗೆ ಹೇಳುವುದಾದರೆ 1980ರಲ್ಲಿ ತೆರೆಕಂಡ ಈ ಚಿತ್ರದಲ್ಲಿ ಹೇಮಾ ಮಾಲಿನಿ, ಖದೀರ್ ಖಾನ್, ಓಂ ಪ್ರಕಾಶ್, ಶ್ರೀರಾಮ್ ಲಾಗೂ ಮುಂತಾದವರು ನಟಿಸಿದ್ದರು. ಈ ಚಿತ್ರವನ್ನು ರಾಕೇಶ್ ಕುಮಾರ್ ನಿರ್ದೇಶಿಸಿದ್ದಾರೆ ಮತ್ತು ಸ್ಯಾಂಡೋ ಎಂಎಂಎ ಚಿನ್ನಪ್ಪ ತೇವರ್ ನಿರ್ಮಿಸಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
