ಸಾಮಾಜಿಕ ಜಾಲತಾಣದಲ್ಲಿ ಸದಾ ಕಾಲ ಆಕ್ಟಿವ್ ಆಗಿರುವ ಯೌಟ್ಯುಬರ್ ಅರ್ಮಾನ್ ಮಲಿಕ್ ಒಂದಲ್ಲ ಒಂದು ರೀತಿಯಲ್ಲಿ ಜನರಿಗೆ ಶಾಕ್ ನೀಡುತ್ತಲೇ ಇರುತ್ತಾರೆ. ಆದರೆ ಇದೀಗ ಇದು ಸ್ವಲ್ಪ ಹೆಚ್ಚಾಗಿ ತಮ್ಮ ಇಬ್ಬರು ಪತ್ನಿಯರಿಗೆ ಶಾಕ್ ನೀಡಿ ಮನಬಿಟ್ಟು ಹೋಗುವಂತೆ ಮಾಡಿದ್ದಾರೆ.
ಅರ್ಮಾನ್ ಮಲಿಕ್ ಇದೀಗ ಮೂರನೇ ಮದುವೆಯಾಗಿದ್ದಾರೆ. ಇದರ ಕುರಿತು ಒಂದು ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಇದರಲ್ಲಿ ಅರ್ಮಾನ್ ಮಲಿಕ್ ಕತ್ತಿಗೆ ಹಾರ ಹಾಕಿಕೊಂಡು ಮತ್ತೊಂದು ಹುಡುಗಿಯ ಜೊತೆ ಬಂದಿದ್ದಾರೆ. ಅರ್ಮಾನ್ ಮಲ್ಲಿಕ್ ನ ಇಬ್ಬರು ಗರ್ಭಿಣಿ ಪತ್ನಿಯರು ಗಾಭರಿಯಿಂದ ಯಾರಿದು ಎಂದು ಕೇಳಿದಾಗ ನನ್ನ ಮೂರನೇ ಪತ್ನಿ ಎಂದು ಹೇಳಿದ್ದಾರೆ. ಇದರಿಂದ ಕೋಪಗೊಂಡ ಇಬ್ಬರು ಪತ್ನಿಯರು ಅರ್ಮಾನ್ ಮಲ್ಲಿಕ್ ಅವರಿಗೆ ಮನೆಯಿಂದ ಆಚೆ ಹೋಗಲು ಹೇಳಿದ್ದಾರೆ. ನಂತರ ಮೂರನೇ ಪತ್ನಿಗೆ ಬುದ್ದಿವಾದ ಹೇಳಿ ಅವರನ್ನು ಸಹ ಆಚೆಗೆ ನೂಕಲು ಪ್ರಯತ್ನಿಸಿದ್ದಾರೆ. ಆದರೆ ಆಕೆ ಮನೆಯಿಂದ ಆಚೆ ಹೋಗಲು ಒಪ್ಪಲಿಲ್ಲ.
ಆದರೆ ಇದರಿಂದ ಬೇಸರಗೊಂಡ ಕೃತಿಕಾ ಮತ್ತು ಪಾಯಲ್ ನೀನು ಒಳ್ಳೆಯ ಗಂಡ ಆಗಲಿಲ್ಲ ಮತ್ತು ಒಳ್ಳೆಯ ಅಪ್ಪ ಕೂಡ ಆಗಲಿಲ್ಲ ಎಂದು ಹೇಳಿ ಪತ್ರ ಬರೆದು ಮನೆಯಿಂದ ಮಧ್ಯರಾತ್ರಿ ಹೊರನಡೆದಿದ್ದಾರೆ. ಇದಾದ ಬಳಿಕ ಇದು ಯಾವುದು ನಿಜವಲ್ಲ ಬರಿ ಪ್ರಾಂಕ್ ಎಂದು ಹೇಳಿ ತಮ್ಮ ಪತ್ನಿಯನ್ನು ಯಾಮಾರಿಸಿ ತಮ್ಮ ಕಾರಿನಲ್ಲಿ ಅವರನ್ನು ವಾಪಸ್ ಕರೆತಂದರು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
