ನಾಳೆ ಪ್ರೇಮಿಗಳ ದಿನ.. ಪ್ರೇಮಿಗಳು ಈ ಸಂಭ್ರಮದಿಂದ ಆಚರಣೆ ಮಾಡಲು ತಯಾರಿ ನಡೆಸುತ್ತಿದ್ದಾರೆ. ಆದರೆ, ಪ್ರೇಮಿಗಳ ದಿನವನ್ನು ನಿಷೇಧಿಸಬೇಕು ಎಂದು ಕೆಲವರು ಈಗಾಗಲೇ ವಾದಿಸುತ್ತಿದ್ದಾರೆ. ಈ ಮಧ್ಯೆ ಪ್ರೇಮಿಗಳ ದಿನದ ಶುಭಾಶಯ ಪತ್ರಗಳನ್ನು(valentines Day greeting card) ಸುಡುವ ಕಾರ್ಯಕ್ರಮವನ್ನು ಹಮ್ಮಿಕೊಂಡಿರುವುದಾಗಿ ಹಿಂದುತ್ವ ಸಂಘಟನೆಯಾಗಿರುವ ಬಜರಂಗದಳ ಪಕ್ಕದ ತೆಲಂಗಾಣ ರಾಜ್ಯದಲ್ಲಿ ಭಾನುವಾರ ಪ್ರಕಟಿಸಿದೆ.
ಫೆಬ್ರವರಿ 14 ರಂದು ವ್ಯಾಲೆಂಟೈನ್ಸ್ ಡೇ ಚಟುವಟಿಕೆಗಳನ್ನು ಆಯೋಜಿಸದಂತೆ VHP ಯುವ ಘಟಕವು ಜನರಿಗೆ ಎಚ್ಚರಿಕೆ ನೀಡಿದೆ. ತೆಲಂಗಾಣ ರಾಜ್ಯಾದ್ಯಂತ 120 ಸ್ಥಳಗಳಲ್ಲಿ ಈ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ ಎಂದು ತೆಲಂಗಾಣ ಭಜರಂಗದಳದ ಸಂಚಾಲಕ ಶಿವರಾಮುಲು ವಿಡಿಯೋ ಸಂದೇಶದಲ್ಲಿ ತಿಳಿಸಿದ್ದಾರೆ. ಫೆಬ್ರವರಿ 14 ರಂದು ಎಲ್ಲಾ ಮಂಡಲ ಮತ್ತು ಜಿಲ್ಲಾ ಕೇಂದ್ರಗಳಲ್ಲಿ ಪುಲ್ವಾಮಾದಲ್ಲಿ ಹುತಾತ್ಮರಾದ ಯೋಧರ ಸ್ಮರಣಾರ್ಥ ಕಾರ್ಯಕ್ರಮಗಳನ್ನು ಆಯೋಜಿಸಲು ನಿರ್ಧರಿಸಿದ್ದೇವೆ. ಎಂದು ತಿಳಿಸಿದ್ದಾರೆ.
ಕೆಲವು ಜನರು ತಮ್ಮ ವ್ಯವಹಾರಗಳನ್ನು ಉತ್ತೇಜಿಸಲು ವ್ಯಾಲೆಂಟೈನ್ಸ್ ಡೇ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಾರೆ. ಈ ಹಿಂದೆಯೂ ಆ ರೀತಿ ಮಾಡಬೇಡಿ ಎಂದು ಕೇಳಿಕೊಂಡಿದ್ದೆವು ಎಂದು ಬಜರಂಗದಳ ಕಾರ್ಯಕರ್ತರು ತಿಳಿಸಿದ್ದಾರೆ. ಆದರೆ ಯಾರಾದರೂ ಪ್ರೇಮಿಗಳ ದಿನವನ್ನು ಬೇರೆ ರೀತಿಯಲ್ಲಿ ಆಯೋಜಿಸಿದರೆ, ನಾವು ಖಂಡಿತವಾಗಿಯೂ ಅವರನ್ನು ತಡೆಯುತ್ತೇವೆ. ಮತ್ತೊಂದೆಡೆ ಪ್ರೇಮಿಗಳ ದಿನದಂದು ಪಾರ್ಕ್ ಗಳಲ್ಲಿರುವ ಪಬ್ ಗಳಲ್ಲಿ ಯುವಕ-ಯುವತಿಯರು ಕಾಣಿಸಿಕೊಂಡರೆ ಕ್ರಮ ಕೈಗೊಳ್ಳಲಾಗುವುದು ಎಂದು ಭಜರಂಗದಳ ಈಗಾಗಲೇ ಎಚ್ಚರಿಕೆ ನೀಡಿದೆ.
ಪ್ರತಿ ವರ್ಷ ಫೆ.14ರಂದು ಆಚರಿಸುವ ಪ್ರೇಮಿಗಳ ದಿನದ ಬದಲು ಆ ದಿನವನ್ನು ವೀರಯೋಧರ ದಿನವನ್ನಾಗಿ ಆಚರಿಸಬೇಕು ಎಂದು ಬಜರಂಗದಳ ಹೇಳಿದೆ. ಪ್ರೇಮಿಗಳ ದಿನ ನಮ್ಮ ಸಂಸ್ಕೃತಿಯಲ್ಲ, ಆದರೆ ಅದೇ ದಿನಾಂಕದಂದು ಯುವಕ-ಯುವತಿಯರು ಪುಲ್ವಾಮಾ ದಾಳಿಯಲ್ಲಿ (2019) ಮಡಿದ ನಮ್ಮ ವೀರ ಯೋಧರನ್ನು ಸ್ಮರಿಸಬೇಕು ಎಂದು ಬಜರಂಗದಳ ಹೇಳಿದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
