ಮಗುವಾದ ಬಳಿಕ ಮದುವೆಯಾಗುತ್ತಿದ್ದಾರೆ ಕ್ರಿಕೆಟಿಗ ಹಾರ್ಧಿಕ್ ಪಾಂಡ್ಯ!

ಭಾರತ ತಂಡದ ಆಲ್ ರೌಂಡರ್ ಹಾರ್ಧಿಕ್ ಪಾಂಡ್ಯ ಮತ್ತೊಮ್ಮೆ ಮದುವೆಯಾಗಲು ರೆಡಿಯಾಗುತ್ತಿದ್ದಾರೆ. ಪ್ರೇಮಿಗಳ ದಿನ ಅಂದರೆ ಫೆಬ್ರವರಿ 14 ರಂದು ಇವರು ವಿವಾಹವಾಗುತ್ತಿದ್ದು, ಮತ್ತೊಂದು ಅಚ್ಚರಿಯ ವಿಷಯ ಎಂದರೆ ಮಗುವಾದ ಬಳಿಕ ಇದೀಗ ಇವರು ಮದುವೆಯಾಗುತ್ತಿದ್ದಾರೆ.

ಹಾರ್ಧಿಕ್ ಪಾಂಡ್ಯ ಈ ಹಿಂದೆ ನತಾಶಾ ಅವರನ್ನು ಮದುವೆಯಾಗಿದ್ದರು. ಇವರಿಬ್ಬರ ಮದುವೆಯಾಗಿ ಇದೀಗ ಇವರಿಗೆ 3 ವರ್ಷದ ಮಗನಿದ್ದಾನೆ. ಆದರೆ ಇವರಿಬ್ಬರ ಮದುವೆ ಕೋವಿಡ್ ಸಂಧರ್ಭದಲ್ಲಿ ನಡೆಯಿತು. ಹೀಗಾಗಿ ಇವರಿಬ್ಬರು ಇದೀಗ ಮತ್ತೊಮ್ಮೆ ಅದ್ದೂರಿಯಾಗಿ ಮದುವೆಯಾಗಲು ತೀರ್ಮಾನಿಸಿದ್ದಾರೆ. ಹೀಗಾಗಿ ಫೆ.14ರಂದು ಉದಯ್ ಪುರದಲ್ಲಿ ಇವರಿಬ್ಬರ ಮದುವೆ ಅದ್ದೂರಿಯಾಗಿ ನಡೆಯಲಿದ್ದು, ಇಂದಿನಿಂದಲೇ ಮದುವೆ ಸಿದ್ಧತೆ ಅದ್ದೂರಿಯಾಗಿ ಸಾಗುತ್ತಿದೆ.

ಫೆ.14 ರಿಂದ 16 ವರೆಗೂ ಇವರಿಬ್ಬರ ಮದುವೆ ಕಾರ್ಯಕ್ರಮ ನಡೆಯಲಿದ್ದು, ಇದರಲ್ಲಿ ಕ್ರಿಕೆಟ್ ತಂಡದ ಬಹುತೇಕ ಸದಸ್ಯರು ಹಾಗೂ ಈ ದಂಪತಿಯ ಸ್ನೇಹಿತರು ಮತ್ತು ಆಪ್ತರು ಭಾಗಿಯಾಗುವ ಸಾಧ್ಯತೆಗಳಿವೆ. ಇದಲ್ಲದೆ ಇದೆ ಮೊದಲ ಬಾರಿಗೆ ಕ್ರಿಕೆಟ್ ಇತಿಹಾಸದಲ್ಲಿ ಮಗುವಿಗೆ ಜನುಮ ನೀಡಿದ ಬಳಿಕ ಮದುವೆ ಆಗುತ್ತಿರುವ ಆಟಗಾರ ಎಂಬ ಹೆಗ್ಗಳಿಕೆ ಕೂಡ ಇವರದ್ದಾಗಿದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ