ನಮ್ಮಲ್ಲಿ ಬಹಳ ಹಿಂದಿನ ಕಾಲದಿಂದಲೂ ಮಕ್ಕಳಿಗೆ ಕಿವಿ ಚುಚ್ಚುವ ಪದ್ಧತಿ ಜಾರಿಯಲ್ಲಿದೆ. ಹುಟ್ಟಿದ ಮಗು ಗಂಡಾಗಲೀ ಅಥವಾ ಹೆಣ್ಣಾಗಲೀ ಆರು ತಿಂಗಳ ನಂತರ ಮನೆಯಲ್ಲಿ ಕಿವಿ ಚುಚ್ಚುವ ಶಾಸ್ತ್ರ ಇಟ್ಟುಕೊಂಡಿರುತ್ತಾರೆ. ಮಕ್ಕಳಿಗೆ ಕಿವಿ ಚುಚ್ಚಿಸುವುದರಿಂದ ಏನೆಲ್ಲಾ ಲಾಭಗಳಿವೆ ಗೊತ್ತೇ? ಮಗುವಿಗೆ ಚಿಕ್ಕ ವಯಸ್ಸಿನಲ್ಲಿ ಕಿವಿ ಚುಚ್ಚುವುದರಿಂದ ಆ ಮಗು ಬೆಳೆಯುತ್ತಾ ದೊಡ್ಡದಾದ ಮೇಲೆ ಅದರ ಆರೋಗ್ಯಕ್ಕೆ ಸಂಬಂಧ ಪಟ್ಟಂತೆ ಏನೆಲ್ಲಾ ಪ್ರಯೋಜನಗಳು ಉಂಟಾಗುತ್ತವೆ ಎಂಬುದನ್ನು ಇಲ್ಲಿ ಒಂದೊಂದಾಗಿ ತಿಳಿಸಲಾಗಿದೆ.
ಪುಟ್ಟ ಮಕ್ಕಳಿಗೆ ಕಿವಿ ಚುಚ್ಚುವುದರಿಂದ ಅವರ ಬುದ್ಧಿ ಶಕ್ತಿ ಚುರುಕುಗೊಂಡು ಮೆದುಳಿನ ಅಭಿವೃದ್ಧಿ ಸರಿಯಾಗಿ ಆಗುತ್ತದೆ ಎಂದು ಹೇಳುತ್ತಾರೆ. ಕಿವಿಯ ಎಲುಬುಗಳಲ್ಲಿ ‘ ಮೆರಿಡಿಯನ್ ಪಾಯಿಂಟ್ ‘ ಇದ್ದು, ಇದು ಬಲ ಭಾಗದ ಮೆದುಳಿನಿಂದ ಎಡ ಭಾಗದ ಮೆದುಳಿಗೆ ಸಂಪರ್ಕ ಸೇತುವೆ ಆಗಿರುತ್ತದೆ.
ಆಯುರ್ವೇದ ಪದ್ಧತಿಯ ಪ್ರಕಾರ ಕಿವಿಯಲ್ಲಿನ ತೆಳುವಾದ ಮೂಳೆ ಭಾಗದಲ್ಲಿ ಅಂದರೆ ಕಿವಿ ಚುಚ್ಚುವ ಸ್ಥಳದಲ್ಲಿ ವ್ಯಕ್ತಿಯ ಸಂತಾನೋತ್ಪತ್ತಿಯ ಆರೋಗ್ಯವನ್ನು ಸೂಚಿಸುವಂತಹ ಅಂಗಾಂಶಗಳು ಅಡಗಿರುತ್ತವೆ ಎಂದು ಹೇಳುತ್ತಾರೆ.
ಚಿಕ್ಕ ವಯಸ್ಸಿನಲ್ಲಿ ಮಕ್ಕಳಿಗೆ ಕಿವಿ ಚುಚ್ಚುವುದರಿಂದ ಪುರುಷರಿಗೆ ಸಂತಾನೋತ್ಪತ್ತಿಯಲ್ಲಿ ವೀರ್ಯದ ಉತ್ಪತ್ತಿ ದೇಹದಲ್ಲಿ ಸರಿಯಾಗಿ ಆಗುತ್ತದೆ ಮತ್ತು ಮಹಿಳೆಯರಿಗೆ ಋತುಚಕ್ರ ಸರಿಯಾಗಿ ನಿರ್ವಹಣೆಯಾಗುತ್ತದೆ ಎಂದು ಹೇಳುತ್ತಾರೆ.
ಮಕ್ಕಳಿಗೆ ಚಿಕ್ಕ ವಯಸ್ಸಿನಲ್ಲಿ ಕಿವಿ ಚುಚ್ಚುವುದರಿಂದ ಮೊದಲೇ ಹೇಳಿದಂತೆ ಮೆದುಳು ಚೆನ್ನಾಗಿ ಬೆಳವಣಿಗೆ ಹೊಂದುತ್ತದೆ. ಇದರಿಂದ ಹಿಸ್ಟೇರಿಯ ಸಮಸ್ಯೆ ದೂರವಾಗುತ್ತದೆ ಎಂದು ಆಕ್ಯುಪ್ರೆಶರ್ ತಜ್ಞರು ಹೇಳುತ್ತಾರೆ.
ಕಿವಿಯ ಭಾಗದಲ್ಲಿ ನಮ್ಮ ದೇಹದ ಜೀರ್ಣ ಕ್ರಿಯೆಗೆ ಸಂಬಂಧ ಪಟ್ಟ ಅಂಗಾಂಶಗಳು ಸಹ ಇರುತ್ತವೆ. ಅಂದರೆ ನಮಗೆ ಹೊಟ್ಟೆ ಹಸಿವಾಗುವುದು ಮತ್ತು ಅಜೀರ್ಣ ಸಮಸ್ಯೆ ಹೋಗಲಾಡಿಸುವಂತಹ ಪಾಯಿಂಟ್ ಗಳು ಕಿವಿ ಚುಚ್ಚುವ ಮಧ್ಯ ಭಾಗದಲ್ಲಿ ಕಂಡು ಬರುತ್ತವೆ ಎಂದು ಆಯುರ್ವೇದ ಪದ್ಧತಿ ಹೇಳುತ್ತದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
