ಡಬ್ಲ್ಯುಪಿಎಲ್‌ 2023 ಆಕ್ಷನ್ ನೆನ್ನೆ ತಾನೆ ಮುಗಿದಿದೆ. ಫ್ರಾಂಚೈಸ್ ಗಳು ತಮ್ಮ ತಂಡಕ್ಕೆ ಬೇಕಾಗಿರುವ ಆಟಗಾರರನ್ನು ಆಯ್ಕೆಮಾಡಿಕೊಂಡಿದೆ. ಅದರಲ್ಲೂ ಅತ್ಯುತ್ತಮ ಆಟಗಾರರನ್ನು ಆಯ್ಕೆಮಾಡಿಕೊಳ್ಳುವ ಪಟ್ಟಿಯಲ್ಲಿ ನಮ್ಮ RCB ತಂಡ ಕೂಡ ಒಂದು. ಈ ಬಾರಿಯ ಡಬ್ಲ್ಯುಪಿಎಲ್‌ 2023 ಆಕ್ಷನ್ ಅಲ್ಲಿ ಕೂಡ ಅದನ್ನೇ ಮುಂದುವರೆಸಿಕೊಂಡು ಬಂದಿದೆ. ಇದೀಗ RCB ಮ್ಯಾನೇಜ್ಮೆಂಟ್ ಕಡೆ ಇಂದ ಮತ್ತೊಂದು ಇಂಟೆರೆಸ್ಟಿಂಗ್ ಸುದ್ದಿ ಹೊರಬಂದಿದೆ.
ದೇಶ ಕಂಡ ದಿಗ್ಗಜ ಟೆನಿಸ್‌ ತಾರೆ ಸಾನಿಯಾ ಮಿರ್ಜಾರನ್ನು ಡಬ್ಲ್ಯುಪಿಎಲ್‌ 2023ಗೆ ತನ್ನ ಮೆಂಟರ್ ಆಗಿ ಆರ್‌ಸಿಬಿ ತಂಡ ನೇಮಿಸಿಕೊಂಡಿದೆ. “ಭಾರತದಲ್ಲಿ ಮಹಿಳಾ ವಿಭಾಗದ ಕ್ರೀಡೆಗಳ ಶ್ರೇಷ್ಠ ತಾರೆ, ಯುವ ಐಕಾನ್, ತನ್ನ ವೃತ್ತಿಜೀವನದುದ್ದಕ್ಕೂ ಧೈರ್ಯದ ನಿರ್ಧಾರದ ಮೂಲಕ ಗಮನಸೆಳೆದವರು. ಮೈದಾನದ ಒಳಗೆ ಹಾಗೂ ಮೈದಾನದ ಹೊರಗೆ ಎದುರಿನ ಅಡೆತಡೆಗಳನ್ನು ದಾಟಿ ಚಾಂಪಿಯನ್‌ ಎನಿಸಿಕೊಂಡವರು. ಆರ್‌ಸಿಬಿ ಮಹಿಳಾ ಕ್ರಿಕೆಟ್ ತಂಡದ ಮೆಂಟರ್ ಆಗಿ ಸಾನಿಯಾ ಮಿರ್ಜಾ ಅವರನ್ನು ಸ್ವಾಗತಿಸಲು ನಾವು ಹೆಮ್ಮೆಪಡುತ್ತೇವೆ” ಎಂದು ಆರ್‌ಸಿಬಿ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಆರ್‌ಸಿಬಿ ತಂಡಕ್ಕೆ ಮೆಂಟರ್ ಆಗಿ ನೇಮಕವಾದ ಬಳಿಕ ಸಂದರ್ಶನವೊಂದರಲ್ಲಿ ಮಾತನಾಡಿದ ಇವರು ” ಆರ್‌ಸಿಬಿ ತಂಡಕ್ಕೆ ಮೆಂಟರ್ ಆಗುವಂತೆ ಕೇಳಿದಾಗ ನನಗೆ ಅಚ್ಚರಿಯೊಂದಿಗೆ ಸಂಭ್ರಮ ಕೂಡ ಆಗಿತು. ಅದೃಷ್ಟವೋ ಅಥವಾ ದುರಾದೃಷ್ಟವೋ ತಿಳಿಯದು. ಕಳೆದ 20 ವರ್ಷಗಳಿಂದ ನಾನು ವೃತ್ತಿಪರ ಅಥ್ಲೀಟ್‌ ಆಗಿದ್ದೇನೆ. ಈಗ ನನ್ನ ಮುಂದಿನ ಕೆಲಸವೇನೆಂದರೆ, ಯುವ ಮಹಿಳೆಯರು ಹಾಗೂ ಬಾಲಕಿಯರಿಗೆ ಕ್ರೀಡೆಯನ್ನು ವೃತ್ತಿಯನ್ನಾಗಿ ತೆಗೆದುಕೊಳ್ಳುವಂತೆ ಪ್ರಯತ್ನಿಸುವುದು ಹಾಗೂ ಸಹಾಯ ಮಾಡುವುದು. ಅವರಿಗೆ ಕ್ರೀಡೆಯನ್ನೇ ಮೊದಲ ಆಯ್ಕೆಯನ್ನಾಗಿ ಮಾಡಿಕೊಳ್ಳುವಂತೆ ಪ್ರೋತ್ಸಾಹ ನೀಡುವ ಜವಾಬ್ದಾರಿ ನನ್ನದು” ಎಂದು ಹೇಳಿದರು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
