ಸ್ಕೂಟಿಗಿಂತ ಇದರ ನಂಬರ್ ಪ್ಲೇಟ್ ಗೆ ಹೆಚ್ಚು ಡಿಮ್ಯಾಂಡ್! ಕೋಟಿ ಬೆಳೆಗೆ ಮಾರಾಟವಾಯಿತು ಫ್ಯಾನ್ಸಿ ನಂಬರ್

ಇತ್ತೀಚಿನ ದಿನಗಳಲ್ಲಿ ಜನರು ಗಾಡಿ ಖರೀದಿಸುವುದಕ್ಕಿಂತ ಅದರ ನಂಬರ್ ಪ್ಲೇಟ್ ಗಾಗಿ ಹೆಚ್ಚು ಹಣ ಖರ್ಚು ಮಾಡುತ್ತಾರೆ. ಕೆಲವರಿಗೆ ಕೆಲವೊಂದು ಸಂಖ್ಯೆ ಬಹಳ ಅದೃಷ್ಟವಂತಾಗಿರುತ್ತದೆ. ಹೀಗಾಗಿ ಅದೇ ಸಂಖ್ಯೆ ಬೇಕು ಎಂದು ಪಟ್ಟು ಹಿಡಿದು ಕೂತಿರುತ್ತಾರೆ. ಇದೀಗ ಒಂದು ನಂಬರ್ ಗಾಗಿ ಬರೋಬ್ಬರಿ 26 ಮಂದಿ ಹರಾಜಿನಲ್ಲಿ ಭಾಗಿಯಾಗಿದ್ದಾರೆ.

ಜನರು ವಾಹನವನ್ನು ಖರೀದಿಸದಾಗ ಅವರು ತಮಗೆ ಇಷ್ಟದ ಸಂಖ್ಯೆಯನ್ನು ನಂಬರ್ ಪ್ಲೇಟ್ ನಲ್ಲಿ ಹಾಕಿಸಿಕೊಳ್ಳಬೇಕು ಎಂದು ಅಂದುಕೊಂಡಿರುತ್ತಾರೆ. ಕೆಲವರಿಗೆ ಆ ನಂಬರ್ ಸಿಕ್ಕರೆ ಇನ್ನು ಕೆಲವರಿಗೆ ಸಿಗುವುದಿಲ್ಲ. ಹೀಗಾಗಿ ಸ್ಕೂಟಿಗೆ ಫ್ಯಾನ್ಸಿ ನಂಬರ್ HP99-9999) ಪಡೆಯುವುದಕ್ಕಾಗಿ ಪೈಪೋಟಿ ಶುರುವಾಗಿದೆ. 26 ಜನ ಈ ನಂಬರ್ ಪಡೆಯಲು ಪೈಪೋಟಿಗೆ ಬಿದ್ದಿದ್ದರಿಂದ ಸಾರಿಗೆ ಇಲಾಖೆ ಹರಾಜು ಕರೆಯಲು ಮುಂದಾಗಿದೆ. ಇದೀಗ ಇದರ ನಂಬರ್ ಬೆಲೆ ಯಾರು ಕೂಡ ಊಹಿಸದಷ್ಟು ಮೊತ್ತಕ್ಕೆ ಸೇಲ್ ಆಗಿದೆ.

ಶಿಮ್ಲಾ ದಲ್ಲಿ ಸ್ಕೂಟಿ ಕೊಳ್ಳುವವರ ಸಂಖ್ಯೆ ಹೆಚ್ಚಾಗಿದೆ. ಹಾಗೆಯೇ ಈ ರೀತಿ ನಂಬರ್‌ ಗಾಗಿ ಪೈಪೋಟಿಗೆ ಬಿದ್ದವರ ಸಂಖ್ಯೆಯೂ ಹೆಚ್ಚಿದೆ. ನೋಂದಣಿ ಮತ್ತು ಪರವಾನಗಿ ಪ್ರಾಧಿಕಾರ ಕೊಟ್‌ಖಾಯ್‌ನಿಂದ ಸ್ಕೂಟಿಗೆ ಫ್ಯಾನ್ಸಿ ನೋಂದಣಿ ಸಂಖ್ಯೆ (HP 99-9999) ಪಡೆಯಲು ಆನ್‌ಲೈನ್‌ನಲ್ಲಿ 1.12 ಕೋಟಿ ಬಿಡ್ ಸ್ವೀಕರಿಸಲಾಗಿದೆ ಎಂದು ತಿಳಿದು ಬಂದಿದೆ. 1000 ರೂ. ಗಳಿಂದ ಪ್ರಾರಂಭವಾದ ಈ ಬಿಡ್ 1,12,15,500 ರೂಪಾಯಿ ಗಿಂತ ಅತಿ ಹೆಚ್ಚು ಬಿಡ್ ಆಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇಂದು ಹರಾಜು ಪ್ರಕ್ರಿಯೆ ಸ್ಥಗಿತಗೊಳ್ಳಲಿದೆ. ಹೀಗೆ ಹರಾಜು ಕೂಗಿದವರ ವಿವರ ಪತ್ತೆಯಾಗಿಲ್ಲ ಮತ್ತು ಅವರು ಹರಾಜು ಕೂಗಿದ ಹಣವನ್ನು ಠೇವಣಿ ಮಾಡದಿದ್ದಲ್ಲಿ ಈ ಫ್ಯಾನ್ಸಿ ಸಂಖ್ಯೆಯು ಎರಡನೇ ಬಿಡ್ಡರ್‌ಗೆ ಹೋಗುತ್ತದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ