2011ರ ಅಕ್ಟೋಬರ್ನಲ್ಲಿ ಬೆಂಗಳೂರಿನಲ್ಲಿ ಮೆಟ್ರೋ ರೈಲು ಸೇವೆ ಆರಂಭ ಆಯಿತು. ಅದಕ್ಕೂ ಕೆಲವು ತಿಂಗಳ ಮುಂಚೆ ರೈಲಿನ ಪ್ರಕಟಣೆಗಳ ಧ್ವನಿ ಮುದ್ರಣ ಮಾಡಲಾಯಿತು. ಅದಾಗಲೇ ಕಿರುತೆರೆಯಲ್ಲಿ ಜನಪ್ರಿಯವಾಗಿದ್ದ ನಿರೂಪಕಿ ಅಪರ್ಣಾ ವಸ್ತಾರೆ. ಅವರು ಮೆಟ್ರೋ ರೈಲಿನ ಪ್ರಕಟಣೆಗಳಿಗೆ ಧ್ವನಿ ನೀಡಲು ಆಯ್ಕೆ ಆದರು. ಅಂದಿನಿಂದ ಇಂದಿನವರೆಗೂ ಮೆಟ್ರೋ ರೈಲಿನಲ್ಲಿ ಕೇಳಿಸುವ ಕನ್ನಡದ ಪ್ರಕಟಣೆಗಳು ಅವರ ಧ್ವನಿಯಲ್ಲೇ ಇವೆ
ಮೆಟ್ರೋ ಮಾತ್ರವಲ್ಲದೇ ಭಾರತೀಯ ರೈಲ್ವೆಯ ಹಲವು ಪ್ರಕಟಣೆಗಳಲ್ಲೂ ಅಪರ್ಣಾ ಅವರ ಧ್ವನಿ ಕೇಳಿಸಿದೆ. ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ, ಬಿಎಸ್ಎನ್ಎಲ್, ಏರ್ಟೆಲ್ ಮುಂತಾದ ಸಂಸ್ಥೆಗಳಿಗೂ ಅವರು ಧ್ವನಿ ನೀಡಿದ್ದಾರೆ.
ಜರ್ಮನಿ ಮತ್ತು ಚೆನ್ನೈ ಮೂಲದವರು ಆ ಧ್ವನಿ ಮುದ್ರಣದ ಉಸ್ತುವಾರಿ ವಹಿಸಿದ್ದರು. ಮೊದಲೇ ಸಿದ್ಧವಾಗಿದ್ದ ಸ್ಕ್ರಿಪ್ಟ್ನಲ್ಲಿ ಕೆಲವು ನಿಲ್ದಾಣಗಳ ಹೆಸರು ತಪ್ಪಾಗಿ ಬರೆಯಲಾಗಿತ್ತು. ಅದು ನನಗೆ ಸರಿ ಎನಿಸಲಿಲ್ಲ. ಸರಿಯಾದ ಬಳಕೆ/ಉಚ್ಛಾರ ಹೇಗಿದೆ ಎಂಬುದನ್ನು ಅವರಿಗೆ ನಾನು ತಿಳಿಸಿ ಹೇಳಿದೆ. ಅದನ್ನು ಅವರು ಕೂಡಲೇ ಬದಲಾಯಿಸುವಂತೆ ಇರಲಿಲ್ಲ. ಮೇಲಾಧಿಕಾರಿಗಳ ಗಮನಕ್ಕೆ ತರಬೇಕಿತ್ತು. ಯಾವುದಕ್ಕೂ ಇರಲಿ ಅಂತ ಸ್ಕ್ರಿಪ್ಟ್ನಲ್ಲಿ ಇದ್ದಂತೆ ಹಾಗೂ ನಮ್ಮಲ್ಲಿ ಬಳಕೆಯಲ್ಲಿ ಇರುವಂತೆ ಎರಡು-ಮೂರು ರೀತಿಯಲ್ಲಿ ವಾಯ್ಸ್ ರೆಕಾರ್ಡ್ ಮಾಡಿಕೊಟ್ಟೆ’ ಎಂದು ಆ ದಿನಗಳನ್ನು ಅಪರ್ಣಾ ಮೆಲುಕು ಹಾಕಿದ್ದಾರೆ.
ನಿಲ್ದಾಣಗಳ ಹೆಸರು ಮಾತ್ರವಲ್ಲದೇ, ಇನ್ನುಳಿದ ವಾಕ್ಯಗಳಲ್ಲೂ ತಪ್ಪಾದ ಭಾಷಾಂತರ ಇದ್ದವು. ಇಂಗ್ಲಿಷ್ನಲ್ಲಿ ಸರಿಯಾಗಿದ್ದ ವಾಕ್ಯಗಳನ್ನು ಕನ್ನಡಕ್ಕೆ ಯಾಂತ್ರಿಕವಾಗಿ ಭಾಷಾಂತರಿಸಿದ ಸ್ಕ್ರಿಪ್ಟ್ನಲ್ಲಿ ಒಂದಷ್ಟು ತಪ್ಪು ಅರ್ಥಗಳು ಹೊಮ್ಮುತ್ತಿದ್ದವು. ಅವುಗಳನ್ನು ಕೂಡ ಸರಿಪಡಿಸಬೇಕು ಎಂದು ಅಪರ್ಣಾ ಸಲಹೆ ನೀಡಿದ್ದರು. ಅದರಿಂದಾಗಿ ಸರಿಯಾದ ವಾಕ್ಯಗಳ ಬಳಕೆಯನ್ನು ಉಳಿಸಿಕೊಳ್ಳಲು ಸಾಧ್ಯವಾಯಿತು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
