ಹಿಂದೂಗಳಲ್ಲಿ, ವಿವಾಹಿತ ಮಹಿಳೆಯರ ಹೆಸರಿನ ಮುಂದೆ, ಶ್ರೀಮತಿ ಎಂದು ಸೇರಿಸುವ ಸಂಪ್ರದಾಯವಿದೆ. ವಿವಾಹಿತ ಮಹಿಳೆಯರನ್ನು ಶ್ರೀಮತಿ ಎಂದು ಕರೆಯಲು ಕಾರಣವೇನು..? ಶ್ರೀಮತಿ ಎನ್ನುವ ಪದದ ಅರ್ಥವೇನು ಗೊತ್ತೇ..? ವಿವಾಹದ ಬಳಿಕ ಮಹಿಳೆಯರ ಹೆಸರಿನ ಮುಂದೆ ಶ್ರೀಮತಿ ಎನ್ನುವುದನ್ನು ಸೇರಿಸಿ ಕರೆಯಲಾಗುತ್ತದೆ. ಮದುವೆಯ ನಂತರ ಮಹಿಳೆಯನ್ನು ಶ್ರೀಮತಿ ಎಂದು ಕರೆಯಲು ಕಾರಣವೇನು..?
ಮಹಿಳೆಯ ಗುರುತು ಆಕೆಯ ಪತಿಗೆ ಸಂಬಂಧಿಸಿದೆ ಮತ್ತು ಅವನ ಉಪನಾಮವನ್ನು ಮಾತ್ರ ತೆಗೆದುಕೊಳ್ಳುವ ಮೂಲಕ ಮಹಿಳೆ ತನ್ನ ಗಂಡನ ಕುಟುಂಬದ ಭಾಗವಾಗುತ್ತಾಳೆ ಎಂಬುದು ಇದರ ಹಿಂದಿನ ನಂಬಿಕೆಯಾಗಿದೆ. ಸ್ತ್ರೀಯರನ್ನು ಗೌರವಿಸುವ ಮನೆಯಲ್ಲಿ ಲಕ್ಷ್ಮಿ ದೇವಿಯು ನೆಲೆಸುತ್ತಾಳೆ ಎನ್ನುವ ನಂಬಿಕೆಯಿದೆ. ಈ ಕಾರಣದಿಂದ ಕೂಡ ಬೇರೆ ಮನೆಯಿಂದ ಇನ್ನೊಂದು ಮನೆಗೆ ವಿವಾಹವಾಗಿ ಬಂದ ಮಹಿಳೆಯನ್ನು ಗೌರವದಿಂದ ಶ್ರೀಮತಿ ಎಂದು ಕರೆಯಲಾಗುತ್ತದೆ. ಇದು ಆಕೆಯ ಗೌರವದ ಸೂಚಕವಾಗಿದೆ.
ಹೆಣ್ಣು ಮದುವೆಯಾಗಿ ಪತಿಯನ್ನು ಸೇರಿದಾಗ ಆಕೆಯನ್ನು ಲಕ್ಷ್ಮಿ ದೇವಿಯ ರೂಪವೆಂದು ಪರಿಗಣಿಸಲಾಗುತ್ತದೆ. ಲಕ್ಷ್ಮಿಯ ರೂಪವಾಗಿ ವಿವಾಹಿತ ಮಹಿಳೆಯನ್ನು ಶ್ರೀಮತಿ ಎಂದು ಕರೆಯಲಾಗುತ್ತದೆ. ಇಲ್ಲಿ ಶ್ರೀ ಎಂದರೆ ಸಿರಿ, ಸಂಪತ್ತು ಮತಿ ಎಂದರೆ ಬುದ್ಧಿ ಎಂದರ್ಥ.
ಶ್ರೀಮತಿ ಎನ್ನುವ ಪದವನ್ನು ಹಿಂದೂ ದೇವತೆಗೂ ಸಂಬಂಧಿಸಿದೆ. ಇಲ್ಲಿ ಶ್ರೀ ಎಂದರೆ ಲಕ್ಷ್ಮಿ ಮತ್ತು ಮತಿ ಎಂದರೆ ಸರಸ್ವತಿ ದೇವಿ. ವಿವಾಹಿತ ಮಹಿಳೆಯ ಹೆಸರಿನ ಮುಂದೆ ಶ್ರೀಮತಿ ಎನ್ನುವ ಪದವನ್ನು ಸೇರಿಸುವುದರಿಂದ ಆಕೆಯ ಗೌರವ ಹೆಚ್ಚಾಗುತ್ತದೆ. ಆಕೆಯನ್ನು ಲಕ್ಷ್ಮಿ ದೇವಿಯ ರೂಪೊವೆಂದು ಈ ಮೂಲಕ ಪರಿಗಣಿಸಲಾಗುತ್ತದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
