ಇತ್ತೀಚಿನ ದಿನಗಳಲ್ಲಿ ಆಟೋ ಚಾಲಕರ ಕಿರಿಕಿರಿ ಹೆಚ್ಚಾಗುತ್ತಿದೆ. ಒಂದು ಕಡೆ ದುಪ್ಪಟ್ಟು ಹಣ ವಸೂಲಿ ಮಾಡುತ್ತಾರೆ, ಮತ್ತೊಂದು ಕಡೆ ಮೀಟರ್ ಹಾಕದೆ ಮೋಸ ಮಾಡುತ್ತಿದ್ದಾರೆ. ಕೆಲವೊಂದು ಸಲ ಹೆಣ್ಣು ಮಕ್ಕಳೊಂದಿಗೆ ಅಸಭ್ಯವಾಗಿ ವರ್ತಿಸಿರುವ ಘಟನೆ ಕೂಡ ನಡೆದಿದೆ. ಇದೀಗ ಈ ಎಲ್ಲಾ ಘಟನೆಗಳಿಗೆ ಬ್ರೆಕ್ ಹಾಕಲು ಬೆಂಗಳೂರು ಸಂಚಾರಿ ಪೊಲೀಸರು ತೀರ್ಮಾನಿಸಿದ್ದಾರೆ.
ಇದೀಗ ಆಟೋ ಚಾಲಕರಿಂದ ಪ್ರಯಾಣಿಕರಿಗೆ ಆಗುತ್ತಿರುವ ತೊಂದರೆಯಿಂದ ಕಡಿವಾಣ ಹಾಕಲು ಸಂಚಾರಿ ಪೊಲೀಸರು ಒಂದು ಆಪ್ ಸಿದ್ಧಪಡಿಸಲು ತೀರ್ಮಾನಿಸಿದ್ದಾರೆ. ಆಟೋಗಳಲ್ಲಿ ಇಲ್ಲಿಯವರೆಗೆ ಬಳಸುತ್ತಿದ್ದ ಚಾಲಕರ ಅಥವಾ ಮಾಲೀಕರ ಡಿಸ್‍ಪ್ಲೇ ಕಾರ್ಡ್‍ಗಳ ಬದಲಿಗೆ ಕ್ಯೂಆರ್ ಕೋಡ್ ಅಳವಡಿಸಲು ಮುಂದಾಗಿದ್ದಾರೆ. ಇನ್ನೇನು ಕೆಲವೇ ದಿನಗಳಲ್ಲಿ ಈ ಆಪ್ ಲಾಂಚ್ ಮಾಡಲಾಗಿದ್ದು, ಎಲ್ಲಾ ಆಟೋಗಳೂ ಡಿಸ್‍ಪ್ಲೇ ಕಾರ್ಡ್ ಬದಲಿಗೆ ಈ ಕ್ಯೂ ಆರ್ ಕೋಡ್ ಬಳಸಲೇಬೇಕಂತೆ.
ಈ ಹಿಂದೆ ಆಟೋ ಚಾಲಕರ ಸೀಟ್ ಇಂದ ಇವರ ಬೇಸಿಕ್ ಮಾಹಿತಿಯ ಫಲಕವಿತ್ತು. ಆದರೆ ಇದೀಗ ಇದರ ಬದಲು ಕ್ಯೂ ಆರ್ ಕೋಡ್ ಅಳವಡಿಸಲು ಸಂಚಾರಿ ಪೊಲೀಸರು ತೀರ್ಮಾನಿಸುತ್ತಿದ್ದಾರೆ. ಇದರಲ್ಲಿ ಚಾಲಕನ ಲೈಸೆನ್ಸ್ ನಿಂದ ಹಿಡಿದು ಪ್ರತಿಯೊಂದು ಮಾಹಿತಿಯೂ ಲಭ್ಯವಿರುತ್ತೆ. ಕೆಲ ಆಟೋ ಚಾಲಕರಿಂದ ಸಮಸ್ಯೆ ಆದರೆ ಕೂಡಲೇ ಕ್ಯೂರ್ ಆರ್ ಕೋಡ್ ದಾಖಲೆ ಪಡೆದು ದೂರು ದಾಖಲಿಸೋ ವ್ಯವಸ್ಥೆಯನ್ನ ಈ ಆಪ್ ಮೂಲಕ ಅಭಿವೃದ್ಧಿಪಡಿಸಲಾಗಿದೆ. ಮೇ ಮೊದಲ ವಾರದಲ್ಲಿ ಇದು ಜಾರಿಯಾಗುವ ಎಲ್ಲಾ ಸಾದ್ಯತೆಗಳಿದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
