ಬಿಗ್ ಬಾಸ್ ಸೀಸನ್ ನಲ್ಲಿ ಮನೆಮಾತಾಗಿದ್ದ ಜೋಡಿ ಎಂದರೆ ಅದು ರೂಪೇಶ್ ಶೆಟ್ಟಿ ಮತ್ತು ಸಾನ್ಯ ಐಯ್ಯರ್. ಇವರಿಬ್ಬರು ನಾವಿಬ್ಬರು ಸ್ನೇಹಿತರು ಎನ್ನುತ್ತಿದ್ದರು ಸಹ ಇವರಿಬ್ಬರ ಮನಸಲ್ಲಿ ಏನೋ ಇದೆ ಎಂಬುದು ವೀಕ್ಷಕರ ಅನುಮಾನವಾಗಿತ್ತು. ಇದಕ್ಕೆ ಸಾಕ್ಷಿ ಎಂಬಂತೆ ಸಾನ್ಯ ಬಿಗ್ ಬಾಸ್ ಮನೆಯಿಂದ ಎಲಿಮಿನೇಟ್ ಆದಾಗ ರೂಪೇಶ್ ಸಾನ್ಯ ಮಡಿಲಿನಲ್ಲಿ ಮಗುವಿನಂತೆ ಅತ್ತರು. ಇದೀಗ ಬಿಗ್ ಬಾಸ್ ಗೆದ್ದ ನಂತರ ಮೊದಲ ಬಾರಿಗೆ ಸಾನ್ಯ ಅವರನ್ನು ಭೇಟಿ ಮಾಡಿದ್ದಾರೆ.
ರೂಪೇಶ್ ಶೆಟ್ಟಿ ಬಿಗ್ ಬಾಸ್ ಗೆದ್ದ ನಂತರ ಹಲವಾರು ಸಂದರ್ಶನಗಳಲ್ಲಿ ಬ್ಯುಸಿಯಾಗಿದ್ದರು. ಇದಾದ ಬಳಿಕ ಒಬ್ಬರಾದಮೇಲೊಬ್ಬರಂತೆ ತಮ್ಮ ಗೆಳೆಯರಾದ ರಾಕೇಶ್ ಅಡಿಗ, ದೀಪಿಕಾ ದಾಸ್, ಕಾವ್ಯ, ಪ್ರಶಾಂತ್ ಸಂಭರ್ಗಿ, ರೂಪೇಶ್ ರಾಜಣ್ಣ ಹೀಗೆ ಪ್ರತಿಯೊಬ್ಬರನ್ನು ಸಹ ಭೇಟಿಮಾಡುತ್ತಾ ಬಂದರು. ಆದರೆ ತಮ್ಮ ಆಪ್ತ ಸ್ನೇಹಿತೆಯನ್ನು ಯಾವಾಗ ಭೇಟಿ ಮಾಡುತ್ತಾರೆ ಎಂದು ಸಹಜವಾಗಿ ಅಭಿಮಾನಿಗಳಿಗೆ ಕುತೂಹಲವಿತ್ತು. ಇದೀಗ ಇದಕ್ಕೆ ಉತ್ತರ ಸಿಕ್ಕಿದೆ.
ಇತ್ತೀಚಿಗೆ ನಡೆದ ಒಂದು ಖಾಸಗಿ ಕಾರ್ಯಕ್ರಮದಲ್ಲಿ ಇವರಿಬ್ಬರು ಭೇಟಿಯಾಗಿದ್ದಾರೆ. ರೂಪೇಶ್ ಶೆಟ್ಟಿ ಸರ್ಪ್ರೈಸ್ ರೀತಿಯಲ್ಲಿ ಸಾನ್ಯ ಅವರನ್ನು ಭೇಟಿ ಮಾಡಿದ್ದಾರೆ. ಇವರಿಬ್ಬರು ಭೇಟಿಯಾದ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗುತ್ತಿದೆ. ಇದಲ್ಲದೆ ಬಿಗ್ ಬಾಸ್ ವೇದಿಕೆ ನಂತರ ಮೊದಲ ಬಾರಿಗೆ ಈ ಜೋಡಿಯನ್ನು ನೋಡಿದ ಇವರಿಬ್ಬರ ಅಭಿಮಾನಿಗಳು ಸಕತ್ ಖುಷಿಯಾಗಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
