ಇಂದಿನಿಂದ ದ್ವಿತೀಯ ಪಿಯುಸಿ ಪರೀಕ್ಷೆ ಆರಂಭವಾಗುತ್ತಿದೆ. ಪರೀಕ್ಷೆಯ ಸಮಯ ಎಂದರೆ ಹೆಚ್ಚಾಗಿ ವಿದ್ಯಾರ್ಥಿಗಳಲ್ಲಿ ಆತಂಕ ಜಾಸ್ತಿ. ಈ ಆತಂಕದಲ್ಲಿ ಅವರು ಕೆಲವು ವಿಚಾರಗಳನ್ನು ಮರೆಯುವ ಸಾಧ್ಯತೆಗಳು ಹೆಚ್ಚಿರುತ್ತವೆ. ಅದ್ರಲ್ಲೂ ಪರೀಕ್ಷೆಯ ಸಮಯದಲ್ಲಿ ವಿದ್ಯಾರ್ಥಿಗಳು ಹಾಲ್ ಟಿಕೆಟ್ ಮರೆತರೆ ಅವರಿಗೆ ಪರೀಕ್ಷೆ ಬರೆಯಲು ಬಿಡುವುದಿಲ್ಲ. ಇಂತಹ ಸಂದರ್ಭದಲ್ಲಿ ವಿದ್ಯಾರ್ಥಿಗಳು ಹೆಚ್ಚಾಗಿ ಚಿಂತಿಸುವ ಅವಶ್ಯಕತೆ ಇಲ್ಲ.
ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯಮಾಪನ ಮಂಡಳಿ ಕರ್ನಾಟಕ 2nd PUC ಹಾಲ್ ಟಿಕೆಟ್ 2023 ಅನ್ನು ಫೆಬ್ರುವರಿ 18 2023 ರಂದು ಬಿಡುಗಡೆ ಮಾಡಿ ಶಾಲಾ ಮಂಡಳಿಯವರಿಗೆ ಅದನ್ನು ಡೌನ್ಲೋಡ್ ಮಾಡಿ ವಿದ್ಯಾರ್ಥಿಗಳಿಗೆ ನೀಡುವ ಜವಾಬ್ದಾರಿಯಿತ್ತು. ಹೀಗಾಗಿ ಶಾಲಾ ಮಂಡಳಿಯವರು ಹಾಲ್ ಟಿಕೆಟ್ ಡೌನ್ಲೋಡ್ ಮಾಡಿ ವಿದ್ಯಾರ್ಥಿಗಳಿಗೆ ನೀಡಿದ್ದಾರೆ. ಹೀಗಿದ್ದರೂ ಪರೀಕ್ಷೆಯ ಆತಂಕದಲ್ಲಿ ವಿದ್ಯಾರ್ಥಿಗಳು ಹಾಲ್ ಟಿಕೆಟ್ ಅನ್ನು ಮರೆತು ಬಂದರು ಹೆಚ್ಚಾಗಿ ಟೆಂಷನ್ ಪಡುವ ಅವಶ್ಯಕತೆ ಇಲ್ಲ. ಅದನ್ನು ಮರಳಿ ಪಡೆಯಲು ಈ ಸುಲಭ ಹಂತವನ್ನು ಪಾಲಿಸಿದರೆ ಸಾಕು.
ನೀವು ಹಾಲ್ ಟಿಕೆಟ್ ಮರೆತು ಬಂದಿದ್ದರೆ ಮೊದಲು ಅದನ್ನು ನಿಮ್ಮ ಕಾಲೇಜು ಮಂಡಳಿಯವರಿಗೆ ತಿಳಿಸಿ. ನಂತರ ಅವರು ಕೆಳಗೆ ನೀಡಿರುವ ಹಂತಗಳ ಮೂಲಕ ಅದನ್ನು ಮತ್ತೆ ನಿಮಗೆ ಡೌನ್ಲೋಡ್ ಮಾಡಿ ಕೊಡುತ್ತಾರೆ.
ಹಂತ 1: PUC ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ – pue.karnataka.gov.in
ಹಂತ 2: ಮುಖಪುಟದಲ್ಲಿ, “II PUC ಪರೀಕ್ಷೆಯ ಪ್ರವೇಶ ಟಿಕೆಟ್‌ಗಾಗಿ ಇಲ್ಲಿ ಕ್ಲಿಕ್ ಮಾಡಿ” ಲಿಂಕ್ ಅನ್ನು ಕ್ಲಿಕ್ ಮಾಡಿ.
ಹಂತ 3: ಹೊಸ ಪುಟವು ಹಲವಾರು ಲಿಂಕ್‌ಗಳೊಂದಿಗೆ ತೆರೆಯುತ್ತದೆ ಅಲ್ಲಿ “II PUC ಪರೀಕ್ಷೆಯ ಪ್ರವೇಶ ಟಿಕೆಟ್‌ಗಾಗಿ ಆನ್‌ಲೈನ್ ಪೋರ್ಟಲ್” ಅನ್ನು ಕ್ಲಿಕ್ ಮಾಡಿ.
ಹಂತ 4: ಅಗತ್ಯವಿರುವ ರುಜುವಾತುಗಳನ್ನು ನಮೂದಿಸಲು ಮತ್ತು ಪೋರ್ಟಲ್‌ಗೆ ಲಾಗ್ ಇನ್ ಮಾಡಲು ಹೆಡ್ ಮಾಸ್ಟರ್ ಅಗತ್ಯವಿದೆ.
ಹಂತ 5: ಕರ್ನಾಟಕ 2ನೇ ಪಿಯುಸಿ ಹಾಲ್ ಟಿಕೆಟ್ 2023 ಫೈಲ್‌ಗಳನ್ನು ಲೋಡ್ ಮಾಡಲಾಗುತ್ತದೆ.
ಹಂತ 6: ಹಾಲ್ ಟಿಕೆಟ್‌ಗಳನ್ನು ಡೌನ್ಲೋಡ್ ಮಾಡಿ ಮತ್ತು ಅವುಗಳನ್ನು ವಿದ್ಯಾರ್ಥಿಗಳಿಗೆ ಒದಗಿಸಲು ಪ್ರಿಂಟ್‌ಔಟ್‌ಗಳನ್ನು ತೆಗೆದುಕೊಳ್ಳಿ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
