ಇತ್ತೀಚಿನ ದಿನಗಳಲ್ಲಿ ಜನ ತಾವು ಹೆಚ್ಚಾಗಿ ಗುರುತಿಸಿಕೊಳ್ಳಬೇಕೆಂದು ಹಲವಾರು ಸಾಹಸಗಳನ್ನು ಮಾಡುತ್ತಾರೆ. ಇವರು ಮಾಡುವ ಸಾಹಸಗಳು ನೋಡಲು ರೋಮಾಂಚನಕಾರಿಯಾಗಿರುತ್ತದೆ. ಇದೀಗ ಅಂತದ್ದೇ ಒಂದು ಸಾಹಸವನ್ನು ಮಾಡಿ ಒಬ್ಬ ವ್ಯಕ್ತಿ ವರ್ಲ್ಡ್ ರೆಕಾರ್ಡ್ ಸೃಷ್ಟಿಮಾಡಿದ್ದಾರೆ.
ನಾವು ಜಿಮ್ ಗಳಲ್ಲಿ ಪುಲ್ ಅಪ್ಸ್, ಪುಶ್ ಅಪ್ಸ್ ಹೀಗೆ ಹೇಳುವ ಪದವನ್ನು ಕೇಳಿದ್ದೇವೆ. ಇದನ್ನು ಹೆಚ್ಚಾಗಿ ಜನರು ಜಿಮ್ ಗಳಲ್ಲಿ ಮಾಡುತ್ತಾರೆ, ಇಲ್ಲವಾದರೆ ಮನೆಯಲ್ಲಿ ಮಾಡುತ್ತಾರೆ. ಆದರೆ ಈ ವ್ಯಕ್ತಿ ಹೆಲಿಕಾಪ್ಟರ್‌ನಿಂದ ಪುಲ್ ಅಪ್‌ಗಳನ್ನು ಪ್ರದರ್ಶಿಸುವ ಮೂಲಕ ವಿಶ್ವ ದಾಖಲೆಯನ್ನು ಸೃಷ್ಟಿಸಿದ್ದಾನೆ.
ಈತನ ಹೆಸರು ಹಮಾಜಾಸ್ಪ್ ಹ್ಲೋಯಾನ್. ಈತ ಮೂಲತಃ ಅರ್ಮೇನಿಯಾದ ಯೆರೆವಾನ್‌ನ ನಗರದ ನಿವಾಸಿ. ಈತ ಹೆಲಿಕಾಪ್ಟರ್‌ನಲ್ಲಿ ನೇತಾಡಿಕೊಂಡು ಪುಲ್ ಅಪ್‌ಗಳನ್ನು ಮಾಡಿ ವಿಶ್ವ ದಾಖಲೆ ಬರೆದ್ದಿದ್ದಾನೆ. ಈತ ಕೇವಲ ಒಂದು ನಿಮಿಷದಲ್ಲಿ 32 ಪುಲ್-ಅಪ್‌ಗಳನ್ನು ಮಾಡಿ ವಿಶ್ವ ಧಾಖಲೆ ನಿರ್ಮಿಸಿದ್ದಾನೆ. ಆದರೆ ಈ ರೀತಿ ಸಾಧನೆ ಮಾಡಿರುವುದು ಮೊದಲನೆಯದಲ್ಲ. ಈ ಹಿಂದೆ 2022 ರಲ್ಲಿ ಬೆಲ್ಜಿಯನ್ ವ್ಯಕ್ತಿಯೊಬ್ಬರು ಒಂದು ನಿಮಿಷದಲ್ಲಿ 25 ಪುಲ್-ಅಪ್‌ಗಳ ಮಾಡಿ ವಿಶ್ವ ದಾಖಲೆ ಪಡೆದುಕೊಂಡಿದ್ದರು. ಇದೀಗ ಹಮಾಜಾಸ್ಪ್ ಹ್ಲೋಯಾನ್ 32 ಪುಲ್-ಅಪ್‌ಗಳನ್ನು ಮಾಡುವ ಮೂಲಕ ವಿಶ್ವ ಧಾಖಲೆ ಸೃಷ್ಟಿಸಿದ್ದಾರೆ. ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗುತ್ತಿದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
